Larunbat arratsaldean jokatuko da finala. Lau pilotariek torneoko pilota onenak direla esan dute material aukeraketan. Bikote biek final lehiatua izango dela uste dute, nahiz eta kinielek Peio Etxeberria eta Landa jotzen dituzten faborito.
Hiru asteko geldialdiaren ondoren, Mastersaren azken txanpa jokatuko da. Ostiralean urriaren 4ko finalera sailkatzeko lehiatuko diren lau bikoteek materiala baztertu dute. Jaialdia 21:00etan hasiko da eta lehenengo partidan Artola-Rezusta eta Elordi-Mariezkurrena izango dira aurrez aurre. Bigarren finalerdian, Ezkurdia eta Albisu txapelen lehian sartzen saiatuko dira Zabalaren eta Iztuetaren aurka.
11-22 aise menderatu dituzte Jakak eta Mariezkurrena II.ak Ezkurdia eta Martija, igande arratsaldean Logroñon jokatutako San Mateo Torneoko finalean. Hasieratik nagusi izan dira kantxan, eta partida desorekatua izan da. B Serieko finalean, berriz, Peio Etxeberria eta Carmelo Loza izan dira nagusi, Elordi eta Eskuza menderatuta.
Ezkurdiak eta Martijak 22-19 irabazi diete Laso eta Landari San Mateo Torneoko finalerdietan. Aspeko bikoteak nahikoa zuen 17 tanto egitearekin, baina bigarren garaipena nahi izan dute. Hala, Jaka eta Mariezkurrena II.a izango dituzte aurkari finalean.
Jakak eta Mariezkurrenak 22-14 garaitu dituzte Larrazabal eta Iztueta San Mateo Torneoko lehen finalerdian. Hala, ostiral honetako garaileak izango dituzte aurkari finalean: Ezkurdia-Martija edo Laso-Landa.
San Mateo Torneoko finalak ez du ordezkari errioxarrik izango. Dariok eta Zabaletak Laso eta Landa 22-21 garaitu zituzten arren, finaletik at geratu ziren. Laso-Landa bikotea lau tantoz gailendu beharko zaio Ezkurdia-Martija bikoteari, finalerako txartela eskuratu nahi badu.
Iker Larrazabalek eta Martxel Iztuetak 10-22 garaitu dituzte Javi Zabala eta Beñat Rezusta Logroñoko Adarraga pilotalekuan, eta, ondorioz, puntu garrantzitsua lortu dute San Mateo torneoko finalera bidean.
Larrazabalek eta Iztuetak 3-22 garaitu dituzte Artola eta Albisu San Mateo txapelketan parte hartzeko kanporaketan, eta aurkarien oso gainetik izan dira. Ondorioz, Zabala eta Rezustaren aurka neurtuko dituzte indarrak igandean.
Zabalak eta Iztuetak 16-22 garaitu dituzte Laso eta Martija Caixabank Masterseko ligaxkako azken partidan. Hala, lider bezala bukatu dute, eta Ezkurdia eta Albisu izango dituzte aurkari finalerdietan.
Ezkurdiak eta Albisuk 22-20 garaitu dituzte Larrazabal eta Zabaleta CaixaBank Masters txapelketako 7. jardunaldiko partidan. Hala, momentuz, finalerdietarako txartela eskuratu dute, Lasok eta Martijak azken partidan egingo dutenaren zain.
Elordik eta Mariezkurrenak 10-22 garaitu dituzte Artola eta Rezusta CaixaBank Masterseko 7. jardunaldiko partidan. Sailkapeneko liderrek bosgarren garaipena erdietsi dute, eta sendo jarraitzen dute buruan.
Txapelketa uztailaren 17an hasiko da, eta urriaren 4an amaitu; finala Iruñean jokatuko dute, Nafarroa Arenan.
Zabalak eta Iztuetak 4. puntua eskuratu dute Artola eta Rezusta garaituta, eta, beraz, CaixaBank Masterseko finalerdietarako sailkatu dira.
Pilotalekuan partida jokatzen ari zenean jakin dute antzarretan mutil bat zendu dela, eta orduan jakinarazi diete harmailetan zeuden zaleei. Lehen atsedenaldi luzean, minutuko isilunea egin dute, hildakoaren omenez.
Lekeition jokatu den CaixanBank Masterseko neurketa bertan behera gelditu da, Ezkurdia eta Albisu Altuna eta Imaz 18-14 menderatzen ari zirenean Oiartzungo atzelaria ondoezik sentitu baita. Ezkurdiak eta Albisuk bigarren puntua batu dute horrela, eta sailkatzeko aukerak izaten jarraitzen dute. Altuna eta Imaz, berriz, sailkatzeko aukerarik gabe gelditu dira, garaipen bakarra lortu baitute.
Aitor Elordi eta Jon Mariezkurrena 22-10 gailendu dira Unai Laso eta Julen Martijaren aurka Lekeitioko pilotalekuan jokatu duten partidan, eta, ondorioz, CaixaBank Masterseko finalerdietarako sailkatu dira. Gorriak jaun eta jabe izan dira.
Sanmateoetako pilota torneoa aurkeztu dute gaur Logroñon. Irailaren 18tik 27ra bitarte jokatuko da. Atarikoetan, A Multzoan Jaka-Mariezkurrena, Zabala-Rezusta eta Artola-Albisu Larrazabal-Iztueta arituko dira. B multzoan, Laso-Landa, Dario-Zabaleta, Ezkurdia-Martija eta Altuna-Bikuña.
Artolak eta Rezustak 22-20 garaitu dituzte Larrazabal eta Zabaleta, eta hirugarren puntua eskuratu dute CaixaBank Mastersen.
Lasok eta Iztuetak irabazi dute 2026ko Bilboko Aste Nagusiko txapelketa, finalean Elordi eta Zabaleta 11-22 garaituta. Hasieratik agindu dute markagailuan, eta, gorriek hurbiltzea lortu duten arren, azken tantoetan jaun eta jabe izan dira urdinak.
Peio Etxeberria Altuna III.aren ordez aritu da, Zarautzen; nafarrak eta Imazek bikotearen aurreneko puntua eskuratu dute, eta Lasok eta Martijak, ordea, bi puntu dituztela jarraitzen dute.
