Egin bat Kirolak EITB atariko abantaila guztiez gozatzeko.
Maialen Aldazabalek eta Aritz Erkiagak Mexiko menderatu dute banakako zesta-puntan, eta Sergio Rodriguezek eta Edorta De Antak partida bikaina jokatu dute parapilotan, 36 metroko frontoian. Euskal selekzioak galdu egin du frontballean, binakako zesta-puntan eta gomazko paletan.
Peñak ligaxkako lehen puntua lortu du partida bikain batean Laso garaituta. Ia partida osoan joan da tolosarra aurretik markagailuan, eta finalerdietara sailkatzea gertuago du orain Bilboko Bizkaia pilotalekuan lortutako garaipenari esker.
Munduko Pilota Txapelketan Euskal Selekzioak atzo jokatutako 8 partidetatik 7 irabazi zituen, eta, kexkak uxatuta, puntistak primeran egokitu ziren Uruguaiko frontoi berrira.
Peio Etxeberriak 19-22 garaitu du Joseba Ezkurdia Lau t’erdiko Txapelketako final-laurdenetako lehen partidan. Atzetik ibiltzea tokatu zaio txapeldunari, baina azken tantoetan dena eman du garaipena eskuratzeko.
Euskal Pilota Selekzioa lehen aldiz ari da parte hartzen selekzio ofizial gisa Munduko Txapelketa batean. Pilotarien artean ilusioa da nagusi.
Nagore Martinek eta Julen Alberdik euren lehiak irabazi dituzte Munduko Pilota Txapelketako lehen jardunaldian. Gizonezkoen gomazko paletan, aldiz, Mexikoko ordezkariak Unai Sagarzazu eta Julen Loidi baino gehiago izan dira.
Munduko Txapelketa urriaren 15etik 24ra bitartean jokatuko dute, Argentinan eta Uruguain.
Txapelketak bere historiako parte-hartze handiena izango du. Enara Gaminde egungo txapelduna da abenduaren 13an, Mungian jokatuko den finalean, txapela janzteko faborito nagusia.
Euskal Selekzioko pilotariak Buenos Airesera iritsi ziren astelehenean. Asteartean harrera instituzionala egin diete Ibone Bengoetxea lehendakariordeak eta Jose Mari Mitxelena Euskal Federazioaren presidenteak. Euskal Selekzioa lehen aldiz ariko da ofizialki pilotako munduko txapelketa batean. Urriaren 15etik 25era bitarte jokatuko da, Argentinan eta Uruguain.
Hala ere, urriaren 20tik aurrera jardunaldi bakoitzerako sarrerak erosi ahal izango dira, final handirako izan ezik.
Jon Ander Peñak Iñaki Artolari 4-22 irabazi dio Lau t'erdiko Txapelketaren final-zortzirenetako azken kanporaketan. Tolosako Beotibar pilotalekuan, alegiarrak ezin izan dio tolosarraren erritmoari eutsi; hankapean ibili du, alde batetik bestera, inongo aukerarik eman gabe. Lehen etenaldira 2-12 aurretik iritsi da akats bat bera ere egin gabe.
Laudion jokatu da astelehen honetan Pilota Egokituko Arabako Irekia. Gomez-Corts eta Quesada-Alvarez bikoteek irabazi dute, eta EITB Saria eskuratu.
Zaleek urriaren 13ko 12:00etatik aurrera erosi ahalko dituzte, online. Jardunaldi bakoitzerako sarrerak urriaren 20ko 12:00etatik aurrera izango dira eskuragarri.
Ander Muruak min hartuta dagoen Dario Gomezen lekua hartu du Lau t’erdiko Txapelketan, eta ederki baliatu du aukera. Beñat Senarri 10-22 irabazi dio Lekunberriko pilotalekuan jokatutako kanporaketan, eta, ondorioz, final-laurdenetako ligaxka lehiatzeko txartela bereganatu du.
Aizane Ibarrolak eta Udane Ozaetak 19-22 garaitu dituzte Alize Sagardui eta Arrate Bergara Hiru Hiriburuak Torneoko finalean, Bizkaia Frontoian. Norgehiagoka parekatua eta emozio handikoa izan da.
Euskal Selekzioko modalitate ezberdinetako pilotariak igande honetan abiatu dira Argentinan eta Uruguain jokatuko den Pilotako XX. Munduko Txapelketara. Zita historikoa izango da Euskal Selekzioarentzat, lehen aldiz lehiatuko baita ofizialki munduko txapelketa batean. Loiuko aireportuan hainbat lagunen agurra jaso dute, Gure Esku herri mugimenduak eta 7Baietz! elkarteak deituta.
Unai Lasok 10-22 irabazi dio Erik Jakari larunbat arratsaldean Iruñeko Labrit pilotalekuan jokatutako partidan, eta, horrenbestez, Lau t’erdiko Txapelketako final-laurdenetako ligaxkan lehiatzeko txartela bereganatu du.
Errioxarrak igande honetan egin behar zuen debuta txapelketako final-zortzirenetan, Senarren aurka, eta Muruak beteko du haren lekua.
Aitor Elordik eta Iker Larrazabalek partida zirraragarria jokatu dute Ezkurdin, Lau t'erdiko Txapelketako final-laurdenetara pasatzeko. Partida oso bizia izan da, bi pilotariak parez pare une oro eta tantoak trukatuz, baina Aspeko pilotaria nagusitu da azkenean (22-20).
