Adri Paradak aurretik jarri ditu gorritxoak lehen minutuetan, baina Sade Adamolekunek eta Cris Redondok markagailua irauli dute atsedenaldira iritsi aurretik. Bigarren zatian Maria Barquerok errioxarren hirugarren gola egin du, kanporaketa erabakitzen zuela zirudiena, baina Churrucak aldea murriztu du azken minutuan.
Athleticek puntu bat eskuratu du Osasunaren aurka Sadarren jokatutako euskal derbian (1-1). Nico Williamsek aurretik jarri ditu zuri-gorriak, baina Catenak markagailua parekatu du. Partida amaitutakoan, Gerenabarrenak aitortu du taldeak ez duela asmatu sortutako aukerak gauzatzen.
Osasunako jokalariak Athleticen aurka lortutako berdinketaren (1-1) inguruan hitz egin du Sadarren jokatu den EA Sports Ligako 12. jardunaldiko euskal derbian.
Jagoba Arrasatek Athleticen aurkako derbiaren atarian hitz egin du, eta Osasunak gaur egun duen egoera zailaren aurrean garaipena behar duela azpimarratu du. Gorritxoen entrenatzaileak aitortu du aste gogorrak izan direla, Teneriferen eta Andorraren arteko partidaren ostean Jesus de Miguel hil eta gero. Kirol arloan, 23 jokalari deitu ditu, baina Aimar Oroz, Jorge Rando eta Romein del Castillo bajan daude. Horren ustez, inportantea izango da Sadarren biltzen diren zaleen bultzada jasotzea eta jokalariek bere bertsiorik onena erakustea.
Espainiako Federazioak zehaztu egin du noiz jokatuko dituzten azaroaren 3tik 5era bitartean izan beharko ziren partidak; Jesus de Miguelen heriotzagatik atzeratu zituzten neurketak.
EA Sports Ligan, Moeve F Ligan eta Hypermotion Ligan, partidak 9. minutuan eten egingo dituzte, Tenerifeko jokalariak zuen zenbakiari erreferentzia eginda. Atzeratu egin dituzte, besteak beste, Moeve F Ligako Costa Adeje Tenerife-Alaves partida eta Hypermotion Ligako Castello-Eibar neurketa.
Pamplona-Eibar eta Anaitasuna-Alaves norgehiagokak zeuden aurreikusita gaurko, 19:00etatik aurrera.
Osasunak 2-1 galdu du Deportivoren aurka. Jagoba Arrasatek "oso mingarritzat" jo du porrota, are gehiago irabazten hasi direla kontutan hartuta. Partida hasiera txarra egin dutela azpimarratu du, eta “bi opari” egin dituztela gaineratu.
Ante Budimirrek, 33. minutuan, aurretik jarri du Nafarroako taldea, baina, bigarren zatian, Deportivok bi gol egin ditu, 64. eta 87. minutuetan, eta Jagoba Arrasateren taldeak ezin izan du punturik batu Riazorren.
Osasunak bihar jokatuko du Deportivoren aurka, Riazorren, bigarren astez jarraian etxetik kanpo. Jagoba Arrasatek 23 jokalari deitu ditu partida honetarako, baina Aimar Oroz, Jorge Herrando eta Romain Del Castillo oraindik ez daude jokatzeko moduan. Sevillan porrota jaso ostean eta Kopan Calatayud aise garaitu ondoren, gorritxoen entrenatzaileak nortasun propioa duen taldea ikusi nahi du Coruñan, aurkariari mehatxu egiteko gai izango dena, Sadartik kanpo ere bere jokoa erakusteko.
Jagoba Arrasate “gustura” gelditu da Osasunak Atletico Calatayuden aurka egindako partidarekin. Taldeak konfiantza behar duela azaldu du, eta gaurkoa horretarako baliagarria izango dela beraientzat.
Raul Garcia del Amo (3), Kike Barja, Dubasin (penaltiz) eta Asier Bonel debutariaren golek gorritxoen garaipen argia ekarri dute Errege Kopako lehen kanporaketako neurketan.
Osasunak Calatayud izango du aurkari bihar, eta talde gorritxoak debuta egingo du Errege Kopan. Jagoba Arrasatek aurreratu du "hamaikako erabat berria" ikusiko dugula.
Osasunak 2-0 galdu du Sevillaren aurka. Partidaren ostean, Jagoba Arrasatek azaldu du lehen 15-20 minutu “oso onak” egin dituztela, baina hortik aurrera “asko kostatu” zaiela.
Jagoba Arrasate berriro entrenatzaile dabilela etxetik kanpo jokatutako lehenengo partidan, Sevillak Nafarroako taldea garaitu du; Isaac Romerok, 24. minutuan, eta Felix Correiak, 82.ean, neurketako bi golak sartu dituzte.
Osasunako kirol zuzendari Jose Antonio Prieto Catak talde gorritxoaren etapa berria izan du hizpide. Kirol zuzendaritzaren ardura hartu ondorengo lehen erabakietako bat Luis Miguel Ramis kargutik kentzea eta Jagoba Arrasate berriro fitxatzea izan zen. Catak nabarmendu duenez, erabakia ez da “adabaki” bat.
Osasuna 2-0 gailendu zaio Racingi Sadarren, EA Sports Ligako 9. jardunaldiko partidan. Asier Osambelak bere lehen gola egin du Osasunarekin Racingen aurka, azken txanpan, eta gorritxoen garaipena ziurtatzeko balio izan du.
Budimirrek lehen zatian penatiz eta Osambelak amaierarako bi minutura egindako golek eman diote garaipena talde gorritxoari Sadarren.
