Velimir Perasovicen Kosner Baskoniak lehen garaipena lortu du igande honetan kroaziarra aulkira iritsi zenetik, Kids & Us Manresari 106-83 irabazita, Endesa Ligako seigarren jardunaldian.
Ander Muruak Lau t’erdiko Txapelketako finalerdietarako sailkapena eskuratu du, Joseba Ezkurdiari 20-22 irabazi ostean, Lizarrako Remontival pilotalekuan jokatutako partida gogor eta lehiatuan. Arrasatearrak, txapelketan B seriean hasi behar zuenak, ezustekoa eman du eta azken txartela eskuratu du. Finalerdietan Zabalaren aurka neurtuko ditu indarrak; beste kanporaketan, berriz, Altunak eta Peio Etxeberriak jokatuko dute.
Mikel Lopetegi "Urra"k Harri Txikien Euskadiko Txapelketa irabazi du zortzigarren aldiz. 125 kiloko harri errektangularra, 125eko zilindroa, 112,5 kiloko kubikoa eta 100 kiloko bolarekin 12.450 kilo jaso ditu. Maddi Gesalagak hirugarrenez jarraian kintopekoen Euskadiko Txapelketa bereganatu du. 3.550 kilo altxatu ditu. 45 jasoaldi eman dizkio 50 kiloko zilindroari eta 26 50 kiloko kubikoari.
Osasunak bihar jokatuko du Deportivoren aurka, Riazorren, bigarren astez jarraian etxetik kanpo. Jagoba Arrasatek 23 jokalari deitu ditu partida honetarako, baina Aimar Oroz, Jorge Herrando eta Romain Del Castillo oraindik ez daude jokatzeko moduan. Sevillan porrota jaso ostean eta Kopan Calatayud aise garaitu ondoren, gorritxoen entrenatzaileak nortasun propioa duen taldea ikusi nahi du Coruñan, aurkariari mehatxu egiteko gai izango dena, Sadartik kanpo ere bere jokoa erakusteko.
Surne Bilbao Basket irabazle atera da gaur Badalonan, Asisa Joventut 78-81 menderatuta, azken jokaldira arte erabaki ez den norgehiagokan. Darrun Hilliardek 17 puntu, 3 errebote eta 3 asistentzia lortu ditu. Hirugarren laurdenean, Bilboko taldeak 29 puntu sartu ditu, eta funtsezkoak izan dira Endesa Ligako laugarren garaipena lortzeko.
Maurine Chebor 22 urteko kenyarrak irabazi du emakumezkoen proba (24:09), Donostiako krosean izan duen estreinaldian. Maria Forero (24:13) eta Felister Chekwemoi (24:30) helmugaratu dira haren atzetik. Gizonezkoetan, berriz, Denis Kipkemoi kenyarra nagusitu da (20:24), azken metroetan Samuel Cherop taldekidea (20:25) eta Adisu Wegene (20:41) atzean utzita.
Tessy Ebosele jauzilariak atleta gisa egindako ibilbideaz hitz egin du "Helmuga" saioan. Bideo honetan, ikusi dezakezue elkarrizketa osoa.
Alaveseko jokalariak Bartzelonaren aurka jasotako porrotari buruz hitz egin du (6-1) Camp Noun jokatu den EA Sports Ligako 11. jardunaldiko partidan. Onartu du ez dutela "maila eman", eta taldearen egoera txarrari buelta eman behar diotela.
Peio Etxeberriak 11-22 garaitu du Aitor Elordi Lau t’erdiko Txapelketako final-laurdenetako azken jardunaldian, azken 13 tantoak jarraian eginda. Hala, ligaxkako hiru partidak irabazi ostean, Altunaren aurka neurtuko ditu indarrak finalerako txartela lortzeko.
Xabi Barandika eta Unai Lekerika puntistak omendu ditu Gernikak, Diego Beaskoetxea munduko selekzioko entrenatzailearekin batera, Uruguain eta Argentinan jokatutako Munduko Txapelketan lortutako urre historiakoagatik.
Gernikako txirrindulariak 16 urteko ibilbide profesionalari amaiera eman berri dio eta herrikideek merezitako omenaldia egin diote.
Donostiako klubak denboraldi historikoa egin du, jokoan izandako bandera guztiak irabazi baititu. Ospakizun gisa, banderak bedeinkatu dituzte, eta, ondoren, Gipuzkoako hiriburuko kale artetik kalejiran eraman dituzte.
Athleticeko entrenatzaileak Realaren aurka igandean San Mamesen jokatuko duten derbiaz hitz egin du, EA Sports Ligako 11. jardunaldian. Gogotsu da bere lehen euskal derbia jokatzeko eta, batez ere, irabazteko.
Sara M. aurrelariak aurretik jarri ditu armaginak bigarren zatia hasi berritan, baina etxeko taldeak berdinketa lortu du 55. minutuan, eta markagailua irauli du ondoren. 62. minututik aurrera, jokalari bat gutxiagorekin aritu da Valentzia. Carmenek berdinketa lortzeko aukera paregabea izan du 100. minutuan, aldeko penaltia adierazi baitio epaileak, baina zutoinera bidali du baloia.
Martin Fizek erretiroa hartuko du igandean, bere maratoi gogokoenetako batean parte hartuz, New Yorkekoan. Europako eta munduko txapelduna Alex semearekin batera lehiatuko da, eta hiru ordutik beherako marka egiten saiatuko da.
Jokin Altuna Lau t’erdiko txapelketako finalerdietan izango da, Jon Ander Peña 22-15 menderatuta. Partida bideratuta zuela zirudien arren, Peñak aurpegia eman du, eta Aspeko pilotaria gogor aritu behar izan da garaipena lortzeko.
Euskaltel Euskadik ziklo-kroseko bi probatan hartuko du parte asteburuan. Felipe Ortsen debuta izango da Euskal Herrian. Larunbatean, Amurrion lehiatuko da eta igandean Urduñan. Mikel Landaren lehen agerraldia izan da Euskaltelekin sinatu zuenetik. Murgiarra itxaropentsu agertu da datorren denboraldiari begira.
Igandeko derbiaren atarian, Realeko entrenatzaileak “oso berezitzat” jo du 1976.ean Atotxan bizitako une historikoa; Iribarrek eta Kortabarriak ikurrinarekin zelairatzeko erakutsitako ausardia nabarmendu du. Igandeko derbia bat etorriko da bi jokalariak ikurrinarekin zelairatu zireneko 50. urteurrenarekin, eta, hori dela eta, irudi historikoa errepikatu egingo dute.
Realeko entrenatzaileak igandeko derbia du jada buruan. Garaipena lortzeko, jokoaren alderdi guztietan taldeak bere mailarik onena eman beharko duela esan du Matarazzok. Txuri-urdinak lau garaipen jarraian lortuta iritsiko dira hitzordura, sailkapeneko bosgarren postuan. Zakharyan ez da zelairatuko orkatila bihurritu baitzuen ostegunean.
Eusko Label Winter Serieseko bigarren jardunaldian, Laduche-Manci eta Barandika-Basque bikoteek neurtuko dituzte indarrak astelehenean. Nolako partida aurreikusten dute?
