"Guk gure lana oso ondo egin behar izan genuen atzo bandera irabazteko", nabarmendu du Orioko arraunlariak irabazitako azken Kontxari buruz. Bestalde, "Iker Zabala iritsi denetik lana da gehien errepikatu den hitza", nabarmendu du.
Errastik bederatzi denboraldi eman ditu "Antiguako Ama" traineruan, eta klubak, astelehenean albistea baieztatuta, nabarmendu du, kirol emaitzetatik harago, harrobiko mutilen kirol bilakaeran egin duen lana.
Ibon Gaztañazpik aurkeztuta, eta Adimen Artifizialak lagunduta, “Kontxa Hondotik” saioko erreportajeek estimatuena den eta ospe handiena duen estropadaren hainbat sekreturen berri eman digute.
Sara Gandarak Oriok eta Arraun Lagunakek erakusten jarraitzen duten nagusitasuna nabarmendu du. Gainera, duela bi urte oriotarren zuzendaritzak Iker Zabala buru zuen proiektu berri baten alde egindako apustua gogorarazi du. Bestalde, Arraun Lagunaken denboraldi aparta azpimarratu du, orain arte jokatutako estropada guztiak irabazi baititu.
Oriok 34. aldiz irabazi du Kontxako Bandera, eta arratsaldean, San Nikolas ontziko arraunlariek eta oriotarrek bat eginda ospatu dute Donostiako badian lortutako garaipen handia.
Nagore Osoro patroi lanetan izan dela, Arraun Lagunakek bere historiako bosgarren Kontxako Bandera eskuratu du. Irudi hauetan, traineru barrutik ikus dezakegu nola helmugaratu diren irabazleak, baita nolakoa izan den euren lehen ospakizuna ere.
Arraun Lagunakeko arraunlariak eta teknikariak Konstituzio plazara joan dira igandean, estropada amaitu ostean, 2026ko Kontxako Bandera irabazi izana ospatzera, eta zaleek eta Gipuzkoako hiriburuak omenaldia egin diete bertan.
Orioko patroiak hamaikagarren aldiz bereganatu du Kontxako Bandera. Gogotik ospatu du taldearekin, baina familiako kideekin ere ospatu eta argazkiren bat ateratzeko ere aprobetxatu du.
Arraun munduko hitzordu nagusiak irudi gogoangarriak utzi ditu, parte hartzaile zein zaleentzat.
Rias Baixas, Pasai Donibane eta Arraun Lagunak dira historiako trainerurik sarituenak, 5na garaipenekin. Azken horrek azken lau edizioak irabazi ditu.
Orioko trainerua historiako talderik sarituena da, 34 garaipenekin. Bestalde, Hondarribiak hirutan irabazi du (2018, 2019 eta 2020), Santurtzik (2021) eta Urdaibaik (2022, 2023 eta 2024) hartu zutelarik haren lekukoa.
Orio koroatu da Kontxan, bigarren jardunaldian erakustaldia emanda. Lehen jardunaldiko denborekin batuz, Orio jaun eta jabe izan da Kontxako sailkapen nagusian.
Orioko patroiak arraunlari bakoitzari hitz batzuk zuzendu dizkio Kontxako Banderako bigarren jardunaldiko azken metroetan.
Oriok 34. aldiz irabazi du Kontxako Bandera. Lehen jardunaldia bereganatu zuten, eta bigarren jardunaldian ere erakustaldia emanez lortu dute garaipena. Gainera, Gorka Aranberri patroiarentzat hamaikagarren bandera izan da, baina lehena balitz bezala astindu du.
Asier Zurinaga Bermeoko patroiak adierazi du “bidegabea eta gehiegizkoa” izan zela epaileek Bou Bizkaiari Kontxako Banderaren lehen jardunaldian ezarritako 3 segundoko zigorra, helmugaratzean Donostiarraren ontzia jo zutela ebatzita.
Orio garaile atera da igande honetan Kontxako Banderako bigarren jardunaldian ere. San Nikolas ontziak ez du lehen jardunaldian lortutako hiru segundoko abantailaren beharrik izan, eta, iaz bezala, bandera irabazi du. Gaurkoarekin, 11. Kontxako Bandera irabazi du Gorka Aranberrik.
Donostia Arraun Lagunakek aurreikuspen guztiak bete ditu, eta igande honetan Kontxako Bandera eskuratu du bosgarren aldiz. Horrela, Lugañene ontziko arraunlariek denboraldi historikoa osatu dute, aurtengo ekitaldian lehian izan diren estropada eta bandera guztiak irabazi baitituzte.
'Lugañene' ontziko arraunlariek aurreikuspenak bete dituzte eta aise nagusitu dira 2026ko Kontxako Banderan, bigarren jardunaldian ere erakustaldia emanda. Bosgarren Kontxako Bandera da Donostiako klubarentzat.
Donostia Arraun Lagunakek historia egin du berriro Kontxako badian. Nagore Osorok gidatutako eta Juan Mari Etxabek zuzendutako tripulazioak 2026ko Kontxako Bandera irabazi du, emakumezkoen arrauneko nagusitasun eztabaidaezina berretsiz. Lugañenek bosgarren bandera, laugarrena jarraian, eskuratu du.
