Xabier Azpiroz Erremonteko Buruz Buruko txapelduna da, Endika Barrenetxearen aurka 30-29 irabazi zuen eta. Barrenetxea IV.ak azken tantoan falta egin zuen unean “deskribatu ezin duen poza” sentitu zuela adierazi du Uitzikoak. Hala ere, txapeldunak adierazi du erremontearen etorkizunak kezkatu egiten duela.
Nafarrak Endika Barrenetxea tanto bakar batengatik garaitu zuen larunbatean Galarretan jokatutako final handian (30-29).
Uitzikoak lehen aldiz jantzi du txapela Buruz Burukoan. Finala 29-29 zegoela, tanto erabakigarrian, azken sakean, Barrenetxea IV.ak falta egin du.
Xabier Azpirozek eta Endika Barrenetxeak elkarren indarrak neurtuko dituzte larunbat arratsaldean, Galarretan. Biek materiala hautatu dute gaur. Azpirozi biziegia iruditu zaizkio pilotak, baina ez dio aparteko garrantzirik eman. Oriamendik antolatutako azken final handia da. Azpirozen buruz buruko lehen finala izango da; Barrenetxeak, berriz, zazpigarrena du.
Juanenea eta Barrenetxea IV.ak Buruz Buruko finalaurrekoa jokatuko dute larunbatean. Juaneneak “bere maila askoz ere gehiago igo” beharko duela adierazi du Galarretan egindako material aukeraketan. Barrenetxeak, berriz, “konfiantzarekin” iritsi dela adierazi du.
Urnietako aurrelariak Oriamendi enpresako arduradunek duela egun batzuk bere kontra esandakoei erantzun die Euskai Irratian egindako elkarrizketan.
Prentsaurreko luze batean, hainbat arrazoi plazaratu dituzte. Baita albiste bat ere: Urnietako pilotariak ez du neurketa ofizial gehiagorik jokatuko.
Orain hilabete, Oriamendik hilabete jokatu eta entrenatu gabe egotera zigortu zuen Imanol Ansa erremontista, eta Buruz Buruko Txapelketatik kanpo utzi zuen. Erabaki horren atzean arrazoi pertsonalak daudela salatu du Ansak, eta enpresa ez dagoela negoziatzeko eta egoera konpontzeko prest, eta egoera erremontisten zein kirolaren beraren etorkizunaren kalterako dela nabarmendu du.
Egungo txapeldunak, Aritz Juaneneak, beste bost hautagairen kontra defendatu beharko du iaz lortutako txapela: Endika Barrenetxea, 2025eko finalean izan zuen aurkaria, Xabi Azpiroz, Josetxo Ezkurra, Iban Larrañaga eta Kemen Aldabe. Finala urriaren 3an jokatuko da. Bestalde, Imanol Ansak prentsaurrekoa eskainiko du ostiral honetan, 11:00etan, Urnietako udal pilotalekuan.
Saldiasko pilotariak erremonteko Banakako Txapelketako aurkezpenaren ostean hitz egin du; 2025ean, berak irabazi zuen txapelketa, eta aurten Ansa II.ak ezingo du parte hartu. Halaber, nabarmendu du erabat babesten duela Imanol Ansa.
Oriamendi 2010eko hamazortzi pilotarik, asteartean, adierazpena zabaldu dute. Ansa II.ari “babes osoa” adierazteaz gain, “erremontearen etorkizunaren aldeko aldarria ere” egin dute. “Oraindik garaiz gabiltza egoera hau konpondu eta Imanol Ansak Banakako Txapelketan parte hartzeko aukera izan dezan”, esan dute.
Aldabek eta Barrenetxeak irabazi dute Zarauzko Erremonte Torneoko finala. Bi setetan hartu dituzte mendean Segurola eta Juanenea. Lehenbizikoan, 15-7 nagusi izan dira eta bigarrenean, pixka bat gehiago estutu badituzte ere, 15-9 eta seta poltsikora.
Torneoa herriko Aritzbatalde pilotalekuan jokatuko da, bi multzotan banatuta. Lehenengo finalerdia ostiral honetan jokatuko dute, San Inazio egunean: Aldabe eta Barrenetxea IV.a Goikoetxea V.aren eta Azpirozen kontra ariko dira. Larunbatean, bigarren finalerdian, Segurolak eta Juaneneak Ezkurra II.aren eta Larrañagaren aurka jokatuko dute.
Summer Seasoneko finala jokatuko dute Juanenea-Aldabe eta Barrenetxea IV-Zubiri bikoteek, larunbatean, Galarretan. Hautatu dute materiala, txapelagatik lehiatzea geratzen zaie orain.
Eloy Otxandorena eta David Mitxeo dira erremonteko San Fermin Torneoko txapeldunak. 35-33 garaitu dituzte Matxin III.a eta Ion, pare bat alditan irauli behar izan duten partida gogorra jokatuta.
Erremonteko Summer Season txapelketa aurkeztu dute. Lau bikotek hartuko dute parte larunbatean hasi eta hilaren 25ean amaituko den torneoan. Imanol Ansak ez du jokatuko “Oriamendiko zuzendaritzak hartutako erabakien kontra” egindako ekintza batzuen ondorioz, hala azaldu du Xabi Gonzalez kudeatzaileak.
Imanol Ansa eta Aritz Zubiri, “Erremontari”-ko txapeldunak, Miramonen izan dira gaur. Zubirik azaldu du ilusio berezia egiten dion txapela dela “Azken Erremontari eta, seguraski, nire azken txapelketa” izango baitira. Ansak Nafarroako Erremontista taldeari eskaintzen dio txapela. Izan ere, alargun geratzen dira erremontistak aurten eta haiek izan dira ateak iriki dizkietenak.
Ansa II-Zubiri bikoteak irabazi du “Erremontari” txapelketaren seigarren edizioa. Hiru jokotan garaitu diete Aldaberi eta Barrenetxea IV.ari (12-15, 15-12 eta 8-5). Bikote moreari ondo atera zaio prestatutako estrategia eta “sekulako txapela” bereganatu dute.
Kemen Aldabe eta Endika Barrenetxea nagusitu dira lehen jokoan (12-15), baina bigarrenean Imanol Ansak beste martxa bat sartu du (15-12), eta Bereziartuko ordezkariek joko erabakigarria behartzea lortu dute. Hirugarrenean detaile txikiek erabaki dute neurketa.
Barrenetxea IV.ak, Aldabek, Ansa II.ak eta Zubirik “Erremontari” txapelketako finalean erabiliko duten materiala aukeratu dute. Urdinek pilota biziak aukeratu dituzte, txapelketa guztian zehar bezala. Moreek, berriz, baxuagoa, arinagoa.
