Urriaren 9tik azaroaren 22ra bitartean jokatuko dute.
Zabalak 22-11 irabazi dio Muruari. Finala, iazko berbera, azaroaren 22an jokatuko da, Bilbon, Bizkaia frontoian.
Asko zegoen jokoan eta tentsioa nagusi izan da norgehiagoka osoan zehar. Epaileek hartu beharreko erabaki zailak ez dira falta izan polemikaz betetako partidan. Jokin Altuna tanto batzuetan hartu diren erabakien kontra agertu da.
Peio Etxeberriak Jokin Altuna garaitu du Donostiako Atano III.a pilotalekuan jokatutako lehen finalerdian (15-22). Partida gogor eta lehiatu batean, nafarrak oso ondo eutsi dio gipuzkoarrari, eta garaipena lotu du azken txanpan. Ondorioz, laugarren urtez jarraian jokatuko du Lau t’erdiko finala, iaz bezala, txapela eskuratzea helburu. Bihar ezagutuko du aurkaria, Zabala eta Muruaren arteko partidako garaileari egingo baitio aurre finalean.
Unai Amianok eta Zubizarreta III.ak jokatuko dute 2026ko Lau t'erdiko B Serieko finala. Lehen finalerdian, Amianok 22-17 garaitu du Xabier Rekalde, banakako bere hirugarren finalera sailkatuz. Bigarrenean, Zubizarreta anaien arteko lehia ikusi da. Anaia nagusiak 22-8 garaitu du gaztea, eta finalerako txartela lortu du horrela.
Zabalak eta Muruak finalerdirako pilota aukeraketa egin dute gaur goizean Gasteizko Ogeta pilotalekuan. Zabalak aukeratu duen pilota bizi batek arduratzen du Murua. Zabalari, berriz, elkarren aurka inoiz jokatu ez izanak.
Peio Etxeberriak eta Jokin Altunak materiala hautatu dute, asteburuan jokatuko duten Lau eta erdiko finalaurreko partidan. Gustura agertu dira bi pilotariak materialarekin, eta partida nola ikusten duten azaldu dute.
Ander Murua pilotari arrasatearra ustekabea ematen ari da Lau t’erdiko txapelketan. Finalerdiak jokatuko ditu Jokin Altuna, Peio Etxeberria eta Javi Zabalarekin batera.
Ander Muruak Lau t’erdiko Txapelketako finalerdietarako sailkapena eskuratu du, Joseba Ezkurdiari 20-22 irabazi ostean, Lizarrako Remontival pilotalekuan jokatutako partida gogor eta lehiatuan. Arrasatearrak, txapelketan B seriean hasi behar zuenak, ezustekoa eman du eta azken txartela eskuratu du. Finalerdietan Zabalaren aurka neurtuko ditu indarrak; beste kanporaketan, berriz, Altunak eta Peio Etxeberriak jokatuko dute.
Peio Etxeberriak 11-22 garaitu du Aitor Elordi Lau t’erdiko Txapelketako final-laurdenetako azken jardunaldian, azken 13 tantoak jarraian eginda. Hala, ligaxkako hiru partidak irabazi ostean, Altunaren aurka neurtuko ditu indarrak finalerako txartela lortzeko.
Jokin Altuna Lau t’erdiko txapelketako finalerdietan izango da, Jon Ander Peña 22-15 menderatuta. Partida bideratuta zuela zirudien arren, Peñak aurpegia eman du, eta Aspeko pilotaria gogor aritu behar izan da garaipena lortzeko.
Buruz Buruko txapelketa irabazi zuenetik, ez du zorterik izan Dario Gomez pilotariak. Belaunean hartu zuen min lehenik; bizkarrean, ondoren. Binakakoari begira, osatuta egoteko itxaropena du errioxarrak.
Zabalak 17-22 irabazi dio Peñari Logroñoko Adarragan, tentsioz, emozioz eta erritmo biziz betetako partidan. Tolosarra aurretik izan da markagailuan lehen zatian, baina errioxarrak eutsi egin dio lehiari, eta bigarren zatian nagusitasunez lortu du garaipena. Hala, Zabalak zuzenean eskuratu du finalerdietarako txartela, final-laurdenetako kanporaketa jokatu beharrik gabe.
Gainera, garaipen honekin Laso matematikoki kanpoan geratu da, eta Altunaren eta Peñaren arteko partida erabakigarria izango da hirugarren jardunaldian.
Jokin Altunak 22-13 garaitu du Unai Laso Atano III.ean jokatu den Lau t'erdiko bigarren jardunaldiko partidan. Hala, Altunak finalerdietara iristeko aukerak izaten jarraitzen du, eta Lasok, berriz, oso zail du aurrera egitea.
Partidako lehen zatia oso parekatuta joan da, baina, 13 tantoko berdinketaren ostean, Peio Etxeberriak ez dio Muruari aukerarik eman eta garaipena lortu du, azken bederatzi tantoak bata bestearen atzetik eginda.
Eñaut Lizeagak eta Oier Elorzek hirugarren urrezko domina eman diote Euskal Selekzioari Munduko Txapelketan. Banakako esku-pilotan, Euskal Selekzioak zilarrezko domina irabazi du, finalean Espainiaren aurka galduta (2-0).
Txartelak www.entradasfronton.com webgunearen bidez erosi ahal izango dira. Garestienak 134 euroko prezioa izango du, eta merkeenak, 43 eurokoa.
Ander Murua Lau t’erdiko protagonista izaten ari da, ustekabean. Darioren lesioak final-zortzirenak jokatzeko aukera eman zion Arrasateko aurrelariari. Senar gainditu eta Ligaxka Elordiri irabazita abiatu du. Muruak amets egiten jarraitu nahi du.
