Errege Kopa

Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).

Talde gipuzkoarrak azaldu duenez, bazkideak "entzun" ondoren, zaleek argazkia doan ateratzeko aukera izango dute, Anoetan egiten ari diren hobekuntza lanak amaitzen direnean. Lan horiek datorren denboraldia hasita dagoenean bukatuko dira.

Klub txuri-urdinak GUazen KOPAREKIN erakusketa irekiko du Anoetan, eta bertan garaikurrarekin argazkia ateratzeko aukera izango da. Bisita egin nahi dutenek sarrerak erreserbatu egin beharko dituzte; bazkideek, akziodunek eta RS Fanek 3 euroan eskuratuko dute, eta gainerako zaleek, 6 euroan. 

Azpeitiarrek omenaldia egin diete Unai Marrerori eta Oier Agirrezabalagari, Realeko atezainari eta prestatzaile fisikoari. Herriak bere esker ona agertu die biei eta “herria horrela ikustea oso hunkigarria” izan dela adierazi du atezainak.

EA Sports Ligako 33. jardunaldian, asteazkenean, Realak Getaferen aurka jokatu du, Anoetan; Getafeko futbolariek ohorezko pasilloa egin diete euskal taldeko jokalariei, eta txuri-urdinek zale guztiei eskaini diete Atletico Madrilen aurkako finalean irabazitako Errege Kopa. 

Mikel Oyarzabalek oso aurkezpen hunkigarria egin dio, Aritz Elustondori Errege Kopako tituluaren ospakizunean.

Oskarssonek  Llevame a Sevilla kanta abestu du Errege Kopako ospakizunean.

Realak Errege Kopa altxatu du, We Are the Champions abestia entzun bitartean.

Realaren Errege Kopako ospakizunetan, bi dantzarik aurreskua egin dute taldearen aurrean.

Realak lortutako Koparen ospakizunek pozez bete dituzte Donostiako bazter guztiak. Süne abeslaria, Oskarsson, Marrero, Elustondo eta Oyarzabal jokalariak eta Pellegrino Matarazzo entrenatzailea izan dira ospakizun ofizialaren protagonista nagusiak.

Realak lortutako Koparen ospakizunek pozez bete dituzte Donostiako bazter guztiak.

Atezainak Realeko langile guztiei eskerrak eman dizkie, "bihotz-bihotzez, ezkutuan egiten duten lanagatik". Zalei txuri-urdinei goza dezatela eskatu die, "momentu txarretan aldamenean" egon ondoren.

Realaren kapitaina izan da aurrena Udaletxeko balkoian, eta Alderdi Ederren zeuden milaka lagunei zuzendu zaie. 

Entrenatzaile txuri-urdinak bereganatu egin ditu zaleak. Aldez aurretik, "barkamena" eskatu du "akatsengatik". "Zeinen hasiera zoragarria egin dugun", azpimarratu du. "Zuen laguntzarekin jokalariek gauza handiak lor ditzakete", erantsi du.

Realak irabazi duen Koparen ospakizun ofizialek euforiaz bete dute Donostia, eta milaka lagun bildu dira taldearen autobusak Anoeta futbol-zelaitik Gipuzkoako hiriburuko udaletxera egin duen ibilbidean zehar.

Realak 2025-2026 denboraldiko Errege Kopako finala irabazi du, Atletico Madrilen aurka, Sevillan, Cartujan, penalti jaurtiketetan. Partidako 120 minutuetan, 2-2ko emaitza izan da, eta Barrenetxeak eta Oyarzabalek sartu dituzte Realaren golak; penaltietan, txuri-urdinak 3-4 gailendu dira.

Harreraren emankizuna 17:30ean hasiko da, Anoetatik autobus txuri-urdina abiatu baino ordu erdi lehenago, eta festa amaitzen den arte jarraituko du. 

Realeko jokalariak, Kopari ondo helduta, arratsaldeko lehen orduan iritsi dira Zubietara. Talde txuri-urdinaren autobusa Hondarribiko aireportutik abiatu da, eta Zubietara heldu aurretik, hainbat udalerri zeharkatu ditu, tartean Pasaia eta Donostia, zaleen gozamenerako.

Arratsaldeko ordu biak pasata, Realeko jokalariak Hondarribiko aireportuan lurreratu dira garaikur preziatuarekin. Pistan ehundaka zale txuriurdin zain zeuden. Eta berriro ere eromena piztu da. Oyarzabal kapitainak Kopa eskaini die gerturatutako guztiei sinbolikoki. 

Realeko jokalariak hotelaren atean euren zain izan diren zaleekin partekatu du bart irabazitako saria.