Javi Zabala izango da Peio Etxeberriaren aurkaria Lau t’erdiko finalean
Zabalak 22-11 irabazi dio Muruari. Finala, iazko berbera, azaroaren 22an jokatuko da, Bilbon, Bizkaia frontoian.
Javi Zabala, azken tantoa ospatzen. Argazkia: EITB
Peio Etxeberria nafarrak eta Javier Zabala errioxarrak, iazko Lau t'erdiko Txapelketako finaleko protagonistek, txapela jokatuko dute berriz ere azaroaren 22an Bilbon, Bizkaia pilotalekuan, euskal pilota denboraldiko azken txapelketa handiaren finalean.
Igande honetan Gasteizko Ogetan jokatutako bigarren finalerdian, Zabalak 22-11 hartu du mendean Ander Murua gipuzkoarra, 9-9ra arte partida orekatua izan den arren. Orduan, Naiarako aurrelariak kontrola hartu du 9-0eko partziala eginda, eta ia erabakita utzi du partida.
Larunbatean Donostiako Atano III.ean jokatu zen lehen finalerdian, Etxeberriak, egungo modalitateko txapeldunak, 15-22 irabazi zion Jokin Altunari, eta, hori dela eta, txapela irabazteko aukera izango du berriro.
Zure interesekoa izan daiteke
Polemikaz jositako finalerdia izan da Altuna eta Etxeberriaren artekoa
2026ko Lau t'erdiko Txapelketaren egutegia eta emaitzak
Peio Etxeberria laugarren aldiz jarraian sailkatu da Lau t’erdiko finalera, Altuna III.a mendean hartuta (15-22)
Amianok eta Zubizarreta III.ak jokatuko dute Lau t'erdiko B Serieko finala
Zabalaren pilota bizi bat eta ikusmin handia, finalerdirako pilota aukeraketan
Peio Etxeberria, Altunari buruz: “Jokin gustatzen zaion moduan dator, karta guztiak erakutsi gabe”
Ander Murua, aurpegi berri bakarra Lau t'erdiko finalerdietan
Ander Muruak ezustekoa eman eta finalerdietarako txartela lortu du Ezkurdiari 20-22 irabazita
