Orio koroatu da Kontxan, bigarren jardunaldian erakustaldia emanda
Orioko arraunlariak garaipena ospatzen. Argazkia: EFE
Orio garaile atera da igande honetan Kontxako Banderako bigarren jardunaldian ere. San Nikolas ontziak ez du lehen jardunaldian lortutako hiru segundoko abantailaren beharrik izan, eta iaz lortutako bandera berretsi du.
19 minutu eta 36 segundoko denborarekin nagusitu da Eusko Label ligako txapelduna. Bigarren lehen txandan irten den Bermeo izan da, 12 segundora, eta hirugarren Donostiarra, 13 segundora.
Hortaz, lehen jardunaldiko denborekin batuz, Orio jaun eta jabe izan da Kontxako sailkapen nagusian. Bigarren postua etxeko traineruak lortu du, Donostiarrak, 16 segundora, eta hirugarren postua Zierbenarentzat izan da, 31 segundora.
Lehen txandako traineruak oso parekatuta irten dira erritmo aldetik. Lehen ziabogaren ostean, Bermeok abantaila txiki bat atera du, denborak aurrera egin ahala handitzen joan dena. Getaria saiatu da Bou Bizkaia gertutik jarraitzen, Lekittarra eta Ondarroa atzean geratu direlarik. Itzuliko luzean, Bermeoren abantaila salba ezina izan da, eta traineru guztiak erdiko kaleen bila ibili dira itsasoaren baldintzak aprobetxatzeko. Hala, Bermeo 19 minutu eta 47 segundoko denborarekin helmugaratu da. Getaria 11 segundora iritsi da, Lekittarra 17ra eta Ondarroa 20ra.
Bigarren txanda hasi aurretik, epaileak bandera urdina erakutsi dio Donostiarrari, lehen jardunaldian jasotako abisua gogorarazteko, traineruaren pisaketa dela eta. Urduritasuna nabaria zen, eta lehen paladetatik erritmo bizia ezarri dute. Orio eta Zierbena erdiko kaleetarantz gerturatu dira, lehia eta ikuskizuna eskainiz.
Baina lehen minutuetan baino ez du iraun horrek. Lehen jardunaldiko garailea berriz jarri da estropadaren buruan, eta martxa bat gehiago sartuz jarraitu ezinean utzi ditu aurkariak. Hala, ziabogara heldu direnean Oriok 6 segundoko abantaila izan du hurbilen jarraitu duen Donostiarrarekiko, lehen txandan Bermeok jarritako marka 11 segundoan gaindituz.
Azken metroetan gozatu baino ez dute egin behar izan dute Gorka Aranberriren mutilek, garaipena ziurtatuta baitzeukaten. 34. Kontxako Bandera irabazi dute, hamaikagarrena Aranberrirentzat, 19 minutu eta 36 segundotan bukatuz lanak. Donostiarra 13 segundora heldu da, Hondarribia 15era eta Zierbena 19ra.
2. jardunaldiko sailkapena
Zure interesekoa izan daiteke
Gorka Aranberri, azken metroetan: "Honetarako etorri zara, disfrutatu!"
Orioko patroiak arraunlari bakoitzari hitz batzuk zuzendu dizkio Kontxako Banderako bigarren jardunaldiko azken metroetan.
Gogotsu astindu dute Kontxako Bandera Orioko arraunlariek!
Oriok 34. aldiz irabazi du Kontxako Bandera. Lehen jardunaldia bereganatu zuten, eta bigarren jardunaldian ere erakustaldia emanez lortu dute garaipena. Gainera, Gorka Aranberri patroiarentzat hamaikagarren bandera izan da, baina lehena balitz bezala astindu du.
“Denborale batekin irabazi izan bagenu, barrezka egongo ginateke orain, zigorra bidegabea izan baitzen”
Asier Zurinaga Bermeoko patroiak adierazi du “bidegabea eta gehiegizkoa” izan zela epaileek Bou Bizkaia-ri Kontxako Banderaren lehen jardunaldian ezarritako 3 segundoko zigorra, helmugaratzean Donostiarraren ontzia jo zutela ebatzita.
Gorka Aranberri: “Banderarik irabazten ez dudan egunean zer gertatuko litzatekeen irudikatzen hasten naiz”
Orio garaile atera da igande honetan Kontxako Banderako bigarren jardunaldian ere. San Nikolas ontziak ez du lehen jardunaldian lortutako hiru segundoko abantailaren beharrik izan, eta iaz lortutako bandera berretsi du. Gaurkoarekin, Gorka Aranberrik 11. Kontxako Bandera irabazi du.
Nagore Osoro: “Hau ez da normala, eta horrelako momentuak disfrutatu egin behar dira”
Donostia Arraun Lagunakek aurreikuspen guztiak bete ditu, eta igande honetan Kontxako Bandera eskuratu du bosgarren aldiz. Horrela, Lugañene ontziko arraunlariek denboraldi historikoa osatu dute, aurtengo ekitaldian lehian izan diren estropada eta bandera guztiak irabazi baitituzte.
Horrela astindu dute Kontxako Bandera Arraun Lagunakeko arraunlariek!
'Lugañene' ontziko arraunlariek aurreikuspenak bete dituzte eta aise nagusitu dira 2026ko Kontxako Banderan, bigarren jardunaldian ere erakustaldia emanda. Bosgarren Kontxako Bandera da Donostiako klubarentzat.
Xubane Uribarrena: “Kontxako Bandera batekin amesten genuen, bosgarrena lortuta, asimilatu gabe gaude oraindik”
Donostia Arraun Lagunakek historia egin du berriro Kontxako badian. Nagore Osorok gidatutako eta Juan Mari Etxabek zuzendutako tripulazioak 2026ko Kontxako Bandera irabazi du, emakumezkoen arrauneko nagusitasun eztabaidaezina berretsiz. Lugañenek bosgarren bandera, laugarrena jarraian, eskuratu du.
Arraun Lagunakek bosgarrenez bereganatu du Kontxako Bandera
Arraun Lagunakek nagusitasunez irabazi du Kontxako Bandera, bere aurkariei inolako aukerarik eman gabe, eta denboraldi historikoa biribildu du. San Juan izan da bigarrena, estropada oso ona eginda. Tolosaldeak, berriz, hirugarren tokian bukatu du.
2026ko Kontxako Banderaren 2. jardunaldiko kaleen zozketaren emaitza
Emakumezkoen estropada 11:00etan hasiko da, eta gizonezkoena, berriz, ordubete beranduago, 12:00etan.