Kirol-bideoak

Goixerrik eta Lekerikak bi jokotan garaitu dituzte Erkiaga eta Salegi (11-15 eta 10-15). Partida amaitu berritan aurkariak “gogorrak” zirela azpimarratu du Goixerrik, baina eutsi ahal izan dietela. Horretaz gain, irabazleek adierazi dute bien arteko “komunikazioak” eta “konexioak” ere garrantzia izan duela.

Euskal Selekzioa bikain aritu da jokatu berri duen Munduko Txapelketan, Argentinan, eta, hala, Gernikako Jai Alaiko zaleek puntistak omendu dituzte. 

Txapelketako aurreneko jardunaldian pilotalekua bete duten zaleek txapelketan protagonistak izango diren zortzi bikoteak txalotu dituzte. 

EITBko kazetariak 2026-2027ko Eusko Label Winter Series txapelketan jokatuko dituzten aurreneko bi partidetako gakoak zehaztu dizkigu; hauek dira neurketak: Erkiaga-Salegi vs Goixerri-Lekerika eta Urreisti-Atain vs Goitia-Oyhenard.

Eramanen kirol zuzendaria elkarrizketatu du EITBk, 2026-2027ko Eusko Label Winter Series hasiko den egunean. Lehen jardunaldian, Erkiaga-Salegi vs Goixerri-Lekerika eta Urreisti-Atain vs Goitia-Oyhenard partidak izango dira.

2026-2027ko Winter Series lehia gaur hasiko da, Gernikan. Urriko azken asteleheneko azoka dela eta jendetza bildu da herrian, eta asko Jai Alai frontoian topatuko ditugu. Kalean izan gara, txapelketa irabazteko puntista faboritoak nortzuk diren galdezka. 

Endesa Ligako bosgarren jardunaldiak utzitako bost jokaldi onenak bildu ditugu bideo honetan. 

bueltan da Euskal Pilota Selekzioa, Argentinako Munduko Txapelketan 12 domina lortu ostean. Harrera berezia egin diete pilotariei Loiuko aireportuan.

Valentzia Basketek Kosner Baskoniari irabazi dio gaur, igandean, Roig Arenan. TJ Shorts inspiratuta egon da, eta Gasteizko taldea gainditzeko ezinbestekoa izan da. Baskonia azken unera arte borrokatu da, kontuan izanik soilik zortzi jokalari zituela jokatzeko prest.

Eibarrek erdizka zuzendu du norabidea iragan jardunaldian galdu ostean, eta galduta zirudien puntu bat berreskuratu du Madril CFFren aurka, lehen zatian bi gol sartuta. Angelesek, zelaira sartu berritan, aldea murriztu du, eta Carmen Alvarez aurrelariak berdinketa behin betiko ezarri du.

Zabalak 17-22 irabazi dio Peñari Logroñoko Adarragan, tentsioz, emozioz eta erritmo biziz betetako partidan. Tolosarra aurretik izan da markagailuan lehen zatian, baina errioxarrak eutsi egin dio lehiari, eta bigarren zatian nagusitasunez lortu du garaipena. Hala, Zabalak zuzenean eskuratu du finalerdietarako txartela, final-laurdenetako kanporaketa jokatu beharrik gabe.

Gainera, garaipen honekin Laso matematikoki kanpoan geratu da, eta Altunaren eta Peñaren arteko partida erabakigarria izango da hirugarren jardunaldian.

Realeko jokalariak Levanteren aurka lortutako garaipenaz (2-1) hitz egin du, Anoetan jokatu den EA Sports Ligako 10. jardunaldiko partidan.

Carmen Sobronek lehen zatian falta jaurtiketa baten bidez gola sartu eta Andrea Estebanen taldeak markagailuan aurrea hartu du. Hala ere, Laia Parerari ateratako txartel gorriak neurketaren norabidea aldatu du azken minutuetan. Coruñako taldeak jokalari bat gehiagorekin jokatzeko egoera baliatu du Milleneren golaren bidez berdinketa lortzeko. Hamar minutuko luzapenaren ostean, Lucía Pardok garaipenaren gola sartu du azken jokaldian. Kolpe gogorra hartu dute babazorroek; izan ere, Mendizorrotzatik kanpo puntuak ihes egiten utzi ditu berriro ere.

Athletic Clubek Getafe San Mamesen 4-0 garaitu ostean, Nico Williamsek bere taldeak izandako sentsazio onak nabarmendu ditu. Jokalari zuri-gorriaren hitzetan, Athleticek horrelako partida bat behar zuen Levanteren aurkako partida galdu eta gero. "Futbolak beti ematen ditu aukera berriak”, erantsi du.

Ormaiztegiko txirrindulariak eta Gernikakoak amaiera eman diote ibilbide profesionalari. Ormaiztegiko ziklo-krosean korritu dute azken lasterketa, eta merezitako omenaldia jaso dute bertan. Lur Zufiria herriko txirrindulari gaztea ere omendu dute.

Surne Bilbao Basketek garaipena lortu du Miribillan, MoraBanc Andorra menderatuta (88-76). Joan den astean Real Madrilen aurka jasandako porrot gogorra atzean utzita, Bilboko taldeak Endesa Ligako hirugarren garaipena lortu du. Martin Krampelj izan da beltzezko gizonen saskiratzaile nagusia, 20 puntu egin baititu. Hona hemen partidaren laburpena.

Lea Stern suitzarra eta Yorben Lauryssen belgikarra nagusitu dira Ormaiztegiko 54. ziklo-krosean.

Emakumezkoetan, Sternek 51 minutu eta 3 segundoko denborarekin bukatu du. Lucia Gonzalez izan da bigarren, 13 segundora, eta Sofia Rodriguez, hirugarren, minutu bat eta 26 segundora.

Gizonezkoetan, Lauryssen helmugaratu da lehen postuan. Gonzalo Inguanzo izan da bigarren, 36 segundora, eta Raul Mira, hirugarren, 36 segundora.

Euskadiko Euskal Pilota Federazioko presidente Joxemari Mitxelenak balorazio positiboa egin du Euskal Selekzioak lehen aldiz Munduko Txapelketan izandako parte-hartzearen gainean. Lau urrezko domina irabazi ditu lehiatu den 15 modalitateetan.

Astelehen honetan hasiko da Eusko Label Winter Series txapelketaren seigarren edizioa. Johan Sorozabal eta Thibault Basque aurreko edizioko txapeldunek gogora ekarri dute aurreko finalean lortutako garaipena, eta edizio berriari nola ekingo dioten ere adierazi dute.

Jokin Altunak 22-13 garaitu du Unai Laso Atano III.ean jokatu den Lau t'erdiko bigarren jardunaldiko partidan. Hala, Altunak finalerdietara iristeko aukerak izaten jarraitzen du, eta Lasok, berriz, oso zail du aurrera egitea.