Reala Hearts baino gehiago izan da Zubietan jokatu den Europa Kopako itzuliko partida osoan zehar. Joanekoan ez bezala, gaur baloiak sarea topatu du eta 4-0 amaitu da norgehiagoka.
Realak 4-0 irabazi dio Heartsi Europa Kopako itzuliko partidan, Zubietan. Laura Camino, Paula Fernandez, Ainoa Campo eta Ainhoa Marin izan dira talde txuri-urdineko golegileak.
Larunbat arratsaldean jokatuko da finala. Lau pilotariek torneoko pilota onenak direla esan dute material aukeraketan. Bikote biek final lehiatua izango dela uste dute, nahiz eta kinielek Peio Etxeberria eta Landa jotzen dituzten faborito.
Dani Vivian Athleticeko jokalariak bere errekuperazioaz hitz egin du, nola sentitzen den azaltzeaz gain.
Kutxabank Araskik Gasteizko Andre Maria Zuriaren plazan aurkeztu du denboraldi honetako taldea. Zazpi fitxaketa berri egin ditu klubak: Aleksandra Stanacev, Laura Piera, Nikola Dudasova, Julieta Mungo, Kristina Higgins eta Kristina Rakovic. Igandean ekingo diote Endesa Ligari, Baxi Ferrolen aurka.
Xabier Azpirozek eta Endika Barrenetxeak elkarren indarrak neurtuko dituzte larunbat arratsaldean, Galarretan. Biek materiala hautatu dute gaur. Azpirozi biziegia iruditu zaizkio pilotak, baina ez dio aparteko garrantzirik eman. Oriamendik antolatutako azken final handia da. Azpirozen buruz buruko lehen finala izango da; Barrenetxeak, berriz, zazpigarrena du.
"Neke pixka batekin, baina oso pozik" azaldu da Ihart Arakistain sopeloztarra. Atseden hartzea kosta egin zaiola onartu du Xabi Barandika gernikarrak, baina "poz-pozik" dagoela erantsi du. "Azkenaldian jokatutako partidarik onena izan zen", azpimarratu du Ihartek. Maiak bigarren Urrezko Gerrikoa jarraian eskuratu du, eta Barandikak, hirugarrena.
Tryggvi Hlinason Surne Bilbao Basketen kapitainarekin bildu gara. Islandiarra oso pozik dago Bilboko klubean eta "polita den zerbaiten alde borrokatzen den kluba" izateko lanean ari da. Beltzezko gizonek pasa den denboraldian ACB Ligako play-offetara iristea lortu zuten, eta hori errepikatzeko gogoa dute. Gainera, aurten BCLn ere lehiatuko dira.
Hiru asteko geldialdiaren ondoren, Mastersaren azken txanpa jokatuko da. Ostiralean urriaren 4ko finalera sailkatzeko lehiatuko diren lau bikoteek materiala baztertu dute. Jaialdia 21:00etan hasiko da eta lehenengo partidan Artola-Rezusta eta Elordi-Mariezkurrena izango dira aurrez aurre. Bigarren finalerdian, Ezkurdia eta Albisu txapelen lehian sartzen saiatuko dira Zabalaren eta Iztuetaren aurka.
Realak Europa Kopako bigarren sailkatze kanporaketako itzuliko partida jokatuko du bihar, Heartsen aurka. Prentsaurrekoan, Gorka Alavarez itxaropentsu agertu da, beraien “indarguneak sendotzen” aritu omen dira aste honetan zehar eta “jokoa eta ideiak garbi" plazaratuz gero, euren helburutik gertuago egongo direla adierazi du.
Gorka Nieto Bidasoa Irungo jokalariak prentsaurrekoa eman du Islandiako Hafnarfjordur taldearen aurka jokatuko duten partidaz hitz egiteko. Gogotsu ekingo diote erronkari, astearte honetan azaldu duen bezala.
Ihart eta Maiak irabazi dute Emakumezkoen Jai Alai Liga, Elaiari eta Arairi hiru jokotan irabazita (12-15, 15-10 eta 2-5). Ihartek bere lehen urrezko gerrikoa eramango du eta lehenengoen aurka irabazi izanaz pozik agertu da. Maiak, berriz, bigarrena du erreskadan, eta “urte askoan” horrela jarraitzea espero du 15 urteko atzelari gazteak.
Barandikak eta Basquek lortu dute Jai Alai Ligako urrezko gerrikoa, Erkiaga eta Gorka bi jokotan garaitu ostean (15-6 eta 15-12). Basquek bere lehen gerrikoa lortu du, Barandikak, berriz, hirugarrena.
Sara Alonsok irabazi zuen Gorbeia Suzien mendi-lasterketa, errekorrari 13 minutu kenduta. Irailaren 19an bere taldekide Ida hil zen eta norvegiarraren familiak lasterketa egitera animatu zuten eta “errekorra bien izenean egotea” nahi izan du donostiarrak. Orain, OCCn eta Zegaman irabaztea dira Sararen erronka nagusiak.
Jassel Perez (FIATC Girona); Punter, Robinson eta Parra (FC Bartzelona); Balsa Koprivica (Recoletas Salud Burgos); Justin Jaworski (Casademont Zaragoza); eta McGhee eta Perrin (iLERNA Lleida) izan dira Endesa Ligako 1. jardunaldiko jokaldirik onenen protagonistak.
Kutxabank Araskik Lotta-Maj Lahtinen eta Nikola Dudasova aurkeztu ditu gaur eguerdian. Bi jokalariak oso garrantzitsuak izango dira asteburu honetan Ferrolen ekingo dioten sasoiari begira. (Bideoa, gazteleraz)
Seidlek partidaren azken txanpan egindako gol bakarti bati esker, Eibarrek hiru puntuak eskuratu ditu Jesus Navas zelaian, Sevillari 0-1 irabazita. Norgehiagoka trinkoa izan da, eta armaginen defentsako planteamenduak eta planteamendu taktikoak fruituak eman ditu, etxekoen punteria faltaren aurrean.
11-22 aise menderatu dituzte Jakak eta Mariezkurrena II.ak Ezkurdia eta Martija, igande arratsaldean Logroñon jokatutako San Mateo Torneoko finalean. Hasieratik nagusi izan dira kantxan, eta partida desorekatua izan da. B Serieko finalean, berriz, Peio Etxeberria eta Carmelo Loza izan dira nagusi, Elordi eta Eskuza menderatuta.
Baskoniak denboraldiko lehen garaipen epikoa erdietsi du Burgosen aurka (97-98), azken laurdenean 11 puntuko desabantaila iraulita.
Red Bull Bora taldeko Davide Donati txirrindulari italiarrak irabazi du Cro Race lasterketako seigarren eta azken etapa, igande honetan. Sailkapen nagusian, Tobias Svarre suitzarrak lortu du garaipena.
