Lasok eta Albisuk 11. garaipena lortu dute Binakako Txapelketako 12. jardunaldian, Elordi eta Zabaleta 17-22 menderatuta. Gorriak 9-5 aurreratu dira lehen erdian, baina urdinek 11-11ko berdinketa lortu dute gero, eta hortik aurrera nagusi izan dira.
Sadarren Vila-Realen aurka jokatutako partida 2-2 berdindu ostean, Ruben Garciak esan du taldea indartsu ikusten duela, eta etxean edonor garaitzeko gai dela, gaur garaipena lortu ez badu ere.
Taldeak Realaren aurka San Mamesen jokatuko beharreko derbiaren atarian bizi duen egoeraz aritu da Athleticeko entrenatzailea.
Athleticek eta Realak euskal derbia jokatuko dute bihar San Mamesen, eta bi taldeetako zaleak giroa berotzen hasi dira jada. Sagardotegi batean, japoniar athleticzale batzuk aurkitu ditugu.
Zabala eta Martija nagusitu dira Irungo Uranzu frontoian Larrazabalen eta Mariezkurrena II.aren aurka jokatu duten partidan. Zabala ez da sentsazio onekin atera kantxara, frontoi irregularra eta zaila dela iritzita, baina gorriak pozik atera dira partida gorabeheratsuan lortutako emaitzarekin.
Brasildarra Donostian da talde txuri-urdinarekin sinatzeko, eta 16:50ak aldera iritsi da Costa Vasca hotelera.
20 urteko jokalariari mediku-probak egingo dizkiote, eta, ondoren, Realarekin sinatuko du.
Brasildarra utzita iritsi da denboraldi amaierara arte, Al-Nassr taldetik.
Athleticen eta Realaren arteko derbiaren atarian, bi taldeetako jokalari ohiak beste derbi bat jokatzeko bildu dira, padelean lehiatzeko. Athletic Club Fundazioak antolatutako ekimena izan da, eta bertan egon da Sara Gandara, Iurretan, igandean San Mamesen jokatuko den partidari buruz galdetzeko.
Realeko entrenatzaileak EA Sports Ligako 22. jardunaldiari dagokion Athleticen aurkako derbiari buruz hitz egin du, eta azpimarratu du topaketa hau ia lehiaketa bat bezala ulertzen duela.
Azken bederatzi hilabeteetan etxetik kanpo lehen aldiz garaipena lortuta, Osasunak Marcelinoren Vila-real izango du aurkari larunbat honetan, EA Sports Ligako 22. jardunaldian.
Igor Zubeldiak eta Alvaro Odriozolak prentsaurrekoa eman dute. Derbia jokatzeko eta hiru puntuak lortzeko gogoz agertu dira biak, baina Athleticekoak indartsu zelairatuko direnaren jakitun ere badira.
Alavesek Espanyolen aurka jokatuko du Ligako hurrengo jardunaldian eta Chacho Coudet talde babazorroaren entrenatzaileak neurketaren analisia egin du.
Jon Ander Albisu Binakako Txapelketa ona egiten ari da Unai Laso aurrelariarekin batera. Emaitzak alde, Albisuk buruan du txapela lortzea, baina oraindik bide luzea du aurretik. Berarekin izan gara Ataunen, bere sorterrian.
Ruben Garcia Osasunaren jokalariak prentsaurrekoa eman du, talde gorritxoarekin 2027ra arte kontratua berritu eta gero. Iruñean eta taldean nola sentitzen den azaldu du, besteak beste.
Athleticek 2025-2026ko Txapeldunen Ligako azken partida jokatu du gaur Sportingen aurka. 2 eta 3ko emaitzaren ostean Mikel Vesgak adierazi du Txapeldunen Liga gogorra egin zaiela, baina disfrutatu ere egin dutela.
Ainhoa Ibarra gernikarra izan zen Neguko Jokoetan parte hartzen azken euskal emakumea. Gainera, historiako bigarren emakume gipuzkoarra izango da, 1992an Albertvillen izan zen Silvia del Rincon donostiarraren ondotik. Arrietak "ilusio handiarekin" egingo dio aurre erronkari.
Beñat Turrientes eta Jon Gorrotxategi Realeko jokalariek prentsaurrekoa eman dute gaur eguerdian. Besteak beste, Matarazzoren iritsieraz eta igandean Athleticen aurka jokatuko duten derbiaz hitz egin dute.
Alavesen aurrelari murtziarra pozik agertu da Betisen aurka garaipena lortu zutelako. KAAk Facundo Garcesi zigorra behin-behinean bertan behera utzi ostean, atzelaria "bueltan izatea oso pozgarria" dela adierazi du.
Barandikak eta Basquek bi jokotan (15-6 eta 15-14) irabazi zieten astelehenean Goitiari eta Lekerikari Eusko Label Winter Serieseko finalerdietako ligaxkaren laugarren jardunaldian. Horrela, aurrelari bizkaitarrak eta atzelari lapurtarrak txapelketako finalera sailkatzea lortu dute.
Alex Goitiak eta Xabi Barandikak egin dituzte Eusko Label Winter Serieseko finalerdietako ligaxkako laugarren jardunaldiko tanto onenak.
Futbol 00 proiektua sortu dute futbolean gertatzen diren indarkeria mota guztien kontra lan egiteko helburuarekin. Gorka Etxeberria zuzendariarekin eta Amaia Olabarrieta koordinatzailearekin izan gara.
