Euskal Herriko Aizkolaritza Txapelketaren emaitzaren inguruan sortu den polemikaren harira, Oihana Fernandez de Barrenak adierazi du polemika honek “espero baino gehiago” eragin diola. Berak “bere lana” egin zuela, gainontzekoen moduan, eta azken erabakia federazioarena dela.
Larunbatean, Oihana Fernandez de Barrenak jantzi zuen txapela, ehunen batengatik, baina aizkolari urnietarra ez dago ados epaileen erabakiarekin; hala, helegitea jarri du.
Iker Vicente nafarrak seigarrenez irabazi du Urrezko Kopa, Donostiako Trinitate plazan. Otsagabikoak 31 minutu eta 47 segundoan amaitu du lana. Txikia IV.a izan da bigarren, minutu batera, eta Larrañaga sailkatu da hirugarren, 2 minutu eta 12 segundora.
Tolosako zezen-plazan Euskal Duatloiaren finala jokatu da, eta Julen Alberdi Txikia IV.a nagusitu da, 22:44ko denborarekin, iazko marka hobetuz. Ibai Soroa izan da bigarren, 25:20ko denborarekin, eta Xabier Zaldua hirugarren, 27:08ko markarekin.
11 kirolari, besteak beste, iazko txapelduna, Julen Alberdi, Xabier Zaldua, Eneko Saralegi eta Ibai Soroa, lehiatuko dira aizkora eta korrika uztartzen dituen modalitate honetan. Ikuskizuna zuzenean emango dute ETB1ek eta kirolakeitb.eus-ek, 17:30ean hasita.
13 kirolari izango dira lehian, baina bakarrik hiruk lortuko dute ekainaren 7an Tolosan jokatuko den finalerako txartela. Pasa den astean, Eloy Kortxerok, Julen Kañamaresek eta Oier Mitxelenak lortu zuten aurrera egitea Berastegin jokatutako lehen finalerdian.
Otsagabiako aizkolariak bigarren postua lortu du, Australian, Munduko Txapelketan, Azkartasun proban. EITBK elkarrizketa egin dio, eta adierazi du oso ondo iritsi zela lehiara, baina “aizkolari handiak” izan ditu aurkari.
Andoni Iruretagoiena Izeta VI.ak bikain bete du erronka ahalegina. Zarauztarraren helburua ordubete eta lau minututik jaistea zen, eta 59 minutu eta 3 segundoan gelditu du kronoa. 100 kiloko bolari 50 altxaldi eman dizkio, 10 kanaerdiko moztu ditu eta maila onean aritu da 5 kilometroko korrikaldian. Hala, buruan zuen denbora hobetu du, 5 minutu jaitsita. Lierni Osak ere marka ahalegina zuen, eta 62 kiloko bolarekin 72 altxaldi egin ditu 10 minutuan.
Iker Vicente aizkolariak laugarrenez bukatu du bigarren Australian jokatu den munduko txapelketan. Finalean, Kody Steers Otsagabiko aizkolaria baino azkarragoa izan da, eta Jack Jordan izan da hirugarren.
Irabazleen nagusitasuna oso argia izan da aizkoran, baina lehia estuagoa izan da harri-jasotzean.
Kirol Herriren banakako hirugarren jardunaldia jokatu dute gaur Oñatin, eta sei kirolari sailkatu dira finalerako: Malen Morandeira eta Ane Atxutegi harri-jasotzaileez gain, Uxue Ansorregi, Arkaitz Etxebeste, Julen Alberdi eta Mikel Larrañaga aizkolariak ere izango dira finalean.
Ibai Soroak Xabier Zalduaren aurkako aizkora-apustua jokatuko du larunbat honetan, martxoaren 7an, Tolosan. 10 kanaerdiko eta 4 oinbiko moztu beharko ditu bakoitzak. Soroak nola sentitzen den esan digu.
Xabier Zalduak eta Ibai Soroak aizkora desafioa izango dute larunbat honetan, Tolosan. 10na kanaerdiko eta 4na oinbiko moztu beharko dituzte. Zalduak nola sentitzen den kontatu du elkarrizketa honetan.
Ibai Soroak eta Xabier Zalduak larunbat arratsalderako egin dute hitzordua, Tolosako zezen-plazan. 4.000 euro izango dira jokoan, eta 10 kanaerdiko eta 4 oinbiko moztu beharko dituzte. Soroak lehen desafioa du; Zalduak, berriz, hamabigarrena.
Lehen jardunaldian, Ainitze Zumeta Maddi Gesalaga baino hobeto aritu da, eta Mikel Lopetegik Beñat Telleria menderatu du; Nerea Arruti finalerako sailkatu da, eta Julen Alberdik lehia ederra izan du Arkaitz Etxebesterekin.
Atzo Hernanin jokatutako Kirol Herri saioko finalean, talde zuria nagusitu zen: Nerea Arruti, Hodei Ezpeleta, Maddi Gesalaga eta Gari Garmendia. Harri-lanean aurrea hartu zuten, eta aizkoran lehia estua izan bazen ere, bigarren itzulian zuriek aldea zabaldu eta saioa irabazi zuten.
Iker Vicentek irabazi du jendez lepo izan den Tolosako zezen plazan jokatu den desafioa. Bi kanaerdikoren aldea ez da nahikoa izan Eneko Otañorentzat.
Beizamako aizkolaria Iker Vicente mendean hartzeko itxaropentsu joango da Tolosara, desafioaren atarian azaldu du apustua estua izango dela.
Kirol Herri saioko banakako finalak jokatu ziren atzo Asteasun: Ainitze Zumeta eta Urra izan ziren nagusi harriak jasotzen; aizkoran, ordea, Mikel Larrañaga eta Oihana Fernandez de Barrena.
"Nik uste dut oso une onean nagoela", azaldu du Otsagabiako aizkolariak Eneko Otañoren aurkako desafioaren atarian. "Oso zaila izango da, segundo asko dira kentzeko", onartu du. "Burua hotz izan beharko dut", erantsi du.
