2026/04/01 - 16:32
Hiru modalitate, Gipuzkoako Irekiko finaletan
Apirilaren 12an Zumarragako Beloki pilotalekuan jokatuko dira finalak, eta ETB1ek eta EITBko plataformek zuzenean emango dituzte.
Pala
2026/03/01 - 15:14
Esnal, Gaton, Rodriguez eta De Anta Euskal Pilota Egokituko Zirkuituko garaile
Euskal Pilota Egokituko Zirkuituko finalak jokatu dituzte gaur, Basaurin. Urritasun fisikoa dutenen kategorian, Sergio Rodriguez eta Edorta de Anta nagusitu dira; adimen urritasuna dutenen kategorian, berriz, Leire Esnalek eta Erik Gatonek irabazi dute.
2026/02/05 - 21:21
Euskal pilota egokituko EITB Saria Txapelketaren edizio berria aurkeztu dute
Berrikuntza izango du txapelketak: hiru ireki, hiru lurralde, eta lurralde horietako pilotariak kantxan. Zirkuitua herri hauetan izango da: Lasarte eta Zumarraga, Gipuzkoan, Mallabia eta Basauri, Bizkaian, eta Laudio eta Amurrio, Araban. Lehia hilaren 22an hasiko da.
2026/01/15 - 18:43
Iñaki Urrutia, palista: “Lizitazioaren ebazpenaren zain gaude oraindik; espero dugu aste gutxi barru frontoian egotea”
Palista profesionalek amaitutzat eman dute maiatzean hasi zuten greba mugagabea. Hala ere, guztiz apurtu da euren eta Innpala enpresaren arteko harremana. Bi proiektu daude orain jokoan, eta horietako bat babesten dute pilotariek, baina lizitazioaren ebazpenaren zain daude. Gauzak ondo bidean, badute etorkizunean pala bere lekuan jartzeko itxaropena.
2026/01/15 - 16:01
Palako pilotari profesionalek bertan behera utzi dute 2025eko maiatzean hasi zuten muga gabeko greba
Palista profesionalek oharra argitaratu dute; zehaztu dutenez, gaur egun ez dago Innpalarekin kontratua duen pilotaririk, eta, halaber, azaldu dute Bizkaia Frontoiaren lizitazio prozesuaren baitan aurkeztu diren bi proiektuetako bat babesten dutela.
2025/12/04 - 17:30
Imanol Ibañez palistak Akilesen tendoia hautsi zuen Nazioen Ligako finalean
Frantziaren aurkako finalaren lehen jokoan palista bilbotarrak orpazurdan min hartu zuen, eta anbulantzian eraman behar izan zuten Bizkaia pilotalekutik. Denbora beharko du sendatzeko.
2025/11/29 - 16:31
Espainia gailendu da Nazioen Ligako binakako eta larruzko paletako finaletan
Euskal Selekzioak bi setetan (10-8 eta 10-2) galdu du Espainiaren aurka jokatu duen Nazioen Ligako eskuz binakako finala, Bizkaian Frontoian. Larruzko paletako finalean ere Espainia nagusitu da, Frantziari hiru setetan irabazita (15-6, 11-15 eta 9-10).
2025/11/28 - 21:37
Euskadik urrezko domina irabazi du gizonezkoen zesta-puntan, eta zilarrezkoa emakumezkoetan eta pala motzean
Zesta puntan, gizonezkoen finalean, Euskadik 2-0 menderatu du Frantzia; emakumezkoetan, ordea, Espainia gailendu da, Euskadiren aurka, 2-0. Pala motzean, Frantziak lortu du garaipena finalean, hiru jokotan, Euskadiren kontra.
2025/11/27 - 21:14
Nazioen Ligako hiru final jokatuko ditu Euskadik
Zesta puntako bi finaletako protagonista izango da Euskadi, emakumezkoetan eta gizonezkoetan. Horrez gain, pala motzeko finalerako ere sailkatu da.
2025/11/26 - 12:35
Frantziak larruzko paletan irabazi dio Euskal Selekzioari
Frantziako bikoteak bi setetan irabazi dio euskal ligari, Bilboko Bizkaia pilotalekuan jokatu den Nazioen Ligako hirugarren jardunaldian.
2025/06/26 - 20:46
Innpalak iragarri du Fustok eta Madariagak enpresako kide izateari utziko diotela ekainaren 30ean
Innpalaren arabera, bi palistek erabaki dute ez onartzea egin zitzaien berritze proposamena; hala, Innpalaren pilotarien lantaldean, uztailaren 1etik aurrera, hamahiru palista izango dira. Palista profesionalak greba mugagabean daude, maiatzetik.
2025/05/06 - 17:21
Palistek greba mugagabeari ekingo diote
Palista profesionalen eta Innpala enpresaren arteko lan-gatazkak konponbiderik gabe jarraitzen du. Palistek ELA sindikatuaren Bilboko egoitzan prentsaurrekoa egin dute, enpresarekin dituzten desadostasunak plazaratu dituzte, eta iragarri dute greba mugagabeari ekingo diotela.
2025/04/30 - 23:53
Grebak bere horretan jarraitzea leporatu diote elkarri palistek eta Innpala enpresak
Innpalak komunikatu bat argitaratu du, eta bertan ziurtatzen du azken hilabetean kontratua amaitu zaien hiru pilotariak berriro kontratatzea eskaini duela; palistek, ordea, berretsi dute euren lana "duintasunez" egiteko "gutxieneko baldintzak" eskatzen ari direla.
2025/04/17 - 16:15
Palisten ekitaldia Zierbenan, bizi duten egoera salatzeko
Palista profesionalek greban jarraitzen dute Innpala enpresarekin duten lan-gatazka ez delako konpondu oraindik. Apirilaren 17an ekitaldia egin dute Zierbenan (Bizkaia). Zaleen bbesa jaso dute. Babesa eskaini diete Asier Del Hornok eta Mikel Goñik ere, pala partida bat jokatuta.
2025/04/03 - 15:15
Urrutia: ''Enpresaren jarrera oso txarra da, ez dut konponbiderik ikusten epe laburrean''
Palisten eta Innpala enpresaren arteko lan-gatazkak konpondu gabe jarraitzen du. Iñaki Urrutia palistak EITB Mediarekin hitz egin du bi aldeek apirilaren 3an izan duten batzarrean gertatutakoaz.
2025/04/03 - 14:49
Urkijo: ''Uste dugu kontratazioak egiteko eskumena enpresarena dela; palistak, altxatu, eta joan egin dira''
Palisten eta Innpala enpresaren arteko lan-gatazkak konponbiderik gabe jarraitzen du. Apirilaren 3ko batzarrean gertatutakoari buruz hitz egin du EITB Mediarekin Josu Urkijo enpresaren jabeak. (Adierazpenak, gaztelaniaz)
2025/04/03 - 14:23
Palista profesionalek grebari eutsiko diote
Innpalarekin ez dute akordiorik lortu, eta palisten grebak aurrera jarraituko du.
2025/03/26 - 14:56
Palistek greban jarraituko dute, ez baitute akordiorik lortu Innpalarekin
Ez dago akordiorik palisten eta enpresaren artean, eta jokalariek grebari eutsiko diote lan-gatazka konpondu arte. Ondorioz, ez da jokatuko martxoaren 28rako aurreikusta zegoen Urrezko Pala Pro txapelketako 6. jardunaldia.
2025/03/26 - 14:24
Ibai Perez: ''Hobe izango zen Garai eta jabe berriak hemendik kentzea, kontu pertsonala da nire aurka''
Ibai Perezi Innpalarekin duen kontratua martxoaren 30ean bukatuko zaio, eta enpresak jakinarazi dio ez duela berrituko. Palista profesionalek greban jarraituko dute, ez baitute akordiorik lortu Innpalarekin. Jokalariak haserre daude enpresaren jabe berriekin.
2025/03/26 - 14:16
Josu Urquijo, Innpala: ''Haien errelatua inposatu digute, proposamenak ez dira nahikoa''
Josu Urquijo Innpala enpresaren ordezkariak bilera ostean azalpenak eman ditu. Baieztatu du ez dutela akordiorik lortu, eta gaineratu du datorren asterako geratuta daudela. (Jatorrizko adierazpenak, gaztelaniaz).