Euskal Herritik Mundura AMPO txapelketa aurkeztu du Euskal Pilota Federazioak
Euskal Pilota Selekzioaren prestaketarako sortutako txapelketak 30 jaialdi inguru bilduko ditu, maiatzaren 8tik ekainaren 7ra bitartean, Euskal Herriko hainbat herritan.
Euskadiko Euskal Pilota Federazioak eta AMPO enpresak Euskal Herritik Mundura AMPO Txapelketa aurkeztu dute ostegun honetan, AMPOren Idiazabalgo egoitzan. Txapelketa berria Euskal Pilota Selekzioaren prestaketa prozesuaren baitan dago, 2026ko urrian Argentinan jokatuko den Munduko Txapelketari begira.
Euskal Herritik Mundura AMPO Txapelketak bi helburu nagusi izango ditu. Alde batetik, hautatzaileei pilotariak benetako lehiaketa testuinguruan ikusteko eta baloratzeko aukera ematea; bestetik, berriz, Euskal Pilota Selekzioa herriz herri sozializatzea, ikusgarri egitea eta herritarrengana hurbiltzea.
Txapelketak zazpi espezialitate izango ditu: Larruzko Paleta, Pala Motza, Eskuz Banaka Gizonezkoak frontoi osoan, Eskuz Binaka Gizonezkoak, Eskuz Banaka Emakumezkoak 4 eta erdian, Zesta-Punta Banaka Gizonezkoak 36 metroko frontoian eta Zesta-Punta Banaka Emakumezkoak 36 metroko frontoian.
Lehiaketa asteburu honetan hasiko da, eta ekainaren 7an amaituko da, Burgelun, zesta-puntako finalekin. Aurretik, ekainaren 6an, erremintako finalak jokatuko dira Sopelan, eta ekainaren 7ko goizean, eskuzko modalitateetako finalak, Zumarragan. Txapelketa Euskal Herriko hainbat udalerritan jokatuko dute: Sopela, Deba, Bakio, Ordizia, Barakaldo, Olaberria, Gatika, Beasain, Gernika, Ispaster, Zeanuri, Elorrio, Lemoa, Burgelu, Urretxu, Idiazabal, Galdakao, Abadiño, Segura, Arrasate, Basauri, Lazkao eta Zumarraga.
Eskuzko eta Zesta Puntako modalitateek ligaxkako hiru jardunaldi, finalerdiak eta finala izango dituzte. Pala Motzak eta Larruzko Paletak, berriz, lau jardunaldiko ligaxka eta finala izango dituzte. Guztira, 30 jaialdi inguru antolatzea aurreikusi dute.
30 JAIALDI
Zure interesekoa izan daiteke
Buruz Buruko Erremonte Txapelketa aurkeztu dute Chillida Lekun, espero bezala Imanol Ansa gabe
Egungo txapeldunak, Aritz Juaneneak, beste bost hautagairen kontra defendatu beharko du iaz lortutako txapela: Endika Barrenetxea, 2025eko finalean izan zuen aurkaria, Xabi Azpiroz, Josetxo Ezkurra, Iban Larrañaga eta Kemen Aldabe. Finala urriaren 3an jokatuko da. Bestalde, Imanol Ansak prentsaurrekoa eskainiko du ostiral honetan, 11:00etan, Urnietako udal pilotalekuan.
Zabala eta Zabaleta, Andre Maria Zuriaren Torneoko finalera, Altuna eta Rezusta mendean hartuta (22-15)
Etxarrengo atzelariak, Jose Javier Zabaletak, hasiera txarra eman dio finalerdiari, baina oso ondo amaitu du norgehiagoka. Aurrelari errioxarrak eta atzelari nafarrak Larrazabalekin eta Mariezkurrenarekin egin dute hitzordua larunbatean Gasteizen jokatu den finalean.
Aritz Juaneneak azaldu du zergatik ez zuen sinatu hainbat erremontistak Imanol Ansaren gainean argitaratutako adierazpena
Saldiasko pilotariak erremonteko Banakako Txapelketako aurkezpenaren ostean hitz egin du; 2025ean, berak irabazi zuen txapelketa, eta aurten Ansa II.ak ezingo du parte hartu. Halaber, nabarmendu du erabat babesten duela Imanol Ansa.
Laia Salsamendik Olatz Arrizabalagaren hutsunea beteko du ‘Plazandreak' saioren binakako finalean
Olatz Arrizabalaga Txilen egongo da Euskal Selekzioarekin, eta ezin izango du binakako finala jokatu. Beraz, Salsamendi-Bergara eta Aldai-Arrillaga bikoteak izango dira txapela lortzeko lehian. Lau t'erdian, ordea, ez dago aldaketarik, eta Enara Gamindek eta Itxaso Erasunek neurtuko dituzte elkarren indarrak. ETB2 ONek eta kirolakeitb.eus-ek finalak emango dituzte, zuzenean, datorren astelehenean.
Andre Mari Zuriaren torneoko finalean izango dira Larrazabal eta Mariezkurrena
Lehen finalerdian, Lasori eta Albisuri irabazi diete 22-13. Markagailua berdinduta egon da hasieran. Tarte horretan, Lasok egin du lanik onena gorrien aldean, Albisuk ez baita oso argi ibili. Haien huts egin eta Larrazabalek asmatu, hortaz, arrakala ireki da markagailuan.
Clement Garciak eta Jerome Portetek Master 3 txapelketa irabazi dute, Donibane Lohizunen
Asteartean jokatutako finalean, Ludovic Laduche eta Theo Laborde menderatu dituzte, bi jokotan, 15-10 eta 15-11.
Hainbat erremontistak Imanol Ansari babesa adierazi diote, Banakako Txapelketatik kanpo utzi dute eta: “Zaila egiten zaigu ulertzea”
Oriamendi 2010eko hamazortzi pilotarik, asteartean, adierazpena zabaldu dute. Ansa II.ari “babes osoa” adierazteaz gain, “erremontearen etorkizunaren aldeko aldarria ere” egin dute. “Oraindik garaiz gabiltza egoera hau konpondu eta Imanol Ansak Banakako Txapelketan parte hartzeko aukera izan dezan”, esan dute.
Goiuri Zabaleta: “Dena ederki atera da, honelako egunak oso bereziak dira guretzat”
Leitzarrak Kale Pilota txapelketa irabazi du, Zarautzen, astelehen gauean. Garaipena eskuratuta, Zabaletak nabarmendu du maila handiko jokoa ikusi dela kantxan, eta giro oso polita sortu dela zaleen artean.
Goiuri Zabaletak irabazi du Kale Pilota txapelketa, Zarautzen
Pilotari leitzarrak Olatz Arrizabalaga menderatu du finalerdietan, bi jokotan, 10-2 eta 10-1, eta final handian Laia Salsamendiri gailendu zaio, hiru jokotan, 10-5, 9-10 eta 5-3. Nora Mendizabal sailkatu da hirugarren postuan.
Aldabe eta Barrenetxea, garaile Zarauzko txapelketan
Aldabek eta Barrenetxeak irabazi dute Zarauzko Erremonte Torneoko finala. Bi setetan hartu dituzte mendean Segurola eta Juanenea. Lehenbizikoan, 15-7 nagusi izan dira eta bigarrenean, pixka bat gehiago estutu badituzte ere, 15-9 eta seta poltsikora.