Kirol-bideoak

Jagoba Arrasate Osasunako entrenatzaileak prentsaurrekoa eman du igande honetan, 14:00etan, EA Sports ligako bederatzigarren jardunaldian Racingen aurka jokatuko duten partidaren atarian. Norgehiagoka berezia izango da bizkaitarrarentzat, Iruñera itzuli denetik lehen aldiz eseriko baita gorritxoen eserlekuan.

Peio Etxeberriak 19-22 garaitu du Joseba Ezkurdia Lau t’erdiko Txapelketako final-laurdenetako lehen partidan. Atzetik ibiltzea tokatu zaio txapeldunari, baina azken tantoetan dena eman du garaipena eskuratzeko.

Edin Terzic Athleticeko entrenatzaileak Nico Williamsen inguruan azken boladan dabilen polemikaz hitz egin du. Jokalaria pozik dagoela taldearekin eta taldekideekin adierazi du, eta bere ustez urte askotan jarraituko duela Bilboko taldean adierazi du.

Edin Terzic Athleticeko entrenatzaileak "beroketatik prest" nahi du bere taldea larunbat honetan Mestallan Valentziaren aurka jokatuko duten partidari aurre egiteko, aurrekoan Vallecasen gertatu ez zen bezala, partida bertan behera geratu aurreko 15 minutuak bezalakoak ez izateko.

Euskal Pilota Selekzioa lehen aldiz ari da parte hartzen selekzio ofizial gisa Munduko Txapelketa batean. Pilotarien artean ilusioa da nagusi. 

Alaveseko entrenatzaileak taldeak orain arte egindakoa nabarmendu nahi izan du igandean Celtaren aurka EA Sports Ligan jokatuko duten partidaren atarian.

Beñat Turrientes Realeko jokalariak ezin izan du bere etsipena ezkutatu, Union Saint-Gilloise talde belgikarraren zelaian berdinketa (1-1) bildu ondoren.

Gaur egun nazioartera iritsi da, baina Zornotzako Nazioarteko Krosak jatorri xumea du Familia tradizio handia duen lasterketa da, belaunaldiz belaunaldi, txikitik eraginez, posible egin dutena. Igandean 72. edizioa jokatuko da. 

Kontxako geltokian egin dute Euskotren eta Eusko Label ligetako patroi onenei sariak emateko ekitaldia. Nerea Perezek eta Joseba Amunarrizek jaso dituzte patroi onenaren sariak, Gertu Eraikuntzak eta Caixabank golardoak, hurrenez hurren. Era berean, 3.000 euroko txekea jaso dute.

Euskal taldeko futbolari galiziarrak, Celtako jokalari ohia bera, igandean 16:15etik aurrera Alavesek eta Vigoko taldeak jokatuko duten partida izan du hizpide. 

Txapelketak bere historiako parte-hartze handiena izango du. Enara Gaminde egungo txapelduna da abenduaren 13an, Mungian jokatuko den finalean, txapela janzteko faborito nagusia.

500 zale baino gehiago daude Lovainan Realak 18:45ean Europa Ligako bigarren jardunaldian jokatuko duen partidaz gozatzeko. 

Euskal alpinista handienetako bati eskainitako murala aurkeztu dute Aretxabaletan. Felix Iñurrategik, anaia Albertorekin batera, 14 zortzimilakoetatik 12 igo zituen, inolako oxigeno artifizialaren laguntzarik gabe. Felix 33 urterekin hil zen, 2000. urtean, Gasherbrum mendia jaisten ari zela.

Reala Belgikan da, Union Saint-Gilloise talde arriskutsuaren aurka jokatzeko. Partida aurreko prentsaurrekoan, Sergio Gomez jokalari txuri-urdinak Anderlechten eman zuen denboraldia (21/22) gogora ekarri du.

Pello Bilbaok larunbatean esan zion agur txirrindularitza profesionalari, Lombardian. Gernikarrak 16 denboraldiz maila gorenean lehiatu ondoren esan du agur. Lortutako arrakastak alde batera utzita, egindako lanarekin "pozik" dago. 

Proba ETB1en eta kirolakeitb.eus-en izango da ikusgai, zuzenean. Antolatzaileek Likina Amebaw, iazko ekitaldiko irabazlea, bertan izango dela iragarri dute.

Realaren futbol zuzendariak, Erik Bretosek, talde txuri-urdinak ostegunean Europa Ligan izango duen aurkaria aztertu du, Union Saint-Gilloise, alegia. Realak, Bournemouthen aurka Anoetan galdu ostean, Belgikara egingo du bidaia, irabaztera behartuta.

Athleticen atzealdeko eskuin hegalekoak Lezaman hitz egin du asteazkenean, prentsaurrekoan. Aresok, gainera, denboraldi honetan izan duen aldaketa fisikoa ere izan du hizpide.

Euskal Selekzioko pilotariak Buenos Airesera iritsi ziren astelehenean. Asteartean harrera instituzionala egin diete Ibone Bengoetxea lehendakariordeak eta Jose Mari Mitxelena Euskal Federazioaren presidenteak. Euskal Selekzioa lehen aldiz ariko da ofizialki pilotako munduko txapelketa batean. Urriaren 15etik 25era bitarte jokatuko da, Argentinan eta Uruguain.

Jagoba Arrasate izango da osasunaren entrenatzaile berria. Aurkezpen ekitaldian, Nafarroako klubaren kirol zuzendariak azaldu du zergatik erabaki duen Luis Miguel Ramis kargutik kentzea.