Athleticek 3-1 galdu du Levanteren aurka. Partidaren ostean, Ruiz de Galarretak azaldu du “gogo handiarekin” joan direla, baina partida okertu egin zaiela. Horren aurrean, gauzak aldatzeko eta hobetzeko beharra daukatela onartu du.
Realak Lillestromen aurka jokatuko du bihar Europa Ligan. Norvegian egin duten prentsaurrekoan, Igor Zubeldiak azaldu du Lillestrom talde azkarra dela oro har, baina beraiek beraien lana egiten badute “asko irabazita” dutela.
Velimir Perasovic Baskoniako entrenatzaile berriaren prentsaurrekoan, Felix Fernandezek Pablo Galbiati taldetik kanpo geratzea eragin duen egoeraz hitz egin du, hau da, klubak bere zerbitzuak bertan behera utz zitzan eman dituen arrazoien inguruan. Bideoa gazteleraz
2026-2027ko Winter Series lehia eta berdintasun handikoa izango da, hala izan zen iazkoa ere. Ana Ramosek txapelketako 5. edizioko hainbat datu plazaratu ditu.
Velimir Perasovic gaur, asteazkenarekin, aurkeztu dute Kosner Baskoniaren entrenatzaile berri gisa. Besteak beste, bere proiektu berriari buruz hitz egin du prentsaurrekoan.
Pozarren ospatu dute Euskal Pilota Selekzioko pilotariek eta taldekideek Barandikak eta Lekerikak binakako zesta-punta finalean lortutako garaipena.
Jose Mari Mitxelena Euskal Pilota Federazioaren presidentea oso hunkituta agertu da, binakako zesta-punta finaletan urrezko eta zilarrezko dominak lortu ostean.
Xabi Barandikak eta Unai Lekerikak urrea irabazi dute Munduko Pilota Txapelketan. Maite Ortiz de Mendibilek eta Maia Goikoetxeak, berriz, zilarra eskuratu dute. Emaitza historikoak dira Euskal Pilota Selekzioarentzat.
Barandika eta Lekerikak osatutako bikoteak lehen urre eman dio Euskal Pilota Selekzioari, Euskal Pilotako Munduko txapelketan. Estatu Batuek lortu dute bigarren postua, Johan eta Gorka Sorozabal anaiek gernikarren aurka hiru jokotan galdu ostean (9-15, 15-10 eta 4-10).
Maitek eta Maiak zilarrezko domina eskuratu dute zesta-puntako binakako Munduko Txapelketan. Euskal Selekzioak bi jokotan galdu du Espainiaren aurka, 15-9 eta 15-12 eginda. Erika eta Arai markinarrak munduko txapeldun dira, hortaz.
Euskaltel-Euskadi taldeak UCI sailkapeneko lehen 30 taldeen artean sartzea lortu du. Munduan zehar puntuak lortzen aritu dira horretarako. Harrera egin diete Loiun, eta, bertan, egindako “esfortzu handia” azpimarratu dute Jorge Azanza kirol arduradunak eta Gotzon Martin txirrindulariak.
Iker Goñi Euskal Futbol Federazioaren presidenteak Euskal Selekzioaren eta Venezuelaren arteko neurketa izan du hizpide. Partida azaroaren 14an jokatuko da, San Mamesen. Ia urtebete da Euskal Selekzioak azken aldiz jokatu zuela; Palestinaren aurka izan zen norgehiagoka gogoangarria. Euskal Selekzioak laugarren aldiz jokatuko du Venezuelaren aurka.
Asteazkenean, Athleticek Valentzian jokatuko du, Levanteren aurka, EA Sports Ligako seigarren jardunaldiari dagokion atzeratutako partidan. Edin Terzic entrenatzaileak, Lezaman, Gorka Guruzeta aurrelariak izandako lesio larria izan du hizpide.
Ander Murua Lau t’erdiko protagonista izaten ari da, ustekabean. Darioren lesioak final-zortzirenak jokatzeko aukera eman zion Arrasateko aurrelariari. Senar gainditu eta Ligaxka Elordiri irabazita abiatu du. Muruak amets egiten jarraitu nahi du.
Xabier Euzkitzek iazko Winter Serieseko hiru tantorik onenak erakutsi dizkigu. Lehenengoa, Urreistik egindako horma-bikoa. Bigarrena, Olharanen eskutik iritsi zen. Eta amaitzeko, onena, Barandikak ezker ukalondoa hautsi zuenean eginikoa.
Zesta-puntako banakako finaletarako txartela eskuratu dute Helena Barrentxeak eta Aritz Erkiagak Munudko Pilota Txapelketaren 5. jardunaldian. Horrez gain, Euskal Selekzioa parapilota finalean ere izango da.
Ekaitz Maiz alpinistak bere azken espedizioa kontatuko du igandeko Helmuga saioan. Iñaki Arzelusekin eta Hector Marrodanekin batera, Khane haranera egin dute bidaia, iaz bertan behera utzi behar izan zuten helburuari ekiteko: Trident Peak gailurra igotzea.
Thinking Football jaialdiaren 14. edizioa azaroaren 9tik 14ra bitartean izango da. Guztira, bederatzi film luze eta film labur bakarra izango dira, hainbat herrialdetakoak. Lan guztiak BBK Aretoan egongo dira ikusgai, eta Asif Kapadia zuzendariaren Kenny Dalglish filmarekin abiatuko dira emanaldiak.
Eskuz banakakoan, Gaizka Carregalek 10-4 eta 10-3 gainditu du Hernandez mexikarra. Binaka, Beñat Azketak eta Oier Elorzek 10-0 eta 10-2 irabazi diote Frantziari, eta finalean izango dira.
Bideo honek Endesa Ligako laugarren jardunaldian izandako bost jokaldi onenak biltzen ditu; ikusgarriena Stefan Joksimovic Kosner Baskoniako jokalariak egin du.
