Binakakoa
2025/11/29 - 22:40
Lasoren eta Albisuren astindua jaso dute Jakak eta Iztuetak (6-22)
Unai Lasok eta Jon Ander Albisuk erakustaldia eman dute Erik Jakaren eta Martxel Iztuetaren aurka jokatu duten partidan. 0-12 joan dira irabazten, eta 6-22 gailendu dira, ligaxkako bigarren puntua bereganatzeko.
2025/11/29 - 00:51
Zabalak eta Martijak Etxeberria eta Rezusta menderatu dituzte (12-22), eta lehen puntua lortu dute Binakakoan
Bigarren jardunaldiko lehenengo partidan, ostiral gauean, Basaurin, Javi Zabala eta Julen Martija ez dira oso ondo hasi, Peio Etxeberria eta Beñat Rezusta aurkari, baina, neurketako bigarren zatian, guztiz nagusi izan dira.
2025/11/24 - 19:58
Laso eta Albisu Artolaren eta Imazen aurkako neurketaren bigarren erdian nagusi izan dira (22-14)
Tolosako Beotibar pilotalekuan jokatutako partidaren lehen erdia oso parekatua izan da, baina bigarrenean Unai Lasok eta Jon Ander Albisuk Iñaki Artola eta Ander Imaz aise menderatu dituzte.
2025/11/23 - 21:55
Azkeneraino sufrituta irabazi diete Jakak eta Iztuetak Larrazabali eta Mariezkurrenari (22-21)
Erik Jakak eta Martxel Iztuetak Binakako Txapelketako lehen puntua lortu dute, asko kostata izan bada ere. Gorriak 15-4 joan dira aurretik, baina urdinek gora egin dute gero, eta 21era berdindu dute norgehiagoka. Bukaera emozio handikoa izan da, eta, azkenean, Jaka eta Iztueta gailendu dira.
2025/11/22 - 22:34
Altunak eta Ezkurdiak erakustaldia eman dute Etxeberria eta Rezustaren aurka (22-5)
Altunak eta Ezkurdiak 22-5 garaitu dituzte Etxeberria eta Rezusta hasieratik erabakita geratu den partidan. Bikote gorriak 16 tanto egin ditu jarraian, eta aukerarik gabe utzi ditu aurkariak.
2025/11/22 - 00:43
Elordik eta Zabaletak garaipenarekin estreinatu dute Binakako Txapelketa (22-13)
Elordik eta Zabaletak 22-13 irabazi diete Zabala eta Martijari 2025-2026ko Binakako Txapelketaren estreinaldian. Aspeko bikoteak sendo hasi du partida, eta ondo bideratuta utzi du garaipena lortzeko.
2025/11/18 - 16:07
Ezkurdiak eta Altuna III.ak batera jokatuko dute Binakako Txapelketa
Ezkurdia eta Altuna III.ak batera jokatuko dute Binakakoan, Ezkurdia, gainera, atzelari izango da. P. Etxeberria-Rezusta; Zabala-Martija; Elordi-Zabaleta; Jaka-Iztueta; Larrazabal-Mariezkurrena II.a; Artola-Imaz eta Laso-Albisu izango dira gainontzeko bikoteak.
2025/11/18 - 14:13
Ezkurdia atzelari bezala arituko da, Altunarekin, ostiralean hasiko den Binakako Txapelketan
Arbizuarrak txapela jantzi zuen aurreko ekitaldian, eta atzelari ibiliko da orain. Hauek dira bikoteak: Baikon, Larrazabal-Mariezkurrena II.a, Laso-Albisu, Artola-Imaz eta Jaka-Izueta; eta Aspen, Elordi-Zabaleta, Zabala-Martija, P. Etxeberria-Rezusta eta Altuna III.a-Ezkurdia.
2025/11/11 - 18:46
Laso, Artola, Larrazabal, Jaka, Altuna III.a, Elordi, Etxeberria eta Zabala, Binakakoaren aurrelariak
Baikok eta Aspek azaroaren 21ean hasiko den Binakako Txapelketarako aukeratu dituzten aurrelariak iragarri dituzte, astearte honetan. Baikon, Peña II.a laukotetik kanpo geratu da.
2025/04/01 - 00:00
Binakako Txapelketako finaleko hiru tantorik onenak
Iñaki Artolak eta Joseba Ezkurdiak egin dituzte tantorik onenak, Binakako Txapelketako finalean.
2025/03/31 - 23:40
Beñat Rezusta: ''Ez nuen espero, inondik inora, hiru txapelekin egotea''
Bergararrak hirugarren aldiz lortu du garaipena Binakako Txapelketan; oraingoan, Joseba Ezkurdia izan du bikotekide, eta arbizuarraren lana goraipatu du finalaren biharamunean.
2025/03/31 - 11:53
Ezkurdia eta Rezusta Binakako txapeldunei harrera beroa egin diete Arbizun
Joseba Ezkurdia eta Beñat Rezusta dira 2025eko Binakako Txapelketako txapeldunak. Artola-Mariezkurrena II bikoteari finala 22-20 irabazi ostean, Ezkurdiaren herrian, Arbizun, egin diete harrera bikote irabazleari.
2025/03/31 - 11:30
Joseba Ezkurdiak irabazi du Pilotari Onenaren EITB Saria
Joseba Ezkurdiak jaso zuen igandean EITBren Pilotari Onenaren saria, Joseba Urkiola kirol arduradunaren eskutik.
2025/03/30 - 23:05
3.000 zalek girotu dute Nafarroa Arena emozioz beteriko finalean
Ezkurdia eta Rezusta 22-20 nagusitu dira Artola eta Mariezkurrenaren aurka, azken unera arte oso irekita egon den partidan. 3.000 zalek girotu dute Nafarroa Arenako finala, euren faboritoak etengabe animatuz.
2025/03/30 - 22:53
Binakako finaleko tantorik onena
Joseba Ezkurdiak eta Beñat Rezustak irabazi dute 2025eko Binakako Txapelketa, Nafarroa Arenan jokatutako final handian Iñaki Artola eta Jon Mariezkurrena 22-20 menderatu baitituzte.
2025/03/30 - 22:52
Ezkurdia eta Rezusta txapeldun, partida gogor batean (22-20)
Gorriak aurretik izan dira beti markagailuan, eta 14-8 ere aurreratu dira, baina urdinek ez dute amore eman, eta, azkenean, bi tantoko aldearekin bakarrik nagusitu dira gorriak.
2025/03/30 - 22:51
Beñat Rezusta: ''Neuk irabazteak ilusio handia egiten dit, baina Josebarekin irabazteak ere bai''
Bergarako atzelariak 2025eko Binakako Txapelketa irabazi du Joseba Ezkurdiarekin batera igandean, finalean Artola eta Mariezkurrena II.a 22-20 menderatuta. Partida amaitutakoan, Rezustak esan du final gogorra izan dela, urduritasun eta tentsio handikoa.
2025/03/30 - 22:25
Joseba Ezkurdia, emozioari ezin eutsita: ''Txapela gurasoentzako da, beraiek dira benetako txapeldunak''
Joseba Ezkurdiak 2025eko Binakako Txapelketa irabazi du, Beñat Rezustarekin batera, finalean Artola eta Mariezkurrena 22-20 menderatuta.
2025/03/30 - 22:11
Azken tantoa, ospakizunak eta txapelak
Joseba Ezkurdia eta Beñat Rezusta dira 2025eko Binakako Txapelketako irabazleak, Nafarroa Arenan jokatutako finalean Iñaki Artola eta Jon Mariezkurrena 22-20 menderatu baitituzte.
2025/03/30 - 21:49
Joseba Ezkurdia eta Beñat Rezusta, 2025eko Binakako txapeldunak (22-20)
Igandean Nafarroa Arenan jokatutako finalean, Ezkurdiak eta Rezustak Iñaki Artola eta Jon Mariezkurrena garaitu dituzte, 22-20. Arbizuko aurrelariak hirugarren aldiz jantzi du Binakako Txapelketako txapela, eta Bergarako atzelariak ere hirugarrenez irabazi du Binakakoa.