Binakakoa
2025/02/25 - 14:54
Jon Ander Albisu, Beñat Senar eta Iraitz Zubizarreta, hiru ataundar Binakakoaren finalerdietan
Ataun zorioneko da. Esku pilota giroa eta poza nabari dira herrian. Izan ere, hiru ataundar daude Binakako Txapelketako finalerdietan; Albisu, txapelketa nagusian eta Senar eta Zubizarreta III.a, B Seriekoan. EITB Media hiru pilotariekin egon da, egoera nola bizi duten jakiteko.
2025/02/24 - 20:12
Binakako Txapelketako play-offeko asteburuko hiru tantorik onenak
Erik Jakak, Jon Ander Peñak eta Javier Zabalak egin dituzte asteburuko tantorik onenak, Binakako Txapelketako play-offean.
2025/02/24 - 15:33
Herriko hiru pilotari finalerdietan daudela ospatu dute Ataunen
Jon Ander Albisu, Beñat Senar eta Iraitz Zubizarreta pilotari ataundarrak Binakako Txapelketako finalerdietan dira: Albisu lehen mailakoan, eta Senar eta Zubizarreta bigarren mailakoan. Hori dela eta, ataundarrak pozarren dira.
2025/02/23 - 22:29
Peña II.a eta Albisu finalaurrekoetan izango dira, Zabala eta Eskuza menderatuta (22-18)
Jon Ander Peña eta Jon Ander Albisu Binakako Txapelketako finalaurrekoetarako sailkatu dira, Elordi eta Zabaletaren lekua beteta aritu diren Zabala eta Eskuzari 22-18 irabazita, Eibarren. Gorriak nagusitu dira, baina urdinek estu hartu dituzte.
2025/02/22 - 01:10
Peñak eta Albisuk finalerdietako ligaxkarako txartela izango dute jokoan igandeko partidan
Jon Ander Peñak eta Jon Ander Albisuk 14-22 menderatu dituzte Erik Jaka eta Ander Imaz Zornotzan. Igandean, Zabala-Eskuza bikotea izango dute aurkari, Elordi eta Zabaleta min hartuta baitaude.
2025/02/21 - 21:12
Zabalak eta Eskuzak Elordi eta Zabaleta ordezkatuko dituzte igandean, play-offeko partidan
Javier Zabalak Aitor Elordiren ordez jokatuko du, eta Arkaitz Eskuza, aldiz, Jose Javier Zabaletaren ordez arituko da; izan ere, Elordi eta Zabaleta osteguneko partidan lesionatu ziren, eta ezingo dira kantxaratu igandean, Eibarren.
2025/02/20 - 22:14
Artola eta Mariezkurrena finalerdietako ligaxkan dira, Elordi eta Zabaleta aise menderatuta (22-7)
Artolak eta Marizkurrenak 22-7 menderatu dituzte Elordi eta Zabaleta Binakako Txapelketako hirugarren eta laugarrenaren arteko play-offeko lehian. Hala, Baikoko bikotea finalerdietako ligaxkan izango da; Elordi eta Zabaletak, bestalde, beste aukera bat izango dute igandean.
2025/02/20 - 21:54
Aitor Elordik ez du play-offeko partida jolastuko igandean, eskuin eskuan min hartuta
Aitor Elordik min hartu du eskuin eskuan ostegun honetan, Zabaletarekin batera, Artola eta Mariezkurrenaren aurka jokatutako Binakako Txapelketako play-offeko partidan. Aspeko bikoteak 22-7 galduta, igandean jokatu beharko du txapelketan aurrera egiteko, baina Elordi ezingo da egon bertan.
2025/02/18 - 11:45
Binakako Txapelketako finalerdietako ligaxkarako txartelak jokoan, otsailaren 20tik 23ra artean
Hilaren 20an, ostegunean, Artola-Mariezkurrena II eta Elordi-Zabaleta bikoteak ariko dira nor baino nor gehiago, eta irabazleak finalerdietara sailkatuko dira; galtzaileak, aldiz, ostiraleko Jaka-Imaz vs Peña II-Albisu partidako irabazleak izango du txapelketan jarraitzeko aukera, otsailaren 23an.
2025/02/17 - 22:50
Binakako Txapelketako 14. jardunaldiko hiru tantorik onenak
Jon Ander Albisuk, Jon Mariezkurrenak eta Josu Eskirozek egin dituzte asteburuko tantorik onenak. Binakako Txapelketako final-laurdenetako ligaxkaren azken jardunaldian.
2025/02/16 - 21:30
Altuna: ''Kulpa nirea da, Iñigok ez dauka inolako kulparik''
Buruz buruko txapeldunak bere gain hartu du Binakako Txapelketako play-offetik kanpo geratu izanaren erantzukizuna, Bikuñarekin batera Peña eta Albisuren aurka 4 eta 22 galdu ostean.
2025/02/16 - 21:26
Peña II.ak eta Albisuk aise menderatu dituzte Altuna III.a eta Bikuña (4-22), eta play-offetan sartu dira
Ostiralean, Jaka-Imaz izango dituzte aurkari; partida horretako irabazleek Artola-Mariezkurrena II eta Elordi-Zabaleta bikoteek jokatuko duten partidako galtzaileen kontra izango dute jokoan finalerdietako ligaxkara igarotzeko aukera.
2025/02/16 - 21:06
Jon Ander Peñaren animoak Aitor Arangureni: ''Denok daukagu eskubidea errespetu gehiagorekin tratatzeko''
Jon Ander Peñak animoak eman dizkio Aitor Arangureni, Altuna eta Bikuñaren aurka jokatu ostean; izan ere, ezustean, Arangurenen ordez Bikuña jarri zuen Aspe enpresak astelehenean.
2025/02/15 - 21:53
Urrutikoetxeak eta Mariezkurrenak garaipen batekin amaitu dute ligaxka (22-11)
Mikel Urrutikoetxea eta Jon Mariezkurrena 22 eta 11 nagusitu zaizkie Salaberria eta Rezustari final-laurdenetako ligaxkako azken partidan.
2025/02/15 - 00:53
Elordik eta Zabaletak laugarren postua ziurtatu dute Jaka eta Eskiroz garaituta (21-22)
Egin zitezkeen tanto guztiak egin dituzte partida oso gorabeheratsuan, baina azken hirurak Elordik eta Zabaletak egin dituzte. Hala ere, Aspeko bikoteak ziurtatuta zuen Binakako Txapelketako laugarren postua, 12 tanto baino ez baitzituen behar.
2025/02/11 - 22:00
Iñigo Bikuña: ''Gu, azkenean, pilotariak gara, gure lana pilotan jokatzea da''
"Kantxara ateratzen garen bakoitzean, gure maila onena eman nahi dugu. Erabakiak enpresak hartzen ditu", adierazi du atzelari donostiarrak, EITBk egindako elkarrizketan. Hemendik aurrera, Bikuña Jokin Altunarekin batera arituko da, Binakako Txapelketan, Aitor Arangurenen ordez.
2025/02/10 - 21:08
Aspek Iñigo Bikuñaga jarriko du Aitor Arangurenen ordez, azken jardunaldiari begira
Ohar batean adierazi dutenez, erabakia "Altuna III.a-Aranguren bikotearen ibilbidea suspertzeko asmoz" hartu dute. Horrez gain, Eskirozek Imaz ordezkatuko du, gipuzkoarrak mina duelako eskuin eskuan.
2025/02/10 - 18:23
Binakako Txapelketako 13. jardunaldiko hiru tantorik onenak
Mikel Urrutikoetxea, Jokin Altuna eta Erik Jaka pilotariek egin dituzte Binakakoaren 13. jardunaldiko tantorik onenak.
2025/02/10 - 15:44
Gauza asko erabakitzeke, azken jardunaldiari begira
Igandean, Ezkurdia eta Rezusta zuzenean sailkatu ziren finalerdietara. Sailkapeneko lehen hiru tokiak nork hartuko zituen argituta, gainerako guztia datorren asteburuan argituko da, ligaxkaren 14. eta azken jardunaldian.
2025/02/09 - 22:06
Ezkurdia eta Rezusta zuzenean sailkatu dira finalerdietara (16-22)
Aspekoek Urrutikoetxea (Lasoren ordezkoa) eta Iztueta gainditu dituzte Eibarko Astelena pilotalekuan jokatutako partidan. Partida berdinduta joan da 16-16koa jarri duten arte. Ondoren, 0 eta 6ko partzialari esker, bikote urdinak lortu du garaipena.