Jarraitu zuzenean Errege Kopako finalerdietako zozketa, eitb.eus-en, 13:00etatik aurrera
Realak eta Athleticek gaur jakingo dute zein aurkari gainditu beharko duten Errege Kopako finalerdietan; izan ere, 13:00etan hasiko da, Madrilen, txanda horretako kanporaketak zeintzuk izango diren zehaztuko dituen zozketa, eta eitb.eus-en zuzenean jarraitzeko aukera izango da.
Jakin badakigu bi partidako kanporaketa izango dela, eta joanekoa otsailaren 6an, 7an edo 8an jokatuko dutela, eta itzulikoa, aldiz, hilaren 27rako, 28rako edo 29rako dagoela aurreikusita. Mallorca eta Atletico Madril dira sailkatuta dauden beste bi taldeak, eta euskal derbia izan liteke finalaurrekoan.
Testuinguru horretan, biak ala biak ilusio eta ikusmin handiz daude zain, ea zozketak zer ebatzi behar duen. Ez da aurretiko inolako baldintzatzailerik, eta jakingo dugu zeinen aurka jokatzen duen talde bakoitzak eta, halaber, zein zelaitan jokatuko dituzten joaneko partidak eta itzulikoak. Kopan 2021-22 denboralditik jazo denez, aurkariaren zelaian sartutako golek eta etxean lortutakoek balio bera dute.
Realak eta Athleticek, orain arte, bosna talde kanporatu dituzte txapelketan. Imanolen gizonek, kanporaketa guztietan bisitari gisa, hauek utzi dituzte at: Buñol, lehenengo kanporaketan (0-1), Andratx, bigarren kanporaketan (0-1), Malaga, final hamaseirenetan (0-1), Osasuna, final zortzirenetan (0-2), eta Celta, final laurdenetan (1-2). Mikel Oyarzabal bi gol sartu ditu, taldeko beste edonork baino gehiago, ibilbide horretan.
Athletici dagokionez, Rubi izan zuen aurkari lehenengo kanporaketan, eta Ernesto Valverderen futbolariek 1-2 menderatu zuten hori. Gerora, hauek hartu ditu mendean Bilboko taldeak: Cayon, bigarren kanporaketan (0-3), Eibar, final hamaseirenetan (0-3), Alaves, final zortzirenetan (2-0, San Mamesen), eta Bartzelona, final laurdenetan (4-2, Bilbon hori ere). Asier Villalibrek, sei gol sartuta, zuri-gorrien golegile nagusiena da, Kopa honetan.
Jakingo dugu, hortaz, Athleticek eta Realak elkarren aurka jokatuko duten, ala, aldiz, Mallorca edo Atletico Madril izango duten aurrean. Nabarmentzeko modukoa da 2019-20 Kopan ere, duela lau urte, bi euskal taldeak txanda horretan zeudela, Mirandesekin eta Granadarekin batera; zozketak zehaztu zuen Realak Mirandesekin jokatzea finalerako sailkatzea, eta Athleticek Granadarekin. Hortaz, ez zen derbirik izan finalerdian, baina bai finalean, biek ala biek aurrera egin baitzuten; Realak irabazi zuen titulua, finalean garaituta.
2020ko hura alde batera utzita, Reala eta Athletic 1987an ere izan ziren finalerdietako zozketan, 1986-87 denboraldiko Kopan, eta orduan nor baino nor gehiago aritu ziren. Reala sailkatu zen finalerako, Atotxan 0-0 egin baitzuten, joanekoan, eta San Mamesen 0-1 irabazi baitzuen Realak; gerora, John Toshackek entrenatzen zuen taldeak titulua bereganatu zuen, finalean Atletico Madril mendean hartuta.
Azkenik, iaz ere, 2022-23 denboraldiko Kopan, Euskal Herriko bi talde izan ziren finalaurrekoan, Osasuna eta Athletic, eta elkarren aurka jokatu zuten finalerako txartelaren bila; Iruñeko 1-0ekoak eta Bilboko 1-1ekoak Osasunari eman dion sailkatzea.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.
Unai Simon, 2026ko Munduko Txapelketako atezainik onena
Athletic Clubeko jokalariak Urrezko Eskularruaren saria jaso du, txapelketa osoan zehar gol bakarra jaso du eta.
Unai Simon: “Munduko Txapelketa irabazteak ez du parekorik”
Unai Simon Athleticen atezainak nola sentitzen den adierazi du hedabideen aurrean, Munduko Txapelketa eta atezain onenaren Urrezko Eskularrua irabazi ondoren.
Espainia, munduko txapeldun luzapenean Argentina garaituta (1-0)
Luzapenera arte joan den partidan, Ferranek sartu du norgehiagokako gol bakarra, Nico Williamsen asistentzia bikaina baliatuta.
Ingalaterrak hirugarren postua lortu du Frantziaren aurka (4-6), eta Mbappek historia egin du Munduko Txapelketetan
Ingalaterrako selekzioak 6-4 menderatu du Frantzia 2026ko Munduko Txapelketako hirugarren postua erabakitzeko partidan. Kylian Mbappek bi gol sartu ditu, eta, horri esker, Munduko Txapelketen historiako goleatzailerik onena bihurtu da, guztira 22 golekin. Bestalde, Bukayo Sakak, hat-trick bat eginda, Thomas Tuchelen taldearen garaipena gidatu du.
Espainia eta Argentinaren arteko 2026ko Munduko Txapelketako finalari buruz jakin behar duzun guztia
Espainiak eta Argentinak elkarren aurka jokatuko dute igande honetan New Yorken, Munduko Kopa altxatzeko asmoarekin. Final batean elkar ikusiko duten lehen aldia izango da. Baina, ezagutzen al dituzu partidaren inguruko bitxikeria eta datu guztiak?
Messik hirugarren aldiz joka lezake Munduko Txapelketako finala, eta Cafurekin berdinduko luke
Leo Messik, Argentinako selekzioarekin, 2014koa eta 2022koa jokatu zituen, Brasilen eta Qatarren, hurrenez hurren; Cafuk, Brasilekin, 1994koan (Estatu Batuetan), 1998koan (Frantzian) eta 2002koan (Japonian) parte hartu zuen. Oraingoz, Messik behin irabazi du Munduko Txapelketa, 2022an, eta Cafuk, bi aldiz.
Txapeldunak Ingalaterraren kontrako finalerdia irauli du azken 7 minutuetan, eta Espainiaren aurka neurtuko ditu indarrak finalean (1-2)
Anthony Gordonek aurretik jarri ditu ingelesak 55. minutuan, baina Enzo Fernandezek 85.ean eta Lautaro Martinezek 92.ean sartutako golek markagailua irauli dute. Messik argentinarren bi goletako asistentziak eman ditu.