Realak aurrera egingo du Errege Kopan, Andratxen aurka sufrituz irabazita
Realak 0-1 irabazi du Andratxen kontra asteazken honetan, Errege Koparen bigarren kanporaketan Sa Plana estadioan jokatutako partidan. Hala, txapelketako hurrengo faserako sailkatzea lortu du Donostiako taldeak. Lan zaila izan dute Imanolek entrenatzen dituen jokalariek, Andratxek oso ondo kokatuta jokatzeaz gain, ez duelako amore eman.
Andratxek gogor ekin dio defentsan hasieratik, eta Realari aurrera egiteko zailtasun ugari eragin dizkio, nahiz eta donostiarrek baloia mendean izan. Lehen 20 minutuetan, ez dute aukera garbirik izan, ez Realak ezta Andratxek ere. 23. minutuan iritsi da etxekoen lehen aukera garbia, area ertzetik egindako jaurtiketa bati esker, baina Marrerok erraz gelditu du. Handik lau minutura, Andre Silva izan da buruz aukera izan duena; Vicenc atezainak, ordea, ondo eutsi dio. Realeko jokalari portugaldarra berriz saiatu da, buruz oraingoan ere, 37. minutuan. Lehen zatia amaitzeko bi minutu baino geratzen ez zirenean, Mallorcako taldea aurretik jartzeko zorian izan da, Giaquintok gutxigatik kanpora botatako jaurtiketa batekin.
Bigarren zatian, Reala erasoan indar handiagoz lan eginez zelairatu da. Andre Silvak sartu du Gipuzkoako taldearen lehen gola, 55. minutuan, Le Normand eta Odriozolaren konbinazio polit bat aprobetxatuz, baloia sareetara bidalita.
Jose Contrerasek entrenatzen dituen jokalariek ez dute amore eman, eta aurrera eginez jarraitu dute, norgehiagoka berdintzeko asmoz. Besteak beste, baloiarekin abiatzean Realak egindako akats baten ondorioz, zutoin gainetik kanpora joan den Peñaforten jaurtiketa arriskutsua ekarri du.
75. minutuan, Zubimendi eta Merino zelairatuta, Donostiako taldeak kontrola berreskuratu du zelai erdian. Dena den, luzapenaren bila jarraitu dute etxekoek. Peñafortek aukera garbi bat huts egin du azken minutuan. Halaxe amaitu da partida, 0-1 Realaren alde. Horrenbestez, Errege Kopan aurrera egingo dute donostiarrek.
Fitxa teknikoa:
0 - Andratx: Vicenc, Aveldaño, Kevin, Bonet (Alberto Fernandez, 63. minutua), Flaque (Peñafort, 63. minutua), Castedo (Garry, 46. minutua), Mati Fernandez, Isma (Gallardo, 14. minutuan), Ramis (Juanca, 82. minutuan), Miquel Jaume eta Giaquinto.
1 - Reala: Marrero, Odriozola (Elustondo, 75. minutua), Le Normand, Pacheco, Aihen, Olasagasti (Zubimendi, 75. minutua), Urko (Merino, 68. minutua), Turrientes, Zakharyan, Dadie (Kubo, 68. minutua) eta Andre Silva (Sadiq, 68. minutua).
Golak: 0-1, Andre Silva, 55. minutuan.
Epailea: Jose Maria Sanchez Martinez. Txartel horia atera dio Aveldañori, jokaldi baten ostean protesta egiteagatik.
Zure interesekoa izan daiteke
Yangel Herrera Atletico Madrilen aurkako partidari buruz: “Gustuko ditugu partida hauek; garaipen handi bat oparitu nahi diegu zaleei”
Yangel Herrerak prentsaurrekoa eman du ostegun arratsaldean. Bertan, "pozik eta gozatzen" ari dela eta iragan denboraldia atzean utzi nahi duela esan du. Europa Ligaz eta Atletico Madrilen aurkako partidaz ere aritu da. (Bideoa gazteleraz)
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Igor Zubeldia: “Talde honek bukaerara arte ez duela etsitzen erakutsi da”
Igor Zubeldia Realeko jokalariak taldeak Elxen lortutako garaipena baloratu du partida amaieran. Amaierara arte erakutsitako jarrera azpimarratu du atzelari txuri-urdinak.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.
Golik gabeko berdinketa Realaren eta Celtaren artean (0-0)
Markagailua ez da mugitu ate aurrean bietako batek ere ez baitu asmatu. Realak eraman du jokoaren pisua lehen zatian, baina Celtak lehia orekatu du atsedenaldiaren ostean.