Herbehereak eta Estatu Batuak final-zortzirenetan izango dira
Australia eta Zeelanda Berriko Munduko Txapelketako E multzoko hirugarren jardunaldiak final-zortzirenetarako txartela ekarri die Herbehereetako eta Estatu Batuetako selekzioei.
Dunedin Estadioan, Herbehereetako selekzioak ez du zailtasunik izan Vietnamen aurka, eta 0-7 irabazi dio Asiako taldeari. Lieke Martensen baselina bikain batek azkar ireki du markagailua europarren alde. 0-2koa Katja Snoijsek egin du 11. minutuan, ezkerkada eder batekin, Danielle van de Donken pasea baliatuta. Hirugarren gola, hura ere ikusgarria, Esmee Brugtsek sartu du, 18. minutuan, area kanpotik egindako jaurtiketa baten bidez.
Jill Roordek herbeheretarren aldea handitu du neurketako lehen ordu erdia igaro baino lehen, Dominique Janssenek ezker hegaletik emandako pase on bat sareetara ia nahierara bultzatuta. Bosgarrena Danielle van de Donkek berak egin du atsedenaldiaren aurretik, area txikian izandako errebote bat aprobetxatuta.
Brugtsek, berriz, eskuadrako armiarma-sareak kenduta, seigarrena jarri du markagailuan 57. minutuan, oso urrutitik egindako jaurtiketa batekin. Eta gol-zaparrada ixteko, Roordek ere bere bigarren gola egin du, buruz, kontraeraso batean, 83. minutuan, Stephanie van der Gragtek buruz emandako asistentzia baliatuta. Damaris Egurrola bizkaitarra 62. minutuan sartu da berdegunean, Jackie Groenen ordezkatzeko.
AEBk, aurrera baina sufrituta
Bestalde, Aucklandeko (Zeelanda Berria) Eden Parken, Estatu Batuetako selekzioak sufritu egin behar izan du hurrengo kanporaketara sailkatzeko, hutsean berdindu baitu Portugalen aurka. Iparramerikarrak nagusi izan dira norgehiagokako zatirik handienean, eta arrisku handia sortu dute Ines Pereiraren ate aurrean. Hala ere, punteria gabe ibili dira, eta zorroztasun falta horrek txapelketatik kanpo geratzetik gertu egotea ekarri dio. Izan ere, Ana Capeta aurrelari portugaldarrak zutoinera bidali du baloia bigarren zatiko luzapenean. Sartu izan balu, bere taldeak aurrera egingo zukeen.
Horrenbestez, Herbehereek eta Estatu Batuek datorren igandean, abuztuaren 6an, jokatuko dute final-zortzirenetako kanporaketa, baina bihar arte ez dute jakingo noren aurka arituko diren.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.
Unai Simon, 2026ko Munduko Txapelketako atezainik onena
Athletic Clubeko jokalariak Urrezko Eskularruaren saria jaso du, txapelketa osoan zehar gol bakarra jaso du eta.
Unai Simon: “Munduko Txapelketa irabazteak ez du parekorik”
Unai Simon Athleticen atezainak nola sentitzen den adierazi du hedabideen aurrean, Munduko Txapelketa eta atezain onenaren Urrezko Eskularrua irabazi ondoren.
Espainia, munduko txapeldun luzapenean Argentina garaituta (1-0)
Luzapenera arte joan den partidan, Ferranek sartu du norgehiagokako gol bakarra, Nico Williamsen asistentzia bikaina baliatuta.
Ingalaterrak hirugarren postua lortu du Frantziaren aurka (4-6), eta Mbappek historia egin du Munduko Txapelketetan
Ingalaterrako selekzioak 6-4 menderatu du Frantzia 2026ko Munduko Txapelketako hirugarren postua erabakitzeko partidan. Kylian Mbappek bi gol sartu ditu, eta, horri esker, Munduko Txapelketen historiako goleatzailerik onena bihurtu da, guztira 22 golekin. Bestalde, Bukayo Sakak, hat-trick bat eginda, Thomas Tuchelen taldearen garaipena gidatu du.
Espainia eta Argentinaren arteko 2026ko Munduko Txapelketako finalari buruz jakin behar duzun guztia
Espainiak eta Argentinak elkarren aurka jokatuko dute igande honetan New Yorken, Munduko Kopa altxatzeko asmoarekin. Final batean elkar ikusiko duten lehen aldia izango da. Baina, ezagutzen al dituzu partidaren inguruko bitxikeria eta datu guztiak?
Messik hirugarren aldiz joka lezake Munduko Txapelketako finala, eta Cafurekin berdinduko luke
Leo Messik, Argentinako selekzioarekin, 2014koa eta 2022koa jokatu zituen, Brasilen eta Qatarren, hurrenez hurren; Cafuk, Brasilekin, 1994koan (Estatu Batuetan), 1998koan (Frantzian) eta 2002koan (Japonian) parte hartu zuen. Oraingoz, Messik behin irabazi du Munduko Txapelketa, 2022an, eta Cafuk, bi aldiz.
Txapeldunak Ingalaterraren kontrako finalerdia irauli du azken 7 minutuetan, eta Espainiaren aurka neurtuko ditu indarrak finalean (1-2)
Anthony Gordonek aurretik jarri ditu ingelesak 55. minutuan, baina Enzo Fernandezek 85.ean eta Lautaro Martinezek 92.ean sartutako golek markagailua irauli dute. Messik argentinarren bi goletako asistentziak eman ditu.