Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
Lorena Wiebes SD Worx-Protime taldeko txirrindulari herbeheretarrak 2025eko Italiako Giroko hirugarren etapa irabazi du, esprintean, Trenton, asteartean, eta Anna Henderson Lidl-Trek taldeko ziklista britainiarrak sailkapen nagusiko lehen postuan jarraitzen du, eta, ondorioz, maglia arrosa soinean irtengo da asteazkeneko etapan ere. Sailkapen nagusian, ez da aldaketa esanguratsurik izan; bai, ordea, mendiko sailkapenean, Laboral Kutxa-Euskadi Fundazioko Usoa Ostolaza lider kokatu baita.
Wiebesek, munduko esprinterrik onenetakoa bera, hamalau garaipen daramatza 2025eko denboraldian. Trenton, azkarrena izan da; Europako txapeldunak saihestu egin du esprinta markatu duen erorikoa, baina hautagaiak ziren beste hainbat txirrindularik ezin izan dute garaipena jokatu. Picnic PostNL taldeko Josie Nelson helmugaratu da bigarren postuan, eta Lotte Kopecky Wiebesen taldekidea, aldiz, hirugarren tokian.
Usoa Ostolazak, Ane Santestebanek eta Naia Amondarainek (Laboral Kutxa-Euskadi Fundazioa) irabazlearen denbora berean amaitu dute etapa. Aurretik, lehen mailako Tonale mendate gogorrean, Usoa Ostolazak, igoera bikaina eginda, lehen postua lortu du, eta horrek mendiko sailkapeneko behin-behineko maillota eman dio gipuzkoarrari.
Asteazkenean, 2025eko Italiako Giroko laugarren etapa jokatuko dute, Castello Tesinon hasita eta Pianezze (Valdobbiadene) mendatean amaituta; jardunaldiak 142 kilometroko ibilbidea izango du, eta azken mendatea lehenengo mailakoa da.
Etapako sailkapena
1 - Lorena Wiebes (SD Worx) 2:59:07
2 - Josie Nelson (Picnic) d. b.
3 - Lotte Kopecky (SD Worx) d. b.
4 - Elisa Longo Borghini (UAE) d. b.
5 - Babette Van der Wolf (EF Education) d. b.
6 - Christina Schweinberger (Fenix) d. b.
7 - Barbara Guarischi (SD Worx) d. b.
8 - Eleonora Camilla Gasparrini (UAE) d. b.
9 - Marianne Vos (Visma) d. b.
10 - Marthe Truyen (Fenix) d. b.
Sailkapen nagusia
1 - Anna Henderson (Lidl) 5:41:10
2 - Marlen Reusser (Movistar) + 0:15
3 - Elisa Longo Borghini (UAE) + 0:31
4 – Anna Van der Breggen (SD Worx) + 0:35
5 - Monica Trinca Colonel (Liv AlULa) + 0:56
6 - Shirin Van Anrooij (Lidl) d. b.
7 - Katrine Aalerud (Uno-X) + 0:59
8 – Antonia Niedermaier (CANYON) + 1:03
9 - Juliette Labous (FDJ) + 1:06
10 - Dilyxine Miermont (CERATIZIT) + 1:10
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.