Oscar Rodriguezek giltzurrunetako kontusioa du, Giroko 11. etapako erorikoaren eraginez
Oscar Rodriguezek giltzurrunetako kontusioa du Italiako Giroko 11. etapako erorikoaren eraginez, Movistar taldeak asteazken honetan, maiatzaren 17an, jakinarazi duenez. Nafarroako txirrindularia lurrera joan da helmugarako 64 kilometro falta zirenean, eta lasterketa utzi behar izan du.
Colla di Boasiko jaitsieran erori da Rodriguez: lurrera joan da lehenengo, bide-seinale bat jo du gero, eta, azkenik, etxe baten hormarekin talka egin du. Burlatakoa lurrean geratu da, eta ospitalera eraman dute.
Lehen diagnostikoa Tortonako ospitalean jaso du, eta, gero, Novi Ligurekora eraman dute. Movistarrek gaineratu du Rodriguezen egoera orokorra ona dela.
Bestalde, helmugarako bi kilometro falta zirenean, Fernando Gaviria erori da. Horren taldearen arabera, kolonbiarrak ez du hausturarik, baina hainbat zauri ditu jasotako kolpeen ondorioz.
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Volleringek irabazi du Giroko etapa nagusia, eta Van der Breggenek lidertzari eutsi dio
Celia Gery gailendu da esprintean, eta liderrak erorikoa izan du
Elisa Balsamok garaipen pokerra lortu du Brescellon
Volleringek irabazi du Santo Stefano di Cadoren eta Van der Breggenek maglia arrosari eutsi dio
Van der Breggenek Balsamoren diktadurarekin amaitu eta maglia arrosa jantzi du kronoigoeran
Elisa Balsamo italiarrak, hirutik hiru Italiako Giroan
Honela geratu da 2026ko Italiako Giroko podiuma
Vismak xanpainarekin ospatu du Vingegaarden garaipena Giroan
