Bilbao Basketek Frantziako JDA Dijonen aurka jokatuko du finalaurrekoetan, eta itzulikoa Miribillan egingo da

Surne Bilbao Basketek Frantziako JDA Bourgogne Dijon taldearen kontra jokatuko du FIBA Europa Kopako finalaurrekoetan, asteazken honetan Tofas Bursa Turkian mendean hartuta hurrengo faserako sailkatu baitzen. Itzulikoa etxean izango dute, Miribillan.

JDA Dijonek MHP RIESEN Ludwigsburg garaitu zuen asteazkenean, eta hala lortu du finalaurrekoetarako txartela eskuratzea, 72-83. Joanekoan ere Frantziakoak izan ziren nagusi, 88-75.

Finalaurrekoetako lehen hitzordua martxoaren 26an izango da, Palais des Sport Jean-Michel Geoffroy kantxan, Dijonen; itzulikoa, berriz, apirilaren 2rako aurreikusi dute, Bilbao Arenan.