Baskoniak ezustean harrapatu nahi du berriro gaur Real Madril
Kirolbet Baskoniak eta Real Madrilek elkarren aurka jokatuko dute gaur, Euroligako 23. jardunaldian, 21:00etatik aurrera.
Horrenbestez, Arabako taldea Wizink Centerrera itzuliko da 10 egunen buruan. Duela bi aste, Endesa Ligako jardunaldiari zegokion partidan, azken minutuetan erabaki zen lehia, eta Dusko Ivanovicen taldearen alde amaitu zen (94-95).
Dena dela, gasteiztarrek hiru neurketa galdu dituzte jarraian Euroliga eta Endesa Liga kontuan hartuta, eta erregulartasunik ezin aurkituta jarraitzen dute denboraldi honetan.
Gainera, Semaj Christon estatubatuarra eta Zoran Dragic esloveniarra heldu berriak taldeko dinamikan sartu behar dira lehenbailehen, hemendik eta denboraldia amaitu bitartean jokalari garrantzitsuak izatea espero baita.
Ivanovicen taldea hamalaugarren postuan dago kokatuta Euroligan, 8 garaipenekin, hau da, play-offak jokatzeko eskubidea ematen duen zortzigarren sailkatuak (Armani Milan) baino bi gutxiago dituzte.
Zuriek, berriz, Makabiri irabazi zioten aurreko jardunaldian Israelen, eta laugarren postuan daude kokatuta, arabarren garaipen kopuru bikoitzarekin.
Joaneko partidari dagokionez, Real Madrilek aise irabazi zuen Gasteizen (55-77), eta jokalari guztiak prest ditu CSKA eta Bartzelonarekin izaten ari den norgehiagokari eusteko. Hirurek dute 16-6ko balantzea, eta Efes (19-3) ahalguztidunari jarraitu nahian dabiltzan hirukotea osatzen dute.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.