Henryk masailezurra hautsita dauka, eta ebakuntza egin beharko diote

Pierrià Henry Kirolbet Baskoniako jokalari estatubatuarrak ezin izango du jokatu MoraBanc Andorraren aurka igande honetan, ACB ligan; izan ere, masailezurra hautsi zuen Khimkiren kontrako Euroligako neurketan.

Baskoniak zabaldu duen oharraren arabera, gasteiztarren joko-antolatzaile nagusiak "hainbat hezur-haustura ditu aurpegian", ebakuntzaren bidez konpondu behar direnak.

Behin ebakuntza eginda, klubeko medikuek zehaztuko dute zein den jokalariak beharko duen susperraldi epea.

Lesio honek beste ezbehar dakarkio Baskoniari joko-antolatzailearen postuan, dagoeneko min hartuta baitaude Jayson Granger eta Luca Vildoza toki berean.