Baskoniak porrota jaso du Andorraren aurka
Kirolbet Baskoniak porrota jaso du MoraBanc Andorraren aurka (73-77) Buesa Arenan jokatu duen Endesa Ligako 19. jardunaldiko partidan. Ondorioz, garaipenen bolada etenda ikusi du talde gasteiztarrak.
Lehiatua eta oso parekatua izan da lehen laurdena. Baskoniak lortu du lehen saskiratzea, baina, ondoren bi taldeetako batek ere ez du lortu abantaila handiak hartzea. Andorrak hiru puntuko errenta hartu du (9-12) zazpigarren minutuan, baina etxeko taldeak ez dio utzi alde egiten, eta lehen hamar minutuak berdinduta amaitu dira (17-17).
Hasiera bikaina eman dio bigarren laurdenari Kirolbet Baskoniak, zazpi puntuko errenta lortuta (24-17), baina MoraBanc Andorrak azkar murriztu du desabantaila (28-25). Atsedenaldira iristeko bi minutu t’erdi falta zirenean, berdinduta egon da partida (33-33), eta azken txanpa horretan lau puntuko abantaila erdietsi du talde bisitariak (33-37).
Aldageletatik bueltan, 6-0eko partziala eskuratu du Baskoniak (39-37). Hirugarren laurdeneko lehen minutuetan Arabako taldea izan da nagusi, baina Andorra gailendu da ondoren, eta aurrea hartu du (48-50). Lau puntuko errenta izan du MoraBanc Andorrak laurdeneko azken segundoetan, baina talde gasteiztarra puntu bakarrera gerturatu da, hiruko bat sartuta (51-52).
Dena erabakitzeke heldu da partida azken hamar minutuetara. MoraBanc Andorrak hobeto ekin dio azken txanpari eta abantaila hartu du. Baskonia atzetik ibili da laugarren laurden osoan. Andorrak hamar puntuko abantaila lortu du (57-67) neurketa amaitzeko hiru minutu falta zirenean. Azken minutura iristean, zazpi puntura murriztu du desabantaila Baskoniak (64-71), nahiz eta ez den aurkaria urduri jartzeko gai izan; MoraBanc Andorrak ondo baliatu ditu azken jabetzak eta garaipena lortu du (73-77).
Fitxa teknikoa:
73 - Kirolbet Baskonia (17+16+18+22): Sergi Garcia (5), Janning (7), Shields (18), Shengelia (13) eta Eric (6) -hasierako taldea-, Diop (2), Fall (6), Stauskas (4) eta Polonara (12).
77 - MoraBanc Andorra (17+20+15+25): Hannah (8), Massenat (9), Walker (4), Sy (15) eta Musli (12) -hasierako taldea-, 'Tyson' Perez (2), Krampelij (1), Senglin (7), Jelínek (7) Todorovic (12) eta Daniel Clark (-).
Epaileak: Emilio Perez Pizarro, Alberto Sanchez Sixto eta David Sanchez Benito. Kanporaturik gabe. Teknika adierazi diote Hannah (22. min) Andorrako jokalariari.
Zure interesekoa izan daiteke
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.