Baskoniak porrota jaso du Unicajaren aurka
Kirolbet Baskoniak 82-72ko emaitzarekin galdu du Unicajaren aurka Malagan jokatu duen Endesa Ligako 20. jardunaldiko partida. Arabako taldea ez da gai izan azken porroten bolada txarrari amaiera emateko.
Lehen laurden ona jokatu du Baskoniak, nahiz eta Unicaja indartsu hasi den, eta azkar zortzi puntuko errenta hartu duen (10-2). Ondoren, 0-15eko partzialarekin aurrea hartu du Arabako taldeak (10-17), eta sei puntuko abantailarekin heldu da lehen hamar minutuen amaierara (14-20).
Bigarren laurdena parekatua izan da, eta bi taldeei kosta egin zaie zuloa irekitzea. Laurdenaren azken txanpan hasi da Unicaja nagusi izaten, eta Malagako taldeak hortxe lortu du neurketa bere alde jartzea. Zazpi puntuko errenta lortu du Unicajak (38-31) atsedenaldira iristeko minutu bakarra falta zenean, baina hiru puntura murriztu du desabantaila Baskoniak (40-37).
Atsedenaldiaren ostean ere, bi taldeek lehia estua izan dute, eta bietako bat ere ez da aurkaria baino gehiago izan. Etxeko taldea emaitza alde duela ibili da laurden osoan zehar, baina partida haustea lortu gabe. Hirugarren laurdenaren amaieran, Baskoniak Unicajak baino kaskarrago jokatu du, eta etxeko taldeak bost puntuko abantaila hartu du (62-57).
Aurretik jokatutako hiru laurdenak parekatuak izan diren arren, azkenengoan parekotasun gutxi egon da. Unicaja nagusi izan da, eta laugarren laurdeneko lehen lau minutuetan, 12 puntuko abantaila eskuratu du. Baskonia ezinean ibili da, ez da aurkaria estutasunetan jartzeko gai izan, eta garaipena Malagako taldeak lortu du (82-72).
Fitxa teknikoa:
82 - Unicaja (14+26+22+20): Adams (5), Fernández (21), Toupane (9), Thompson (2), Gerun (8)- hasierako taldea l- Brizuela (-), Diaz (5), Guerrero (15), Waczynksi (15), Tamba (-) eta Suarez (2).
72 - Kirolbet Baskonia (20+17+20+15): Christon (15), Shields (8), Janning (8), Shengelia (15), Diop (-)- hasierako taldea - Garcia (-), Fall (1), Stauskas (11), Dragic (2), Polonara (2) eta Eric (10).
Epaileak: Calatrava, Aliaga eta Zamorano.
Zure interesekoa izan daiteke
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.