Ibilbidea zuzentzen ari dela berretsi du Baskoniak Khimkiren aurka (83-79)
Denboraldi honetan orain arte izandako ibilbide gorabeheratsua zuzentzen dagoela erakutsi du Kirolbet Baskoniak ostegun honetan Khimkiren aurka, Euroligako hogeita batgarren jardunaldian (83-79).
Norgehiagoka gogorra irabazi dio talde errusiarrari Buesa Arenan, minutu garrantzitsuetan burua hotz mantenduta. Gainera, garaipenaz gain, Dusko Ivanovicen mutilek bi taldeen arteko averagea eskuratu dute, Moskun jokatutako lehian hiru puntugatik galdu baitzuten (79-76).
Oso partida irekia izan da, azken minutuetan erabaki dena, batak zein besteak ez baitute alde handirik lortu markagailuan, gasteiztarren defentsa-lanak partida haustea eragotzi duelako.
Etxekoen aldetik, beste askotan gertatu ez bezala Tornike Shengelia ohi duena baino neurketa apalagoa jokatu zuen (8 puntu eta 11ko balorazioa), eta beste batzuek hartu zuten taldea gidatzeko ardura. Hori izan zen, hain zuzen ere, Shavon Shieldsen kasua. Estatubatuarrak 22 puntu, 6 errebote eta 29ko balorazioa pilatu zituen, eta hari laguntza bikaina eskaini zion Youssoupha Fall pibot erraldoiak (15 puntu, 8 errebote eta 21eko balorazioa).
Horrez gain, azpimarratzekoa da ere Achille Polonara italiarraren ekarpena, batez ere erreboteen alorrean. 11 baloi harrapatu zituen denetara eta 9 puntu sartu, eta horrek guztiak 19 puntuko balorazioa ekarri zion.
Errusiarrei dagokienez, Jonas Jerebko (16 puntu eta 17ko balorazioa) eta Janis Timma (10 puntu) besterik ez dira nabarmendu, azken hori, gainera, bigarren zatian bakarrik. Taldeko izarra den Alexey Shveden lidergoaren falta sumatu dute, 18 puntu sartu dituen arren. Alabaina, zenbaki traketsak izan ditu hiru puntuko jaurtiketetan, 15 ahalegin egin baititu hiru saskiratze soilik lortzeko.
Fitxa teknikoa:
83 - Kirolbet Baskonia (27+20+14+22): Henry (10), Janning (2), Shields (22), Shengelia (8) eta Eric (6) –hasierako bostekoa–, Gonzalez (-), Diop (4), Sergi Garcia (-), Fall (15), Stauskas (7) eta Polonara (9).
79 - Khimki Moscú (25+19+19+16): Shved (18), Zaytsev (3), Timma (10), Jerebko (16) eta Devin Booker (6) –hasierako bostekoa–, Karasev (10), Gill (2), Evans (8), Jovic (6) eta Bertans (-).
Epaileak: Borys Ryzhyk (Ukraina), Elias Koromilas (Grezia) eta Joseph Bissang (Frantzia). Timma (35. min) eta Jerebko (40. min) kanporatu dituzte faltengatik.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.