Leinster eta Racing 92 taldeak Europako koroaren bila lehiatuko dira San Mamesen
San Mamesek Errugbiko Champions Cup kluben arteko Europako txapelketa garrantzitsuenaren final handia hartuko du larunbatean, 17:45ean. Leinster talde irlandarra eta Racing 92 frantziarra nor baino nor gehiago arituko dira bertan, Europako koroa janzteko helburuarekin.
San Mameseko 53.000 eserlekuak beteko omen dira, eta final historikoa da, Europako txapelduna Sei Nazioetako zirkuitutik kanpo dagoen estadio batean jokatuko baita lehen aldiz. Norgehiagokan gaur egungo errugbian dauden izar nagusienetariko batzuk bilduko dira.
Izar handi horietako bi Leinster taldeko Johnny Sexton irlandarra eta Racing 92ko Dan Carter zeelandaberritar beteranoa dira. Azken hori historiako jokalaririk onenetakoa da bere posizioan.
Bi taldeak indarrak parekaturik iritsi dira finalera, eta partida orekatua izatea espero da. Hala ere, aurreikuspenek Dublingo taldearen alde egiten dute, joera oso nabarmena ez bada ere.
Leinsterrek ez du partidarik galdu txapelketako lehen fasean, eta aise gailendu da Saracens (30-19), azken bi edizioetako txapelduna, eta Scarlets (38-16) taldeen aurka jokatutako kanporaketetan.
Bilbon irabaziz gero, irlandarrek lau txapelketa izango lituzkete, 2009an, 2011n eta 2012an ere irabazi zuten. Palmareseko lehen tokian dagoen taldea, Tolouse, berdinduko lukete.
Challenge Cup (finala): Leinster - Racing 92
Epailea: Wayne Barnes (Ingalaterra)
Ordua: 17:45
Estadioa: San Mames
Zure interesekoa izan daiteke
Maialen Chourraut, hirugarrena K1eko sailkapen nagusian
Euskal palistak denboraldi bikaina egin du K1eko Munduko Kopan. 227 puntu lortu ditu eta hirugarren postuan kokatu da sailkapen nagusian.
Ardi Moztaileen Nazioarteko Txapelketa, irailaren 19an, Elizondon
Datorren irailaren 19an, Ardi Moztaileen Nazioarteko Txapelketa antolatu dute Elizondon, eta gaur goizean egin dute aurkezpena. Euskal Herriko moztaileak ez ezik, beste hainbat herrialdeetatik ere etorriko dira lehian parte hartzera.
Novak Djokovic Estatu Batuetako Irekitik kanpo geratu da, lehen errondan galdu du eta
Novak Djokovic tenis-jokalari serbiarra Estatu Batuetako Irekitik kanpo geratu da, lehen errondako partida galdu baitu, Mariano Navoneren aurka. Akituta amaitu du neurketa.
Jon Rahmen Legion XIII taldeak irabazi du LIV txapelketa
Barrikako golf-jokalaria buru duen taldeak garaipena lortu du, Indianapolisen jokatutako txapelketa irabazita. Banakako lehian, Rahm bigarren izan da.
Sinnerrek ez du AEBetako Irekian parte hartuko, eskuineko belaunean daukan lesioarengatik
Italiarrak, munduko lehen sailkatuak, ez du partida ofizialik jokatuko bigarren urtez jarraian Wimbledon konkistatu zuenetik.
Carlos Alcarazek bere tronua defendatuko du Estatu Batuetako Irekian
Murtziako tenislaria kantxetara itzuliko da New Yorken, eskuin eskumuturrean izan duen lesioa gainditu ostean.
Pou Anaiek eta Micher Quitok “Bonus Track” ireki dute Cordillera Blancan
Uda honetan, Eneko eta Iker Pouk, Peruko Micher Quito kidearekin batera, "Bonus Track" (WI7/M6/6c/1.060 m) ireki dute Ranrapalcan (6.162 m), Peruko Cordillera Blancan. Mendikate honetan inauguratu dituzten 22 ibilbideetatik gogorrena eta konprometituena. Hiru egunetan eta estilo alpinoan egin dute hori, Andeetako mendi handietako bati autonomia osoz aurre eginez.
LIV Golfek bertan behera utzi du bere azken txapelketa eta asteburu honetara aurreratu du taldekako finala
Michiganen abuztuaren 27tik 30era aurreikusitako taldekako finala asteburu honetara aurreratzea eta Indianapolisen jokatzea erabaki dute, LIVaren etorkizunari buruzko zalantzen erdian.
Rahm hamabosgarren postura jaitsi da munduko golf sailkapenean
Barrikako golf-jokalaria hamahirugarren postutik hamabosgarren postura jaitsi da. Bizkaitarrak datorren asteburuan Indianapolisen jokatuko du LIV zirkuituko azken txapelketa. Hala ere, dagoeneko txapeldun da.
Solaunek zilarra lortu du gimnastika erritmikoko Munduko Txapelketan
Larunbatean urrea eta 2028an Los Angelesko Olinpiar Jokoetarako txartela irabazi ondoren, gasteiztarrak distira egin du berriro Alemanian.