Carlota Cigandak bosgarren postuan hasi du Asiako bira Shanghain
Golf jokalari nafarrak parraren azpitik 6 kolpe bilduta bukatu du bere parte-hartzea, Ruoning Yin irabazlearengandik 5 kolpera.
Carlota Ciganda golf jokalari nafarra. Artxiboko argazkia.
Carlota Cigandak bosgarren postua lortu du LPGA zirkuituko Asiako birako lehen proban, Shanghaiko Buick txapelketan, Sheshan Golf Clubean. Golf jokalari nafarrak 70 kolpeko txartela aurkeztu du azken jardunaldian (-2), eta guztira 282 kolpe batu ditu (-6), irabazlearengandik 5 kolpera.
Ruoning Yin txinatarrak irabazi du txapelketa, azken jardunaldian 68 kolpeko txartela aurkeztu eta guztira 277 kolpe (-11) batuta. Horrela, Hye-Jin Choi hegokorearra kolpe bateko aldearekin gainditu du, Shanghaiko txapelketa bigarrenez irabazteko, 2024an ere gailendu baitzen bertan.
Cigandak 2 birdie (kolpe bat parretik behera) egin ditu, 14. eta 18. zuloetan, eta parrari eutsi dio gainerako zuloetan.
Bestalde, Gaby López mexikarrak hamargarren postuan bukatu du, eta Julia López espainiarrak, berriz, 73. postuan.
Zure interesekoa izan daiteke
Felix Iñurrategiren omenezko murala egin dute Aretxabaletan
1 Formula Afrikara itzuliko da: Sari Nagusi bat egingo da Ruandan, 2030etik aurrera
Egoitz Bijueska skaterrak bigarrenez irabazi du Munduko Txapelketa
Ariane Toro judoka, Munduko Txapelketatik bueltan: “Lortutako zilarra ametsa da"
Jon Rahmek ez du LIV Golf zirkuituan jarraituko
Jannik Sinnerrek ez du partidarik jokatuko 2027ra arte, belaunean duen lesioagatik
Rahmek ez du Espainiako Golf Irekia jokatuko
Ariane Toro nafarra, zilarra Bakuko Munduko Judo Txapelketan
