Realak ez du golerako bidea aurkitu Son Moixen, eta Mallorcaren aurka galdu du (1-0)
Realak 1-0 galdu du Mallorcaren aurka, Son Moixen, asteartean, 2024-25 denboraldiko EA Sports Ligako zazpigarren jardunaldian, aurreratutako partidan. Abdon Pratsek 36. minutuan sartu du Jagoba Arrasateren taldeari garaipena eman dion gola, penaltiz. Reala azken minutura arte ibili da berdinketaren bila, baina ez du argitasun handiegirik izan norgehiagokan zehar.
Mallorca-Reala (1-0): partidaren laburpena
Aritz Elustondo, atzealdeko eskuineko hegalean bera, Aihen eta Mikel Oyarzabal, besteak beste, sartu dira Realaren hasierako hamaikakoan; talde txuri-urdina, baina, ez da eroso sartu partidara. Barrenek, ezkerretatik, abagune ona izan du zazpigarren minutuan eta, gerora, lehen zatiaren erdian, hegaleko donostiarra ondo sartu da areara, baina jaurtiketa desbideratuta joan zaio.
Ordu erdia beteta, Mallorcaren eraso batean, Samu Costak jaso du baloia, eskuinaldean, eta jaurti du. Baloiak Barrenetxearen eskuan jo du, area barruan, eta VAR aretoan jokaldia aztertu dute. Cordero Vega partidako epaileak, irudiak ikusita, penaltia zela adierazi du, eta Andon Pratsek 1-0ekoa sartu du. 36. minutuan izan da gola eta, atsedenaldira bitartean, ez da beste jokaldi arriskutsurik izan, ez Alex Remiroren atetik gertu, ezta etxekoen arean ere.
Take Kubo, atsedenaldiaren ostean, Sergio Gomezen ordez zelairatu da, eta Realaren asmoa izan da ahalik eta lasterren aurrerapausoa ematea, eta presioa handitzen saiatzea. Imanolen gizonek zelai erdia eskuratu dute, baina Mallorca sendo zebilen atzealdean eta, hori gutxi balitz bezala, Jagoba Arrasateren taldeak, jokaldi batzuetan, arriskua sortzea lortu du. Sucicek ondo jaurti du, ezkerrez, pixka bat desbideratuta, eta Zubimendik emandako pase ederra baliatu du; Realak jokaldi polita egin du 62.ean, baina ezin izan du golik egin.
Partidako azken minutuetan, Gipuzkoako taldeak etengabe jo du berdinketaren bila, eta bi abagune oso on izan ditu tantoa eskuratzeko. Oskarsson, pase sakona jasota, eta Sucic, beste ezkerkada polit batean, 1-1ekoa sartzear izan dira, baina ezin izan dute gola gauzatu. Horrenbestez, norgehiagoka 1-0 amaitu da.
Fitxa teknikoa
1 - Mallorca: Leo Roman; Antonio Sanchez, Raillo, Copete, Mojica; Robert Navarro (Dani Rodriguez, 69. min), Samu Costa (Morlanes, 88. min), Mascarell, Darder (Valery, 88. min); Abdon (Muriqi, 63. min), Larin (Asano, 63. min).
0 - Reala: Remiro; Elustondo (Odriozola, 60. min), Zubeldia, Aguerd, Aihen; Sergio Gomez (Kubo, 46. min), Zubimendi, Turrientes (Marin, 60. min), Susic; Oyarzabal (Oskarsson, 60. min), Barrenetxea (Becker, 78. min).
Gola: 1-0, 35. min: Abdon Prats, penaltiz.
Epailea: Adrian Cordero Vega (Kantabria). Mallorcako Abdon Prats eta Realeko Turrientes zigortu ditu, txartel horia aterata.
Gertakizunak: 17.132 zale, Son Moixen.
Zure interesekoa izan daiteke
Realak Aston Villari irabazi dio Ingalaterran, eta denboraldiaurrean galdu gabe jarraitzen du (2-4)
Talde txuri-urdinaren golak Carlos Soler, Orri Oskarsson, Gorka Carrera eta Iñaki Ruperezek sartu dituzte. George Hemmings eta Brian Madjo izan dira ingelesen golegileak. Norgehiagoka Walsalleko (Ingalaterra) Pallet-Track Bescot zelaian jokatu da, 9.000 zale ingururen aurren. Bi taldeak atsedenaldira banakoarekin joan dira, eta gainerako golak bigarren zatian heldu dira.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).
Reala denboraldi berria hasi da prestatzen Zubietan
Reala denboraldi berria hasi da prestatzen Zubietan. Azken egunetan osasun azterketak egin ondoren, Arturo Ruizek 26 jokalari izan ditu bere esanetara gaurko lehen entrenamenduan. Taldeak 6 fitxaketa iragarri ditu. Aurten Europan jokatzeko erronka izango dute aurrean.