Realak inoizko aurrekonturik altuena onartu du: 161 milioi euro
Realak 2023ko Akziodunen Batzar Nagusia egin du ostegun honetan Donostiako Kursaaleko Kongresu Jauregian, eta bertan inoizko aurrekonturik altuena onartu du: 161 milioi euro.
"Realak kontu sendoak dituela uste dugu. Iazkoa ez zen erraza izan, kudeaketa zaila izan baitzen, baina klubarentzat oraina eta etorkizuna oparoa izatea ahalbidetu digu", nabarmendu du Jokin Aperribay klubeko presidenteak ekitaldiaren hasieran. Jarraian, klubak azken urtean aurkeztu duen 5,7 milioi euroko saldo positiboa baloratu du.
Realak 29,8 milioi euro ordaindu behar ditu guztira, finantza-erakundeekin egindako maileguetan (6,1) eta jokalariak erosteagatiko zorretan (23,7) banatuta, eta hori beste klub batzuei jokalariak saltzeagatik kobratu beharreko kopuruekin (35,1 milioi euro) arintzen da.
Funts propioen konparazio bat erakutsi du 2009ko ekainaren 30ean, kluba hartzekodunen konkurtso batean murgilduta eta desagertzeko zorian zegoenean. Funts horiek 40,3 milioi eurotan negatiboak ziren. Aldiz, 2023ko ekainaren 30ean, funts propio horiek 62,3 milioikoak dira.
Bestalde, Realeko presidenteak adierazi du Reale Arenako edukiera 1.700 eserlekutan handitzeko aukera aurreikusten dela.
Erakundeak baimena eskatuko dio Udalari handitze horri aurre egin ahal izateko. Gainera, "oso egoera txarrean dagoen" prentsa gunea birmoldatzea aurreikusten da, adierazi du Aperribayk.
Zure interesekoa izan daiteke
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).
Reala denboraldi berria hasi da prestatzen Zubietan
Reala denboraldi berria hasi da prestatzen Zubietan. Azken egunetan osasun azterketak egin ondoren, Arturo Ruizek 26 jokalari izan ditu bere esanetara gaurko lehen entrenamenduan. Taldeak 6 fitxaketa iragarri ditu. Aurten Europan jokatzeko erronka izango dute aurrean.
Pablo Marinek gihar lesioa du
Jokalari errioxarrak eskuineko iskiotibialetan du lesioa. Hala, denboraldiaurrean lesioren bat duen lehenengo futbolaria da, talde txuri-urdinean.