PSV, Leipzig, Copenhague, Lazio, PSG, Oporto eta Napoli izan daitezke Realaren aurkariak
Datorren astelehenean jakingo dugu nor izango den Realaren aurkaria Txapeldunen Ligako final zortzirenetan. Aukeren arten, PSV, RB Leipzig, Copenhague, Lazio, PSG, Oporto eta Napoli daude. Imanol Alguacilen taldeak lehen tokian amaitu du multzoen fasea, joan den asteartean Inter Milanen kontra berdindu ostean. Horrenbestez, erronda honetan Bayern Munich, Manchester City, Arsenal eta Borussia Dortmund saihestuko ditu.
Multzoko bakoitzeko lehen sailkatuak serieko taldeburuak izango dira, eta itzuliko partida etxean jokatuko dute. Beste multzo bateko bigarren sailkatu baten aurka jokatuko dute. Zozketan ezingo dira federazio bereko bi talde parekatu, ezta multzo bereko bi ere. Joaneko norgehiagokak otsailaren 13an eta 14an eta 20an eta 21ean jokatuko dituzte; itzulerakoak, berriz, martxoaren 5ean eta 6an eta 12an eta 13an.
Zozketako ontziak honela banatuko dituzte. Lehenengoan, Reala, Bayern Munich, Arsenal, Borussia Dortmund, Real Madril, Atletico, Bartzelona daude; bigarrenean, ordea, Copenhague, PSV, PSG, Napoli, Lazio eta Oporto.
Zure interesekoa izan daiteke
Realak Bartzelona estutu du, baina galdu egin du Alexia Putellasen agurrean (2-1)
Pinak talde kataluniarra aurreratu du lehen zatiko 14. minutuan, Emmak banakoa egin du 32.ean, baina Aitanak 2-1eko gola sartu du atsedenaldia baino lehen. Alexia Putellas Bartzelonako izarraren azken partida izan da Johan Cruyff futbol-zelaian.
Caleta-Carrek eta Wesleyk ez dute Realean jarraituko
Kroaziako atzelaria Olympique Lyonera (Frantzia) itzuliko da, eta aurrelari brasildarra Saudi Arabiako Al-Nassr taldera. Caleta-Car hasierako hamaikakoetan izan da denboraldiaren zati handi batean; Wesleyk, aldiz, minutu gutxi batzuk besterik ez ditu jokatu.
Sanse galtzaile atera da Albacetetik (3-1)
Donostiarrek baloiaren jabetza izan dute, baina ez dira fin ibili erasoan.
Matarazzo: “Aldaketak egon daitezke"
Realeko entrenatzaileak Espanyolen aurka jokatuko duten partidaz hitz egin du, EA Sports Ligako 38. eta azken jardunaldian.
Donostia Ospitalera eraman dute Jon Balda, Zaragozan egin zioten bareko ebakuntzaren ondoren
Realaren bigarren taldeak aurreko asteko astelehenean Huescan jokatu zuen partidan, zelaia utzi zuen Sanseko atzelariak, eta hurrengo egunean barean ebakuntza egin zioten, Zaragozan.
Valentziak Realaren agurra zapuztu du, hamarrekin partida luzapenean iraulita (3-4)
Reala 3-2 irabazten joan da 89. minutuan, eta Valentzia jokalari bat gutxiagoarekin ari zen, baina, hala ere, norgehiagoka irauli du lau minututan bi gol sartuta. Pellegrinno Matarazzoren taldea irudi kaxkarra ematen ari da denboraldi bukaeran, eta Aritz Elustondoren agurra Anoetan ez da espero bezalakoa izan.
Sansek mailari eustea ziurtatu du Mirandesen aurka azken unean berdinduta (2-2)
Dani Diazek 93. minutuan sartutako golak puntu erabakigarria eman dio talde txuri-urdinari Anoetan, Bigarren Mailan jarraitzea matematikoki ziurtatzeko.
Matarazzo, Elustondoren agurrari buruz: “Oso egun berezia izango da, berezia den jokalari batentzat"
Entrenatzaileak aurreratu duenez, litekeena da Elustondok igande honetan, Valentziaren aurka, minutu batzuk jokatzea. Jokalariaren azken partida izango da Anoetan.
Barrenetxeak lesioa du ezkerreko aduktore luzean
Jokalari txuri-urdinak min hartu zuen ostegunean Gironaren aurka jokatutako partidan.
Nerea Eizagirrek kontratua berritu du Realarekin 2028ra arte
Erdilari tolosarak 2028ra arte luzatu du Realarekin zuen lotura, beste urte batez luzatzeko aukerarekin.