Realak mendean hartu du Sevilla (2-1), eta Europako postuetan jarraitzen du
Realak 2-1 menderatu du Sevilla igande honetan Reale Arenan jokatu den EA Sports Ligako 14. jardunaldiko partidan. 15 eguneko atsedenaren ostean, talde txuri-urdinak indarrak berreskuratu ditu, eta joko ona erakutsiz, Europako postuetan jarraitzen du, gaur lortutako hiru puntuei esker.
Imanolen taldea aurkaria baino gehiago izan da lehen zatian, bi goleko aldea lortuta (Sevillak bere atean sartutako bat eta Sadiqek egindako gol ikusgarri bat), baina bigarren zatian sufritu egin du Sevillaren erreakzioaren ostean, En-Nesyrik gola sartu ostean. Talde bisitariak, gainera, bi jokalari gutxiagorekin bukatu du, Sergio Ramos eta Jesus Navas kanporatu baititu epaileak.
Partida hasi eta berehala, 3. minutuan, Dmitrovicek norgehiagokako lehen gola sartu du, bere atean. Barrenetxeak ezustekoa eman du falta batean, eta zuzenean jaurti du aurkariaren atera. Dmitrovicek geldiketa egin du, baina baloia erori denean, oinean eman dio, eta atezainak bere atean sartu du.
Imanolen mutilen nagusitasuna nabarmena izan da zelaian, eta, 21. minutuan, talde txuri-urdinak bigarren gola egin du. Sadiqek baloia jaso du zelai erdian, ezkerrerantz jo ostean zuloa bilatu du eskuinerantz eginda, eta jaurtiketa bikaina eginez bidali du baloia sareetara.
Bigarren golak jota eta partidatik kanpo utzi ditu Sevilla taldeko jokalariak. Azkenean, etxeko taldea bi goleko abantailarekin joan da atsedenaldira.
Bigarren zatian iritsi da Sevillaren lehen gola, 60. minutuan, eta partidan sartu du taldea. Nesyrik buruz egindako erremate batek Le Normand jo du, Remiroren pausoa aldatu du, eta baloia etxekoen atean sartu da.
86. minutuan, Sergio Ramosek txartel gorria ikusi du, Brais Mendezi egindako sarrera baten ondorioz. Bi minutu geroago, Navasi txartel gorria atera dio epaileak, protesta egiteagatik. Horrela, talde bisitaria bi jokalari gutxiagorekin geratu da jokaldi berean, eta ezer gutxi egiteko aukera izan du.
Emaitza honekin, Realak bere helburua lortu du; izan ere, Europako postuetan jarraitzen du.
Fitxa teknikoa:
2 - Reala: Remiro; Traore (Aritz, 84. min), Zubeldia, Le Normand, Aihen; Zubimendi, Merino (Turrientes, 75. min), Brais; Kubo (Cho, 84. min), Sadiq (Oyarzabal, 75. min) eta Barrenetxea (Zakharyan, 67. min).
1 - Sevilla: Dmitrovic; Navas, Ramos, Badé (Nianzou, 73. min), Pedrosa; Fernando (Mir, 90. min), Soumaré (Torres, 46. min), Rakitic; Ocampos (Gattoni, 90. min), En-Nesyri eta Lukebakio (Januzaj, 73. min).
Golak: 1-0, 4. min: Dmitrovic (bere atean). 2-0, 22. min: Sadiq. 2-1, 60. min: En-Nesyri.
Epailea: Miguel Angel Ortiz Arias (Madrilgo Batzordekoa). Txartel horia atera die Merino (33. min) eta Traore (78. min) Realeko jokalariei eta Ramos (82. min) Sevillako jokalariari, eta txartel gorria atera die Ramosi (86. min) eta Navasi (89. min).
Zure interesekoa izan daiteke
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Igor Zubeldia: “Talde honek bukaerara arte ez duela etsitzen erakutsi da”
Igor Zubeldia Realeko jokalariak taldeak Elxen lortutako garaipena baloratu du partida amaieran. Amaierara arte erakutsitako jarrera azpimarratu du atzelari txuri-urdinak.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.
Golik gabeko berdinketa Realaren eta Celtaren artean (0-0)
Markagailua ez da mugitu ate aurrean bietako batek ere ez baitu asmatu. Realak eraman du jokoaren pisua lehen zatian, baina Celtak lehia orekatu du atsedenaldiaren ostean.
Ainhoa Moraza: “Gure maila non dagoen jakiteko balio behar digute horrelako partidek”
Reala Txapeldunen Ligatik at geratu da Chelsearen aurka 0-1 galdu ostean. Ainhoa Morazarek azaldu du “taldeak partida oso landua” egin duela, markagailua guztiz kontra eduki arren. Hala ere, “bide onetik” doazela adierazi du donostiarrak.