Euskal Futbol Selekzioak Donibane Lohizunen entrenatuko du, Venezuelaren aurkako partida prestatzeko
Saioa ateak irekita egingo dute ostiral honetan, 11:30ean, Chantaco-Stade Rene Lacoste Plaine des Sports zelaian.
Euskal Selekzioaren artxiboko irudia.
Euskal Futbol Selekzioak Donibane-Lohizunen entrenatuko du ostiralean, Venezuelaren aurka larunbatean San Mamesen jokatuko duen neurketa prestatzeko. Lan-saioa ateak irekita egingo dute.
Euskadiko Futbol Federazioak (FVF) iragarri duenez, Jagoba Arrasatek zuzentzen duen taldeak 11:30etik aurrera entrenatuko du, Chantaco-Stade Rene Lacosteko Plaine des Sports zelaian.
Arrasatek 22 jokalari deitu ditu partidarako: horietatik bost, Athleticekoak (Hugo Rincon, Dani Vivian, Johaneko Louis-Jean, Mikel Jauregizar eta Oihan Sancet), Realeko lau (Jon Pacheco, Igor Zubeldia, Aihen Muñoz eta Beñat Turrientes), eta Osasunako beste lau (Aitor Fernandez, Iñigo Arguibide, Asier Osambela eta Kike Barja).
Horiez gain, Pablo Ibañez eta Ander Guevara (Alaves), Iñigo Vicente eta Asier Villalibre (Racing), Kepa Arrizabalaga (Arsenal), Einar Galilea (Malaga), Jon Guridi (Sevilla), Unai Gomez (Udinese) eta Gaizka Larrazabal (Bolton Wanderers) ere han izango dira.
Zure interesekoa izan daiteke
Sanse jaitsiera postuetatik atera da, Sabadellen lortutako puntuarekin (0-0)
Iker Goñi, ofizialtasunari buruz: “Gero eta zailagoa da UEFAren eta FIFAren estatutuetan zirrikituak topatzea"
Gorka Alvarez, Fenerbahçeri buruz: “Horrelako futbol-zelai batean jokatzea oso motibagarria da"
Iker Monrealek Athleticekin berritu du, 2029ra arte
Amaia Gorostiza: “Etapa bat itxi eta beste bat zabaltzeko unea iritsi da”
Amaia Gorostizak ez du Eibarren presidentea izaten jarraituko
Aihen Muñoz: “Gure lana oso ondo egin dugu"
Realak hiru puntuak eskuratu ditu Rayoren aurka (1-0)
