Jay Vinek irabazi du Burgosko Itzuliaren erlojupekoa, eta Sepp Kussek bost segundogatik jarraitzen du lider
UAE Emirates taldeko Jay Vine txirrindulari australiarrak irabazi du 2024ko Burgosko Itzuliaren laugarren etapa, 18,5 kilometroko erlojupekoa bera, ostegunean; halaber, Visma-Lease a Bike taldeko Sepp Kuss ziklista estatubatuarrak sailkapen nagusiko lehenengo tokian jarraitzen du, lasterketako bosgarren eta azken etapa gelditzen dela. Ostiralean jokatuko dute etapa hori.
Kussek, sailkapen nagusian, bost segundoko aldea du DSM taldeko Max Poolerekiko; britainiarra zortzigarren izan da erlojupekoan. Etapan, Vinek zortzi segundoko aldea atera dio Vismako Edoardo Affiniri. Nabarmentzeko modukoa da, horrez gain, zein ondo aritu den Kern Pharmako Urko Berrade; iruindarra hamabigarren sailkatu da, eta, sailkapen nagusian, laugarren dabil, 41 segundora.
Bikaina izan da ikustea nola irabazi duen Vinek. Australiarrak, apirilean, Euskal Herriko Itzuliaren laugarren etapan, Olaetako eroriko larria izan zuen; Burgosko Itzulian berragertu da, eta garaipen ederra lortu du. Sailkapen nagusiari dagokionez, ematen zuen Poole jarriko zela lider, kontuan izanik etapako lehen zatian oso ondo ibili dela; azkenean, baina, Kussek maillot moreari eutsi dio, eta Poole bost segundora da. Kuss hamabosgarren postuan sartu da, erlojupekoan.
2024ko Burgosko Itzulia ostiralean amaituko da. Bosgarren etapak 156 kilometro ditu, Friasetik irtengo da, eta Trebiñun amaitu.
Etapako sailkapena
1 - VINE Jay (UAE) 19:51
2 - AFFINI Edoardo (Visma) + 0:11
3 - TIBERI Antonio (Bahrain) + 0:12
4 - FISHER-BLACK Finn (UAE) + 0:16
5 - RIVERA Brandon Smith (INEOS) + 0:17
6 - ARENSMAN Thymen (INEOS) + 0:20
7 - ROMEO Ivan (Movistar) + 0:21
8 - POOLE Max (DSM) + 0:21
9 - JUARISTI Txomin (Euskaltel) + 0:26
10 - DE LA CRUZ David (Q36.5) + 0:38
12 - BERRADE Urko (Kern Pharma) + 0:39
Sailkapen nagusia
1 - KUSS Sepp (Visma) 11:44:38
2 - POOLE Max (DSM) + 0:05
3 - FISHER-BLACK Finn (UAE) + 0:34
4 - BERRADE Urko (Kern Pharma) + 0:41
5 - STORER Michael (Tudor) + 0:42
6 - CEPEDA Jefferson Alveiro (Caja Rural) + 0:53
7 - CASTRILLO Pablo (Kern Pharma) + 0:57
8 - RIVERA Brandon Smith (INEOS) + 0:59
9 - KONRAD Patrick (Lidl) + 1:00
10 - HIGUITA Sergio (Red Bull) + 1:01
Zure interesekoa izan daiteke
Pogacarrek Romandiako Tourra irabazi du, azken etapa ere garaituta
Txirrindulari esloveniarrak (UAE) denboraldi hasiera bikaina berretsi du Romandiako Tourrean nagusituta, beste etapa garaipen batekin.
Sebastian Berwick Caja Rural taldeko txirrindulariak irabazi du Turkiako Itzulia
Kern Pharma taldeko Ivan Ramiro Sosa izan da bigarren, eta Mikel Bizkarra eta Ibon Ruiz euskal txirrindulariek hamar onenen artean bukatu dute Turkiako Itzulia.
Pogacarrek erabakita utzi du Romandiako Tourra, etapa nagusian erakustaldia emanda
Esloveniarrak hirugarren garaipena lortu du aurtengo edizioan, Charmeyko helmugara ihes eginda iritsita, eta sailkapen nagusia erabakita utzi du azken etaparen faltan.
Pello Bilbao laugarren izan da, eta Ion Izagirre seigarren, Zimmermannek irabazitako Eschborn-Frankfurt lasterketan
Bigarren eta hirugarren Pidcock eta Tulett britainiarrentzat izan dira, hurrenez hurren.
Pogacarrek bere bigarren garaipena erdietsi du Romandiako Itzulian, bigarren etapa ere esprintean irabazi ostean
Soderqvist, Conca, Thalmann eta Renard-Haquin izan dira eguneko ihesaldiaren protagonistak, baina tropelak helmugarako lau kilometroren faltan harrapatu ditu. Azken metroetan, Esloveniako txapeldunak bere garaipen gose aseezina erakutsi eta berriro irabazi du.
Pogacarrek irabazi du lehen etapa Martignyn, eta liderraren elastikoa jantzi du
Pogacarrek erasoa jo du Ovronnaz lehen mailako mendatean. Helmugara hiru txirrindularirekin batera iritsi da, Lipowitz, Martinez eta Nordhagenekin, eta azkarrena izan da esprintean.
Dorian Godon frantziarrak irabazi du atariko etapa, eta lehen liderra da
Ineos Grenadier taldeko txirrindulari frantziarrak hiru kilometro pasatxoko ibilbidean 6 segundo sartu dizkie Ivo Oliveira portugaldarrari (UAE) eta Jakob Soderqvist suediarrari (Lidl-Trek), bigarren eta hirugarren, hurrenez hurren.
Pogacarrek, Seixas mendean hartuta, laugarren Lieja-Bastogne-Lieja irabazi du; Volleringek hirugarrena eskuratu du
Esloveniarra nagusitu da berriro Lieja-Bastogne-Lieja lasterketan, Paul Seixas frantziarrarekin lehia estua izan ondoren. Volleringek, berriz, Redoute mendatean jo du erasoa, eta bakarrik helmugaratu da, baja garrantzitsuak izan dituen edizio batean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.