Jay Vine, Evenepoel eta Vingegaardek hainbat haustura dituzte Itzuliko erorikoaren ondorioz
Jonas Vingegaard (Visma Lease a Bike) txirrindulari danimarkarrak, bi aldiz Frantziako Tourra eta 2023ko Itzulia irabazi dituenak, "klabikula eta hainbat saihets hautsi" ditu, helmugatik 34 kilometrora izandako erorikoaren ondorioz.
"Istripu desatsegina izan da, baina zorionez egonkor eta kontziente dago. Ospitaleko azterketen arabera, klabikula eta hainbat saihets-hezur hautsita ditu. Ospitalean jarraitzen du, badaezpada. Eskerrik asko mezu guztiengatik", adierazi du bere taldeak ohar batean.
Vingegaard Olaetako mendatearen jaitsieran erori da, Legutioko helmugatik 34 kilometrora, dozena bat txirrindulariri eragin dien ezbehar batean, tartean Primoz Roglic lider esloveniarra eta Remco Evenepoel belgikarra; azken bi horiek lasterketako faboritoak ziren.
Minutu batzuk lurrean etzanda eman ondoren, Vingegaard Gasteizko Txagorritxu ospitalera eraman dute anbulantzian, eta han egin dizkiote lesioak detektatu dizkioten probak.
Evenepoel belgikarra ere ospitalera eraman dute azterketa mediko bat egiteko, eta eskuineko klabikulan eta eskuineko eskapulan haustura bana izan duela baieztatu dute. Horregatik guztiagatik, kirolaria Belgikara joango da ostiralean, eta bertan ebakuntza eta azterketa zehatzagoa egingo dizkiote, Herentalseko ospitalean.
Bestalde, Jay Vine australiarrak (UAE) haustura zerbikala eta bi haustura ditu bizkarrezur torazikoan. Zorionez, ez du kalte neurologikorik eta ez dago beste lesio garrantzitsurik, ezta traumatismo kraneoentzefalikorik ere, gertuko iturriek jakitera eman dutenez. Hala ere, ospitalean egongo da, behaketa neurologikoa egiteko.
Zure interesekoa izan daiteke
Reusserrek Nooijen eta Vollering gainditu ditu erlojupekoan, eta horiz jantzi da
Movistar taldeko txirrindulari suitzarrak, Europako eta munduko txapelduna erlojupekoan, ez du hutsik egin bere espezialitatean, eta Frantziako Tourreko laugarren etapa irabazi du, sailkapen nagusiko lidertza eskuratuz.
Igoera eta esprinta, eta Brennanen garaipena, Burgosko Itzuliko lehen etapako azken kilometroan
Visma taldeko txirrindulari britainiarra bikain gailendu da, Castillo mendatean; izan ere, amaierari onena eman dio taldekideen lan ederrari.
Reusser suitzarrak hegan egin du erlojupekoan, eta maillot horia kendu dio Haugseti
Lieje Nooijen herbeheretarrak (Visma) denborarik onena markatu du probaren zati handi batean, baina, baina azkenean, Marlen Reusser suitzarrak (Movistar) bere marka hautsi du, lau segundoko aldearekin. Horrela, munduko txapeldunak aurreikuspen guztiak bete ditu.
Matthew Brennanek irabazi du Burgosko Itzuliko lehen etapa, eta aurreneko liderra da
Visma taldeko txirrindulari britainiarra azkarrena izan da lasterketako lehenengo etapan erabakigarria izan den esprintean, asteartean. Ostegunean, 21 urte beteko ditu Brennanek, eta zazpi garaipen daramatza 2026ko denboraldian.
Gotzon Martinek 2028ra arte berritu du kontratua Euskaltel-Euskadi taldearekin
Txirrindulari bizkaitarraren ibilbide osoak lotura estua du Euskadi Fundazioarekin. 2026an, taldeari UCI puntu gehien eman dizkion bigarren txirrindularia izan da.
Haugsetek irabazi du sari potoloa, Kopeckyren eta tropelaren jazarpenari eutsi egin baitio
Norvegiarra hirugarren etapan nagusi izan da, eta maillot horia ere jantzi du. Uno-X Mobility taldeko txirrindulariak Lotte Kopecky (SD Worx) belgikarraren jazarpenari eutsi dio. Usoa Ostolaza laugarren izan da helmugan.
Tadej Pogacar 2026ko Espainiako Vueltan izango da, abuztuaren 22tik aurrera
Frantziako Tourra bosgarrenez irabazi berritan, UAEko txirrindulari esloveniarrak hurrengo Espainiako Vuelta jokatuko du. 2019an parte hartu zuen, oraingoz aurrenekoz eta azkenekoz, Espainiako Vueltan; ekitaldi hartan, hirugarren postua lortu zuen, eta hiru etapa irabazi zituen.
Wiebesek beste garaipen batekin eutsi dio maillot horiari
SD Worx-Protime taldeko herbeheretarrak bere legea ezarri du berriro esprintean, Genevako helmugan bigarren garaipena jarraian lortzeko.
Natnael Tesfatsionek irabazi du Getxoko Zirkuitua
Natnael Tesfatsion (Movistar) eritrearra nagusitu da 2026ko Getxoko Zirkuituan. Azken metroetako esprint estuan erabaki da garailea, eta euskal txirrindulari ugari izan dira lasterketa bereganatzeko lehian. Helmugan, baina, eritrearra izan da azkarrena, Pau Miquel (Bahrain Victorious) kataluniarra izan da bigarren eta Alex Aranburu (Cofidis) euskalduna, hirugarren.
“Bat, bi, hiru, lau", Remco Evenepoelek euskarari egindako keinua Donostian irabazi ondoren
Belgikarrak sare-argitalpen bat egin zuen, Donostiako klasikoan irabazi dituen aldiak euskaraz kontatuz.