Adam Yatesek Marc Soler eta Jay Vinerekin bat egin, eta Italiako Giroa utzi du
UAEko britainiarrak ez du Italiako Giroko hirugarren etaparen irteera hartu, larunbatean izandako eroriko jendetsuan kolpea hartu ostean, garuneko kommozioaren sintomak izan baititu gerora. Marc Soler eta Jay Vine taldekideak ere lasterketatik kanpo utzi ditu eroriko horrek.
Adam Yates (UAE Team Emirates XRG) txirrindulari britainiarra ez da Italiako Giroko hirugarren etapako irteeran izan, Bulgarian, Plovdiv eta Sofia arteko 175 kilometroko etaparen hasieran, larunbatean izandako eroriko larriaren ondorioz.
UAE taldeko mediku zuzendari Adrian Rotunnoren hitzetan, erorikoak gogor jo du taldea. "Tamalez, atzoko bigarren etapako erorikoak eragin larria izan zuen gugan. Jay Vinek garuneko kommozioa eta ukondoa hautsita ditu. Marc Solerrek pelbiseko haustura du. Printzipioz, ez dute ebakuntzarik beharko”, adierazi du.
Hasiera batean, Yatesek lasterketan jarrai zezakeela zirudien. Hala ere, britainiarrak garuneko kommozioaren sintomak izan zituen gerora. "Adam Yatesek urradura larriak eta ezker belarrian zauria egin zituen. Bertan aztertu zuten garuneko kolperik ote zuen ikusteko, eta jarraitzeko baimena eman zioten, baina garuneko kommozioaren sintomak izan ditu gerora. Horregatik, gaur ez da hirugarren etaparen irteeran izango”, azaldu du Rotunnok.
UAE taldeko medikuaren arabera, hiru txirrindulariek medikuen zaintzapean jarraituko dute datozen egunetan, eta etxera itzuliko dira errekuperazioarekin eta errehabilitazioarekin jarraitzeko.
Erorikoa helmugatik 23 kilometrora izan zen, Burgas eta Veliko Tarnovo arteko 221 kilometroko ibilbidean, Bulgarian, eta Thomas Silva uruguaitarra nagusitu zen.
Hogei txirrindulari baino gehiago nahasi ziren erorikoan, tartean Wilco Kelderman, Santiago Buitrago, Derek Gee eta Corbin Strong. Istripuaren larritasuna dela eta, antolatzaileek etapa neutralizatu behar izan zuten helmugatik 20 kilometrora, anbulantzia nahikorik ez zegoelako. Jay Vine, gainera, anbulantzian eraman behar izan zuten.
Zure interesekoa izan daiteke
Igor Arrieta Giroko bigarren etapako erorikoaren inguruan
Igor Arrieta (UAE) euskal txirrindulariak Italiako Giroko bigarren etapan izan den eroriko handiaz hitz egin du.
Giroko bigarren etapako ihesaldia eta azken esprint estua
Guillermo Thomas Silva (XDS Astana) uruguaitarra nagusitu da Italiako Giroko bigarren etapan. Vingegaard, Pellizzari eta Van Eetvelt eguneko ihesaldian sartu arren, garailea esprintean erabaki da. Bukaera oso estua izan da, baina Silva gailendu da esprintean, Florian Stork (Tudor) alemana izan da bigarren, eta Giulio Ciccone (Lidl-Trek) italiarra helmugaratu da hirugarren.
Guillermo Thomas Silva nagusitu da bigarren etapan, eta maglia arrosa bereganatu du
Helmugarako 23 kilometro falta zirenean, eroriko izugarria izan da. 30 txirrindulari joan dira lurrera, tartean Adam Yates UAE taldeko liderra, eta agur esan dio sailkapen nagusiko lehiari. Gainera, Jay Vine (UAE), Marc Soler (UAE), Santiago Buitrago (Bahrain-Victorious), Aleksandr Vlasov (Bora), Matteo Moschetti (Pinarello) eta Adne Holter (Uno-X Mobility) txirrindulariek lasterketa utzi behar izan dute.
Giroko bigarren etapan ere eroriko handia izan da
Italiako Giroko bigarren etapan ere eroriko handia izan da. Helmugarako 23 kilometroren faltan, txirrindulari batek irrist egin du, eta horren atzetik beste hainbat erori dira lurrera; Adam Yates, Jay Vine, Derek Gee eta Santiago Buitrago, besteak beste. Batzuek kolpe gogorra jaso dute, eta medikuek artatu behar izan dituzte.
Giroko lehen etaparen amaiera baldintzatu duen eroriko handia
Burgasko helmugarako 700 metro falta zirenean, eroriko handia izan da, txirrindulari asko harrapatuta utzi ditu, eta horrek erabat baldintzatu ditu 2026ko Italiako Giroko lehen etapako azken metroak. Paul Magnier (Soudal Quick-Step) izan da etapako irabazlea.
Paul Magnier gailendu da Giroko lehen etapako esprint nahasian, eta berak jantzi du maglia arrosa
Eroriko izugarria izan da helmugatik 500 metrora, eta horrek erabat baldintzatu du esprinta. Tropela eten egin da, eta aurrean dozena bat txirrindulari soilik geratu dira. Horrela, Paul Magnier frantziarra izan da helmugan azkarrena, eta, ondorioz, bera da Giroko lehen liderra.
Vingegaardek debuta egingo du Italiako Giroan, garaipena lortzeko faborito nagusi bezala
Danimarkarrak maglia arrosa bereganatzeko aurkari Bernal, Mas, Adam Yates eta Pellizzari izango ditu, Pogacar, Seixas, Simon Yates, Del Toro, Carapaz eta Evenepoel ez baitira irteeran izango.
2026ko Italiako Giroko 10. etaparen profila, ibilbidea eta ordutegia: Viareggio-Massa (42 km, banakako erlojupekoa)
Bigarren atsedenaldi-egunaren ostean, 109. Italiako Giroan erlojupekoa izango da, aurtengo bakarra; laua da, bikaina espezialistentzat, eta sailkapen nagusiko lehian dabiltzan gizonek ere aukera izango dute euren aldeko abantailak eskuratzeko.
2026ko Italiako Giroko 7. etaparen profila, ibilbidea eta ordutegia: Formia-Blockhaus (244 km)
Etapa handia, Apenino mendietan; 109. ekitaldiko luzeena da, gainera. Blockhaus mendatean amaituko da, alegia, Giroan historikoa den mendi batean; 2024an, emakumezkoen proban, Neve Bradburyk irabazi zuen, eta, gizonezkoen lasterketari dagokionez, besteak beste, Eddy Merckx, Jose Manuel Fuente edo Moreno Argentin gailendu dira.