Italiako Giroaren 11. etaparen profila eta ibilbidea: Camaiore-Tortona (219 kilometro)
219 kilometro ditu 2023ko Italiako Giroaren hamaikagarren etapak; aurtengo luzeena da, eta maiatzaren 17an jokatuko dute, asteazkenean. Parte-hartzaileak Camaioretik abiatuko dira, eta Tortonan amaitu; ibilbidea, lehen zatian, laua izango da, baina tarte erabakigarrian, aldiz, hainbat igoera eta jaitsiera daude. Mendiko sailkapenerako hiru mendate puntuagarri igo beharko dituzte txirrindulariek; 3. mailako bi eta 4. mailako bat.
Antolatzaileek nabarmendu dutenez, La Speziak, Liguriako Apeninoetako sarreran, hasiko da etapako zatirik zailena. Ziklistek Passo del Bracco eta Colla de Boasi gainditu beharko dituzte Liguriako Apeninoak zeharkatzeko; bertako errepideak estuak dira, eta hainbat bihurgune dituzte, gainera.
Gerora, tropela bailarara helduko da, eta Alessandriako ordokia igarota, Passo della Castagnolara helduko da. Azken 30 kilometroetan, tropela errepide zabaletan ibiliko da.
Giroko hamaikagarren etapa honetan, hiru mendate izango dira: Passo del Bracco, 3. mailakoa, 60. kilometroan; Colla di Boasi, 3. mailakoa, 143. kilometroan; eta Passo della Castagnola, 4. mailakoa, 176.ean.
Egunero bezala, lasterketa zuzen-zuzenean ikusi ahalko da EITBko hedabideetan: eitb.eus-en, etapa oso-osorik ikusteko aukera egongo da, 11:15etik aurrera; ETB4k 14:15etik 15:10era egingo du bat seinalearekin; eta telebistako emanaldiak ETB1en jarraituko du, 15:10etik etapa amaitu arte.
Ikusi 10. etaparen profila | Ikusi 12. etaparen profila
ETAPAREN PROFILA
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.