Bertan behera geratu da Lointek Gernikak Israelen jokatu behar zuen Eurocupeko 1. jardunaldiko partida
Lointek Gernika Bizkaia ez da Israelera joango asteazkenean, urriaren 11n, biharamunean Ramat Hasharon taldearen etxean, Tel Avivetik oso gertu, partida jokatzeko, astelehenean Bizkaiko klubak iragarri duenez. Erabakia hartzeko, Lointek Gernikak kontuan izan du "asteburuan Israelen sortu den egoera; izan ere, gerra egoera ezarri dute". Halaber, Lointek Gernikak nabarmendu du Iberiak Tel Aviverako hegaldiak bertan behera utzi dituela.
Arratsaldean, talde bizkaitarrak bere erabakiaren berri eman eta ordu batzuetara, FIBAk neurketa bertan behera geratu dela konfirmatu du. Norgehiagoka noiz jokatuko den datozen asteetan zehaztuko dute. EITBren asmoa neurketa ematea zen, ETB4n eta eitb.eus-en.
Testuinguru horretan, Gernika-Lumoko erakundeak gogora ekarri duenez, aste honetan hasiko da Eurocupeko multzoen fasea, eta Lointek Gernika D multzoan dago, Israelgo Ramat Hasharon, Frantziako Lattes-Montpellier eta Poloniako MB Zaglebie Sosnowiec taldeekin batera. Aurreneko jardunaldian, ostegunean, hilaren 12an, jokatu behar zuen Israelen, Ramat Hasharon-Lointek Gernika partida jokatzea.
Hala ere, "egungo egoera kontuan izanik", taldea "ez da asteazkenean Israelera joango, aurreikusita zegoenez", azpimarratu du Lointek Gernikak. Kluba larunbatetik ibili da harremanetan "Espainiako Saskibaloi Federazioarekin, FIBArekin eta Espainiako Gobernuko Atzerri Ministerioarekin, Israelgo egoeraren bilakaera eta bertara bidaiatzeko aukera aztertzeko".
Zure interesekoa izan daiteke
Inversus, Gernika KESBren babesle nagusia denboraldi baterako
Inversus Gernika Bizkaia izango da aurrerantzean talde bizkaitarraren izen ofiziala, Gerardo Candina presidenteak eta Jose Joaquin Vicente Inversus Groupen zuzendari nagusiak sinatutako akordioan jaso denez.
Irune Orio hegalekoa Gernika KESBera itzuli da NCAAn egin duen etaparen ostean
22 urteko eta 1,88 metroko altuera duen jokalaria etxera itzuliko da lau denboraldiz munduko liga gogorrenetako batean aritu ondoren.
Samantha Galanopoulos joko-antolatzaile greziarra Gernika KESB taldera batu da
Grezian Esperides Kallitheas eta Panathinaikos taldeetan lehiatu ondoren, Galanopoulos Malostera iritsiko da Emakumezkoen Endesa Ligan etapa berri bati aurre egiteko.
Gernika KESBk Elena Bosgana hegaleko greziarra fitxatu du, 2026-2027 denboraldirako
Bosgana, 22 urtekoa eta 1,90ekoa bera, Leganesetik iritsi da euskal taldera. Greziako selekzioarekin internazionala izan da, eta Gernika KESBk espero du “fisikoa, moldakortasuna eta hainbat posiziotatik eragiteko gaitasuna” emateari taldeari.
Naia Zubiagak ez du Gernika KESBen jarraituko datorren denboraldian
Harrobiko jokalariak 2024-2025 denboraldian egin zuen debuta lehen taldearekin, eta bigarren denboraldian ere etxean jokatu ostean, harremana etengo du klubarekin.
Gernika KESB taldeak Seehia Ridard hegal-pibot frantziarra fitxatu du
Poloniako AZS UMCS Lublin taldetik iritsiko da. Gernikak azpimarratu duenez, "uztaitik gertu jokatzeko, kantxan korrika egiteko eta barruko posizioetatik espazioak irekitzeko gaitasuna" du jokalari frantziarrak.
Esther Matarranzek Gernika KESB taldearekin berritu du
Barruko jokalari madrildarrak beste urtebetez defendatuko du elastiko granatea.
Aaronette Vonleh pibotak kontratua berritu du Gernika KESB taldearekin
Urtarrilean iritsi zen klubera, eta jokatu dituen 14 partidetan batez beste 7,6 puntu eta 3,6 errebote lortu ditu 18 minututan.
Estel Puiggros joko-antolatzaile kataluniarra, Gernika KESBren lehen fitxaketa
Puiggros Unicaja Mijas taldetik iritsiko da. Talde bizkaitarrak baieztatu duen hirugarren jokalaria da, Ane Olaeta joko-antolatzailearen eta Angela Salvadores eskoltaren ondoren.
