Lara McSpadden pibot australiarrak Inversus Gernikan jokatuko du
27 urteko jokalaria 1,94 metro luze da, eta bere herrialdeko ligako Sydney Flames taldetik dator.
Lara McSpadden pibot australiarrak Inversus Gernikan jokatuko du. Argazkia: Inversus Gernika.
Inversus Gernika Bizkaiak 2026-27 denboraldirako taldea itxi du Lara McSpadden 27 urteko eta 1,94 metroko altuera duen pibot australiarra fitxatuta.
Euskal taldeko teknikariek espero dute australiarrak, hegal-pibot gisa ere jardun dezakeen jokalari "moldakorrak", "presentzia fisikoa, errebotea eta uztaitik gertu bukatzeko gaitasuna" ematea.
Formakuntza kategorietan internazionala izan zen, eta 2016an, 17 urtez azpiko munduko txapelduna. Azken denboraldian batez beste 14 minutu jokatu eta 5,1 puntu eta 3,3 errebote lortu ditu Sydneyko taldearekin.
McSpadden Inversus Gernika Bizkaiaren hamaikagarren fitxaketa da, eta Franky Garcia entrenatzaile berriaren esanetara arituko da hamaika jokalari hauekin batera: Sam Galanopoulos, Estel Puiggros eta Ane Olaeta joko antolatzaileak; Angela Salvadores eskolta; Joy Adams, Irune Orio eta Elena Bosgana hegalekoak; eta Seehia Ridard, Esther Matarranz eta Aronette Vonleh pibotak.
Zure interesekoa izan daiteke
Joy Adamsek Inversus Gernikarekin berritu du
Guyanako jokalariak beste urtebetez jarraituko du talde bizkaitarrean
Inversus, Gernika KESBren babesle nagusia denboraldi baterako
Inversus Gernika Bizkaia izango da aurrerantzean talde bizkaitarraren izen ofiziala, Gerardo Candina presidenteak eta Jose Joaquin Vicente Inversus Groupen zuzendari nagusiak sinatutako akordioan jaso denez.
Irune Orio hegalekoa Gernika KESBera itzuli da NCAAn egin duen etaparen ostean
22 urteko eta 1,88 metroko altuera duen jokalaria etxera itzuliko da lau denboraldiz munduko liga gogorrenetako batean aritu ondoren.
Samantha Galanopoulos joko-antolatzaile greziarra Gernika KESB taldera batu da
Grezian Esperides Kallitheas eta Panathinaikos taldeetan lehiatu ondoren, Galanopoulos Malostera iritsiko da Emakumezkoen Endesa Ligan etapa berri bati aurre egiteko.
Gernika KESBk Elena Bosgana hegaleko greziarra fitxatu du, 2026-2027 denboraldirako
Bosgana, 22 urtekoa eta 1,90ekoa bera, Leganesetik iritsi da euskal taldera. Greziako selekzioarekin internazionala izan da, eta Gernika KESBk espero du “fisikoa, moldakortasuna eta hainbat posiziotatik eragiteko gaitasuna” emateari taldeari.
Naia Zubiagak ez du Gernika KESBen jarraituko datorren denboraldian
Harrobiko jokalariak 2024-2025 denboraldian egin zuen debuta lehen taldearekin, eta bigarren denboraldian ere etxean jokatu ostean, harremana etengo du klubarekin.
Gernika KESB taldeak Seehia Ridard hegal-pibot frantziarra fitxatu du
Poloniako AZS UMCS Lublin taldetik iritsiko da. Gernikak azpimarratu duenez, "uztaitik gertu jokatzeko, kantxan korrika egiteko eta barruko posizioetatik espazioak irekitzeko gaitasuna" du jokalari frantziarrak.
Esther Matarranzek Gernika KESB taldearekin berritu du
Barruko jokalari madrildarrak beste urtebetez defendatuko du elastiko granatea.
Aaronette Vonleh pibotak kontratua berritu du Gernika KESB taldearekin
Urtarrilean iritsi zen klubera, eta jokatu dituen 14 partidetan batez beste 7,6 puntu eta 3,6 errebote lortu ditu 18 minututan.