Lointek Gernika Eurokopako hurrengo fasean egongo da
Lointek Gernika Bizkaia lehen aldiz sailkatu da Eurokopako bigarren fasean egoteko. Bizkaitarrek Uniao Sportiva talde portugaldarraren aurka irabazi dute asteazken honetan, Malosten jokatutako partidan (84-66). Alabaina, bere norgehiagoka irabazteaz gain, Lointekek beste emaitza bat izan behar zuen alde, eta hala gertatu da. Izan ere, Spar Citylift Girona aise gailendu zaio Uni Györ talde hungariarrari (56-78).
Horrenbestez, Bizkaiko taldeak txapelketako hurrengo fasean izateko eskubidea lortu du, F multzoko bigarren tokian sailkatu eta gero.
Lointekek, alabaina, uste baino zailtasun gehiago izan ditu neurketa bereganatzeko, nahiz eta azken emaitzak bestelakorik iradoki, lehiako lehen hiru laurdenak oso parekatuta joan baitira.
Berdinduta amaitu den lehen laurdenaren ostean (18-18), portugaldarrek bost puntuko errenta hartu dute (21-26, 16. min), baina etxekoek markagailuari buelta ematea erdietsi dute atsedenaldira heldu orduko (35-34).
Uniao Sportiva aurretik joan da hirugarren laurdeneko tarte batean ere (40-41); dena den, gernikarrek berriro jakin dute markagailua euren alde jartzen laurdena bukatu denean (57-54).
Mario Lopezen neskek indartsu ekin diete azken 10 minutuei 12-0eko partzial batekin, eta partida hautsi dute behin betiko (69-54). Abantaila handi horrek neurketako azken txanpaz gozatzea ahalbidetu die zaleei, jakitun baitziren Hungariatik albiste onak zetozela.
Etxekoen aldetik honako hauek izan dira lehiako jokalari nabarmenenak: Blake Dietrick eskolta (22 puntu eta 5 asistentzia), Rachael Vanderwal joko-antolatzailea (17 puntu eta 6 errebote) eta Valeriya Berezhynska pibota (13 puntu eta 8 errebote).
Zure interesekoa izan daiteke
Inversus, Gernika KESBren babesle nagusia denboraldi baterako
Inversus Gernika Bizkaia izango da aurrerantzean talde bizkaitarraren izen ofiziala, Gerardo Candina presidenteak eta Jose Joaquin Vicente Inversus Groupen zuzendari nagusiak sinatutako akordioan jaso denez.
Irune Orio hegalekoa Gernika KESBera itzuli da NCAAn egin duen etaparen ostean
22 urteko eta 1,88 metroko altuera duen jokalaria etxera itzuliko da lau denboraldiz munduko liga gogorrenetako batean aritu ondoren.
Samantha Galanopoulos joko-antolatzaile greziarra Gernika KESB taldera batu da
Grezian Esperides Kallitheas eta Panathinaikos taldeetan lehiatu ondoren, Galanopoulos Malostera iritsiko da Emakumezkoen Endesa Ligan etapa berri bati aurre egiteko.
Gernika KESBk Elena Bosgana hegaleko greziarra fitxatu du, 2026-2027 denboraldirako
Bosgana, 22 urtekoa eta 1,90ekoa bera, Leganesetik iritsi da euskal taldera. Greziako selekzioarekin internazionala izan da, eta Gernika KESBk espero du “fisikoa, moldakortasuna eta hainbat posiziotatik eragiteko gaitasuna” emateari taldeari.
Naia Zubiagak ez du Gernika KESBen jarraituko datorren denboraldian
Harrobiko jokalariak 2024-2025 denboraldian egin zuen debuta lehen taldearekin, eta bigarren denboraldian ere etxean jokatu ostean, harremana etengo du klubarekin.
Gernika KESB taldeak Seehia Ridard hegal-pibot frantziarra fitxatu du
Poloniako AZS UMCS Lublin taldetik iritsiko da. Gernikak azpimarratu duenez, "uztaitik gertu jokatzeko, kantxan korrika egiteko eta barruko posizioetatik espazioak irekitzeko gaitasuna" du jokalari frantziarrak.
Esther Matarranzek Gernika KESB taldearekin berritu du
Barruko jokalari madrildarrak beste urtebetez defendatuko du elastiko granatea.
Aaronette Vonleh pibotak kontratua berritu du Gernika KESB taldearekin
Urtarrilean iritsi zen klubera, eta jokatu dituen 14 partidetan batez beste 7,6 puntu eta 3,6 errebote lortu ditu 18 minututan.
Estel Puiggros joko-antolatzaile kataluniarra, Gernika KESBren lehen fitxaketa
Puiggros Unicaja Mijas taldetik iritsiko da. Talde bizkaitarrak baieztatu duen hirugarren jokalaria da, Ane Olaeta joko-antolatzailearen eta Angela Salvadores eskoltaren ondoren.
