Bilbao Basket argi nagusitu da, beste behin, FIBA Europa Kopan, Balkan Botevgraden aurka (62-93)
Surne Bilbao Basketek BC Balkan Botevgrad hartu du mendean, 62-93, 2024-25 denboraldiko FIBA Europa Kopako fase erregularreko laugarren jardunaldian, Arena Botevgrad pabiloian, Botevgraden, Bulgarian, J multzoaren barnean, asteazken arratsaldean. Hala, euskal taldeak bere multzoko lehenengo postuan jarraitzen du, jokatutako lau partidak irabazita; garaipen horietan guztietan, nagusitasun oso handiz gailendu da Bilbao Basket.
Bulgarian jokatutako norgehiagokan, berdintasuna aurreneko laurdeneko azken minutuetan amaitu egin da; izan ere, bigarren laurdenean, Bilbao Basketek 17 puntura arteko aldea eskuratu du, eta argi gelditu da zein talde zen indartsuena. Lehen hamar minutuak amaitu direnean, emaitza 15-21ekoa zen, eta atsedenaldian 32-47koa; Ponsarnauren gizonek hamabost puntuko aldea zuten poltsikoratuta.
Bigarren zatian, Bilbao Basketek handitu egin du aldea, eta, azkenean, 62-93 gailendu da Bizkaiko taldea. Lehen itzulian, Casillan, Bilbao Basketek 95-55 menderatu zuen aurkari hori bera; oso nabarmena izan da, beraz, Ponsarnauren jokalarien nagusitasuna. Hain zuzen ere, FIBA Europa Kopan orain arte jokatutako norgehiagoka guztietan erakutsi du Bilbao Basketek gainerako taldeak baino gehiago dela.
Fitxa teknikoa
62 - BC Balkan Botevgrad (15+17+18+12): Curtis Jones (3), Pishtikov (1), Korestilov (1), Boyanov (17) y Marshall (9) —hasierako bostekoa—; Toshkov (5), Grozev (3), Mihaylov (2), Gavrilovic (8), Ivanov (13) eta Vasilev.
93 - Surne Bilbao Basket (21+26+26+20): Frey (10), Kullamae (5), Rabaseda (10), Gielo (7) y Hlinason (9) —hasierako bostekoa—; Pantzar (8), Abdur-Rahkman (9), Zoran Dragic (7), Dominguez (9), De Ridder (10), Sylla (6) eta Chacon (3).
Epaileak: Mehmet Sahin (Turkia), Viola Gyorgyi (Norvegia) eta Ali Sakaci (Turkia).
Gertakizunak: zale gutxi, Arena Botevgraden.
Zure interesekoa izan daiteke
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Ponsarnau, Valverderi buruz: “Erreferentea da niretzat, eta beti izango da"
Surne Bilbao taldeko entrenatzaileak hitz batzuk esan nahi izan ditu Valverderi buruz, Athleticeko entrenatzaileak talde zuri-gorria zuzentzeari utzi dionean.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.
FIBA Europa Kopa irabazita, Surne Bilbao omendu dute Gernikan
FIBA Europako Kopa irabazi ondoren, Bilbao Basketi omenaldia egin diote Gernikako Batzarretxean. Aurreskua dantzatu diete Gernikako arbolaren aurrean, eta barrura sartu dira horren ostean.
Surne Bilbaok Valentziaren aurka galdu du (88-83)
Valentzia Basketek aurre egin dio Justin Jaworski Surne Bilbao taldeko eskolta estatubatuarraren erakustaldiari igande honetan, 31 puntu eta 8 hiruko lortuta eta garaipenak ihes egin dio Bilboko taldeari.
Surne Bilbaok Real Madril mendean hartu du Miribillan, eta playoff postuetan sartu da (88-82)
Surne Bilbao Basket lehen aldiz sartu da Endesa Ligako playoff postuetan Real Madrili 88-82 irabazita. Azken laurden bikain bat egin ondoren, merezitako garaipena lortu dute beltzezko gizonek. Hemen partidaren laburpena.
Bilbao Basketen ereserki berria egin du Shinova taldeak: “Sua gara"
Bilbao Basket taldeak ereserki berria aurkeztu du astearte honetan. Shinova taldeak egindako piezak "Sua gara" du izena.
Azken laurdenean egindako hutsek garaipenik gabe utzi dute Surne Bilbao Lleida aldean (90-81)
Surne Bilbao Basketek 90-81 galdu du Hiopos Lleidaren etxean, Endesa Ligako 30. jardunaldiko partidan. Emaiotza honekin, Kataluniarrek maila gorenean jarraitzeko urrats handi aeman dute. Lleidak azken laurdenean, eta hiru minututan, lortudako 10-1eko partzialak partida euren alde jarri du. James Batemon eskolta, 20 punturekin, izan da partidako saskiratzailerik onena.
Surne Bilbaok aste zoragarria itxi eta Granada hondoratu du (88-83)
Surne Bilbaok garaipen estua lortu du Coviran Granadaren aurka Miribillan (88-83), eta aste bikaina biribildu du, FIBA Europa Kopa irabazi ondoren play-offerako lehian sartuta. Granada azken unera arte borrokatu bada ere, porrot honek gehiago hurbiltzen du beheko postuetara.