Bilbao Basketek Bulgariako Balkan jipoituz hasi du FIBA Europe Cup txapelketa
Surne Bilbao Basketek FIBA Europe Cup txapelketa Botevgradeko BC Balkani aise irabaziz hasi du, 95-55, Casilla pabiloi historikoan. Han sortu zen Bilbao Basket 2000. urtean, eta omendu nahi izan dute orain, kantxaren 25. urteurrenean.
Espero zuten moduan joan zen partida: taldean egindako lana ez ezik, Kristian Kullamae eskolta estoniarra (15 puntu, 7 asistentzia eta 22 puntuko balorazioa) eta Ruben Dominguez nabarmendu ziren (19 puntu, 11 jaurtiketetatik 7 eginda).
Surne Bilbao Basketek iaz ere aise irabazi zion Balkani txapelketa honetako bigarren fasean jokatutako bi neurketetan. Bulgariako taldean, Andrey Ivanov pibot beteranoa izan zen onena (9 puntu, 8 errebote eta 20 balorazio-krediturekin).
Amaierako 95-55 emaitzarekin, J Taldeko lider gisa abiatu du lehia; izan ere, taldeko beste partidan, Poloniako BC Prievidzak eta Georgiako BC Kutaisi 2010 mendean hartu zuen, 77-69. Jaume Ponsarnauren gizonek bi talde horien aurka jokatu beharko dute hurrengo bi jardunaldietan.
Fitxa teknikoa:
95 - Surne Bilbao Basket (27+17+18+33): Frey (5), Abdur-Rahkman (15), Rabaseda, De Ridder (7) eta Marvin Jones (6) —hasierako boskotea—, Pantzar (10), Kullamae (15), Dominguez (19), Gielo (6), Hlinason (6) eta Sylla (6).
55 - BC Balkan Botevgrad (16+13+17+9): Toshkov (4), Curtis Jones (7), Reeves (8), Gavrilovic (8) eta Marshall (2) —hasierako boskotea—; Grozev (5), Gerganov (5), Pishtikov (5), Korestilov (2) eta Ivanov (9).
Epaileak: Zdravko Rutesic (Montenegro), Nikolaos Tziopanos (Grezia) eta Henri Hilke (Finlandia). Ez dute inor kanporatu.
Gertakariak: FIBA Europa Kopako J Taldeko lehen jardunaldiko partida, Casillan, 3.300 ikusleen aurrean. Datu ofiziala. Patrik Saenz de Ugarte kapitain ohia omendu zuten, neurketa baino lehen.
Zure interesekoa izan daiteke
Freyk Surne Bilbaoren garaipena gidatu du Murtziaren aurka (96-82)
Harald Frey joko-antolatzaile norvegiarrak gidatu du Surne Bilbaok Miribillan lortutako garaipen bikaina (96-82), UCAM Murtziaren aurka. Bestalde, Murtziak porrot egin du, hirugarrena jarraian, baina matematikoki lortu du hurrengo Errege Koparako sailkapena.
Lazarevicek ezker belaunean bihurritua du, eta ez du Murtziaren kontra jokatuko
Bilboko klubak azaldu duenez, hegalekoak "2. mailako bihurritu moderatua du". Oharrak, ordea, ez du zehazten jokalari serbiarrak kantxetatik kanpo eman beharko duen denbora.
Surne Bilbaok kanpoan irabazi gabeko urtebete baino gehiagoko bolada txarra eten du Gironan (89-93)
Surne Bilbaok, Basket Gironaren pistan lortutako garaipenarekin (89-93), 16 porroteko eta etxetik kanpo irabazi gabeko urtebete baino gehiagoko bolada txarrari amaiera eman dio.
Valentziak Surne Bilbao gainditu du bigarren zatian (72-116)
Valentzia Basketek agindu du Miribillan bigarren zatian, eta Surne Bilbao jokotik atera du. Bilboko taldea bizirik iritsi da atsedenaldira, baina Euroligako liderraren aurka galdu du (72-116).
Surne Bilbaok galdu egin du Barçaren aurka Miribillan, lan ona egin badu ere (66-71)
Surne Bilbaok lan ona egin du defentsan, baina erasoan ez du asmatu, eta 66-71 galdu du azkenean Bartzelonaren aurka Miribillan. Horrenbestez, denboraldiko lehen porrota jaso du etxean.
Surne Bilbaok porrot egin du Breoganen aurka (100-99) eta Ligan etxetik kanpo irabazi gabe itxi du urtea
Keandre Cook estatubatuarrak saskiratutako bi jaurtiketa libreekin, Rio Breoganek Surne Bilbao Basket garaitu du (100-99), segundo batzuk lehenago Darrun Hilliarden hiruko ikusgarri batekin, Errege Koparako txartela lortzeko ametsa elikatu duenean.
Surne Bilbaok Prievidza menderatu du (46-83), eta sendo jarraitzen du FIBA Europa Kopan
Txapelketako bigarren fasean, euskal taldeak bi partida jokatu ditu, eta bietan lortu du garaipena, Eslovakiako taldearen kantxan irabazita.
Surne Bilbaok garaipen sendoa lortu du Hiopos Lleidaren aurka Miribillan (93-75)
Beltzezko gizonek nagusitasunez irabazi dute, markagailua oso parekatuta joan bada ere, etxekoek oso indartsu amaitu baitute partida.
Surne Bilbaok sendo ekin dio txapelketako bigarren faseari, Sportingi irabazita (94-79)
Jaume Ponsarnauk zuzentzen duen taldea sufritu du partidako hainbat fasetan, baina ia beti aurretik egon da markagailuan. Garaipen garrantzitsua lortu dute beltzezko gizonek.
Surne Bilbaok Sporting CPren aurka hasiko du FIBA Europa Kopako bigarren fasea, asteazkenean, Miribillan
Bigarren faseko lehen partida hau, EITBk zuzenean emanen duena, 18:30ean hasiko da. PAOK Salonika eta Prievidza izanen dira euskal taldearen multzoa osatuko duten taldeak.