Araskik ezin izan du aurrera egin 'bere' kopan (66-60)
RPK Araski Erreginaren Kopatik kanpo geratu da ostegun honetan, Cadi La Seu taldearen aurka 66-60 galdu eta gero. Etxekoak 17 puntugatik joan dira irabazten lehen laurdenean (7-24), baina Andrea Vilaro eskolta bisitariak egindako lan ikusgarriak, batez ere bigarren zatian, bertan behera utzi ditu gasteiztarren itxaropenak. Vilarok 21 puntu sartu, 8 errebote harrapatu, 5 asistentzia banatu eta 28ko balorazioa lortu du denetara.
Georgina Bahi bere taldekideak ere asko lagundu dio emaitza iraultzeko zereginean, 13 errebote lortu baititu. Araskiren aldetik, berriz, Binta Drammeh (21 puntu) eta Ariel Edwards (17 puntu eta 10 errebote) nabarmendu dira.
Arabarrek oso indartsu ekin diote lehiari, hiruko lerrotik hutsik egin gabe, eta neurketa hautsi dute hasi eta berehala. Euren lehendabiziko bost saskiratzeak hirukoak izan dira, eta 5 eta 15 jarri dira irabazten seigarren minuturako.
Lehen laurdena bukatu denean, Madalen Urietaren neskek zazpi saskiratze lortu dituzte (horietatik sei, hirukoak), eta horri esker 11 eta 24ko aldeko emaitzarekin amaitu dute lehen tarte hori.
Gerora, gutxika-gutxika, Cadikoak neurketaren barruan sartu dira, 7 eta 0eko partzial batekin (23-17, 17. min). Dena den, atsedenaldira bederatzi puntu goitik iritsi dira gasteiztarrak (28-37, 20. min).
Araskikoek, baina, ahazteko moduko hirugarren laurdena jokatu dute. Baloi ugari galdu dituzte, eta saskiaren aurrean erabat antzu azaldu dira (bost puntu besterik ez dituzte erdietsi 10 minutu horietan). Katalanek, ordea, lanean jarraitu dute, eta markagailuan zegoen zuloa ezerezean uzteaz gain, aurretik jarri dira hirugarren laurdenaren amaierarekin batera (43-42). Tarte horretan, Vilarok zortzi puntu lortu ditu bata bestearen atzetik.
Azken hamar minutuak zirraraz beteta egon dira. Markagailuan gorabehera eta berdinketa ugari egon dira, baina bi minutu eta erdiren faltan, Vilarok hiruko bat sartu du bere taldearen aldeko abantaila handiena lortuz. Hortik aurrera, markagailuko aldeari eutsi, eta finalerdietan egoteko eskubidea bereganatu dute katalanek.
Larunbatean, Spar Citylift izango da euren aurkaria; izan ere, Gironako taldea 52-49 gailendu zaio Valentzia Basketi eguneko beste final-laurdenean.
Zure interesekoa izan daiteke
Kutxabank Araskik Laura Piera fitxatu du
Kataluniako jokalaria Joventut taldean aritu ostean dator Gasteizera.
Lotta-Maj Lahtinenek Kutxabank Araskirekin berritu du
Finlandiako hegalekoak beste denboraldi batez geratuko da Araskin, bigarren urteari ekingo dio elastiko berdearekin.
Mama Dembelek ez du Kutxabank Araskin jarraituko
Base katalanak amaiera eman dio Araskiko etapari azken denboraldian 27 norgehiagoketan parte hartu ondoren.
Sami Hillek ez du Araskin jarraituko
Azkeneko hiru denboraldiak Gasteizko taldean eman ditu jokalari kanadiarrak; bertara 2023an ailegatu zen. 90 partidatan 983 puntu lortu ondoren, Araskiren historian punturik gehien egin dituen bigarren jokalaria izanda uzten du taldea.
Quinn Dornstauderrek Kutxabank Araski utziko du denboraldiaren amaieran
Jokalari kanadarra funtsezkoa izan da mailari eusteko.
Made Urieta: “Ezin naiz zoriontsuago egon"
Kutxabank Araskik saskibaloiko maila gorenean jarraituko du datorren denboraldian ere, Emakumezkoen Endesa Ligako azken jardunaldian Estepona 74-77 garaitu ondoren larunbat honetan. Hil hala biziko partida izan du Gasteizko taldeak, eta dena eman du elitean jarraitzeko.
Araskik mailari eustea du jokoan azken bi jardunaldietan, baina Iratxe Rodriguez presidentea baikor azaldu da
Larunbatean Kutxabank Araskik partida garrantzitsua jokatuko du Mendizorrotzan Ferrolen aurka. Bi jardunaldi besterik falta ez direnean gasteiztarrak jaitsiera postuetan daude. Ziurrenik geratzen zaizkien bi neurketak irabazi beharko dituzte.
Kutxabank Araskik Alexy Mollenhauer fitxatu du, denboraldiko amaierara arte
Azerbaijango hegalekoak, 27 urtekoa bera, Endesa Ligan esperientzia dauka; izan ere, Movistar Estudiantes eta Ensino Lugo taldeetan jokatu zuen.
Kutxabank Araskik zazpi partida jokatuko ditu denboraldiaurrean
Gasteizko taldeak zazpi norgehiagoka izango ditu, urriaren 4ean ligari ekin baino lehenago. Lehen hitzordua Ensinoren eta Perfumerias Avenidaren kontrako torneoa izango da.
Alyssa Lawrence, Kutxabank Araskiko jokalari berria
Hegaleko jokalaria Esteponatik dator, eta sasoi baterako kontratua sinatu du Arabako taldearekin.