Kutxabank Araskik Kristina Higgins fitxatu du
Pibot estatubatuarra taldearen “barruko erreferentea” izateko heldu da Gasteizera.
Kutxabank Araskik Kristina Higgins pibota fitxatu du. Jokalari estatubatuarrak duela bost denboraldi fitxatu zuen talde gasteiztarrarekin, baina bisarekin arazo batzuk izan zituen, eta kontratua bertan behera geratu zen. Made Urieta entrenatzailearen esanetan, “orain Kristina eraberritua dator, esperientzia gehiagorekin”.
Higginsek nazioartean eskarmentu handia eskuratu du azken urteetan. Brasoven (Errumania) hasi zen, eta Buducnosten (Montenegro) jarraitu. Etapa labur horren ondoren, Errumaniara itzuli zen, Sepsira. 2019an Cegled taldeak fitxatu zuen, Hungarian, Frantziako ligara jauzi egin aurretik. Bertan, La Roche Vendée taldean aritu zen. Gero Izmit Belediyespor Kocaeli Turkiako taldean ibili zen. Azken denboraldi honetan, Israelgo Maccabi Haifa eta Mexikoko Adelitas taldeetan jokatu du. Azken horretan, 26 partida jokatu ditu, batez beste 5,7 puntu eta 4,1 errebote eskuratuta kantxan egon den 17 minutuetan.
Made Urietak dio Texasko pibotak “Espainian jokatzeko gogoa” duela, eta “pistan ondo dabilen eta kaudimen hori eman behar duen jokalaria” dela, “bai defentsan eta baita erasoan ere”.
Zure interesekoa izan daiteke
Araskik Nikola Dudasova eskolta fitxatu du
Jokalari eslovakiarra, 31 urtekoa bera, Leganes taldetik iritsi da euskal taldera; 2025-2026 denboraldian, partidako, batez beste, 10,3 puntu sartu, 3,5 errebote hartu eta 2,4 asistentzia eman ditu.
Maddie Garrickek ez du Kutxabank Araskin jarraituko, lesio baten ondorioz
Talde gasteiztarrak "azkar eta ondo sendatzea" eta "etorkizun pertsonal eta profesionalean zorterik onena" opa dio jokalari australiarrari.
Aleksandra Stanacev, Kutxabank Araskiren fitxaketa berria
Jokalari serbiarra Movistar Estudiantes taldetik dator Gasteizera.
Montse Brotonsek Kutxabank Araskirekin berritu du
Alacanteko pibotak beste denboraldi batez jokatuko du Araskin, hirugarren denboraldia beteko du elastiko berdea defendatzen.
Kutxabank Araskik Kristina Rakovic fitxatu du
Montenegroko hegaleko pibota Gasteizko proiektu berriko zazpigarren jokalaria da, eta Azulmarino Palmatik dator.
Dominique Toussaintek ez du Kutxabank Araskin jarraituko
Jokalari amerikarrak Endesa Ligako 30 partidak jokatu ditu, batez beste 9,9 puntu, 3,2 errebote eta 2,1 asistentzia eginda.
Kutxabank Araskik Maria Roters hegalekoa fitxatu du
Roters, 25 urtekoa bera, Unicajatik iritsi da euskal taldera; azken denboraldian, oso gertu izan du Endesa Ligarako igoera.
Maddie Garrick, Kutxabank Araskiko jokalari berria
Australiako hegalekoa CAB Estepona eta Movistar Estudiantesetik igaro ondoren iritsi da Gasteizera, “erreferentzia anotatzailea” izateko helburuarekin.
Kutxabank Araskik Laura Piera fitxatu du
Kataluniako jokalaria Joventut taldean aritu ostean dator Gasteizera.