Araskik koparekin amestu nahi du
Gasteizek Erreginaren Kopa hartuko du ostegun honetan hasi eta igandera bitartean, Dia Ligan jokatzen duten hiru euskal taldeen parte hartzearekin: RPK Araski etxeko taldea, Lointek Gernika eta IDK Gipuzkoa, hain zuzen ere.
Garaikurra bereganatzeko faborito nagusia Perfumerias Avenida Salamancako taldea izango da beste behin ere, jokatu diren azken bost ekitaldietako lau eskuratu baititu. Aitzitik, lehian arituko diren gainerako zazpi taldeak horrela gerta ez dadin borrokatuko dira.
Txapelketa irekiko duen kanporaketan, finalean egoteko aukera gehien dituen bigarren taldea arituko da, hau da, Spar Citylift Girona. Katalanek Valentzia Basket izango dute aurrez aurre 17:00etan hasiko den neurketan.
Ondoren, RPK Araski etxeko taldearen txanda helduko da. Gasteiztarren aurkaria Cadi La Seu taldea izango da, denboraldiko ezuste nagusiena izaten ari dena. Katalanek laugarren postuan amaitu zuten lehen itzulia, eta, gainera, irabazi egin zieten arabarrei Gasteizen jokatu zen ligako 13. jardunaldian (55-69). Norgehiagoka 19:30ean hasiko da, eta ETB4n eta eitb.eus-en ikusteko aukera egongo da.
Final-laurdenetako beste bi lehiak ostiralean izango dira, osteguneko partiden ordutegi berean. 19:30ean, Lointek Gernikak eta IDK Gipuzkoak euskal derbia jokatuko dute, finalerdiak jomugan dituztela.
Zure interesekoa izan daiteke
Nate Darling: “Alderdi guztietan lagundu nahi dut, baita defentsa lerroa hobetu ere”
Surne Bilbao Basketek Nate Darlingen aurkezpen ofiziala egin du. Eskolta kanadarrak "taldea jokoan sartzea" gustuko duela adierazi du eta "bere estiloa aldatzen" joango dela aurkaria ezagutu ahala. (Bideoa gazteleraz)
Surne Bilbaok Bastien Vautier aurkeztu du: “Dibertigarria izango da Miribillan jokatzea, atsegina”
Bilboko taldeak, asteartean, 2026-2027 denboraldirako egin dituen fitxaketako bat aurkeztu du. Jokalari frantziarrak adierazi duenez, erraza egin zaio Bilboko klubean bertakotzea.
Gedna Capel: “Defentsan ekarpen handia egin dezaket”
Mirai Euskotrenek Gedna Capel aurkeztu du Donostian. Kataluniako hegal-pibota Azul Marino Mallorcatik dator, urtebeterako. Kataluniarra pozik dago klubak berarengan jarri duen konfiantzarekin eta "defentsan eta erreboteetan ekarpen handia" egin dezakeela adierazi du. (Bideoa gazteleraz)
Araskik Julieta Mungo eta Mireia Sanz aurkeztu ditu
Araskik berebi fitxaketa berriak aurkeztu ditu: Julieta Mungo eta Mireia Sanz. Mungo Ardoitik heldu da Gasteizera eta denboraldi baterako sinatu du. Sanz, bere aldetik, 19 urteko eta etorkizun handiko jokalaria da eta 2028ra arte sinatu du. (Bideoa, gazteleraz)
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Kutxabank Araskik Aleksandra Stanacev eta Kristina Racovic aurkeztu ditu
Kutxabank Araskik bi jokalari aurkeztu ditu: Aleksandra Stanacev joko-antolatzailea eta Kristina Racovic hegal-pibota. Endesa ligan jokatutakoak dira Serbiako eta Montenegroko jokalariak.
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
EITBk Endesa Ligako partidak emango ditu hurrengo bi denboraldietan
Denboraldi bakoitzean, hamar neurketa emango ditu, eta Kosner Baskonia eta Surne Bilbao izango dira protagonista horietan. 2026-2027 denboraldian, gainera, bi euskal taldeek azaroaren 22an jokatuko duten partida ere ikusgai izango da. EITBk telebistako bere kateetan eta kirolakeitb.eus Kiroletako bere atarian emango ditu.
Azu Muguruza: “Identitatea sortzeko unea da, taldearen DNA”
Taldeko zazpi jokalari mantentzen dituzten arren, Mirai Euskotrenek ez du ondo hasi 2026-27 denboraldia. Azu Muguruza entrenatzaileak adierazi duenez, "nortasuna sortzeko unea da". (Bideoa gazteleraz)