Lointek Gernikak irabazi egin du; Kutxabank Araskik, Ardoik eta IDK-k, galdu
Emakumezkoen Endesa Ligako 12. jardunaldiak ez zituen emaitza onak utzi Euskal Herriko taldeentzat, Lointek Gernika Bizkaia izan baitzen garaipena eskuratu zuen ordezkari bakarra, Spar Gran Canaria 56-85 mendean hartuta. Kutxabank Araskik 66-55 galdu egin zuen Cadi La Seuren aurrean, Ardoik 71-62 Estudiantesen kontra eta IDK-k ere ezin izan zuen Duran Maquinaria Ensino menderatu (46-75).
Gernikarrek garaipen esanguratsua ekarri zuten etxera, kopara begira dituzten helburuei dagokienez. Partida hasieratik irabaztera atera ziren, eta ez ziotenez kanariarrei aukerarik eman, erraz gailendu ziren kantxan.
Ezin da gauza bera esan Emakumezkoen Endesa Ligako gainerako Euskal Herriko ordezkarien inguruan. Izan ere, Kutxabank Araskik, esaterako, ez du oraindik garaipenik lortu etxean denboraldi honetan. Ez zuten norgehiagoka behar bezala hasi, eta amaitu ere modu berean egin zuten. Bigarren zatian, Made Urietaren taldea hobetzen saiatu zen arren, puntuak Cadi La Seuren esku geratu ziren.
Horrez gain, Ardoik Estudiantes Movistarri egin zion bisita 12. jardunaldi honetan. Lehen zatian borroka bizia izan zen kantxan; lehen laurdena galtzen bukatu zuten nafarrek, baina markagailua alde zutela bukatu zuten lehen erdia, 23-28. Ondoren, aldiz, madrildarrak aurrea hartuta, 71-62 amaitu zuten.
Azkenik, IDK Euskotrenek ezinean jarraitzen du ligan. Sailkapenaren azken tokian dago, Duran Maquinaria Ensinoren kontra galdu eta gero (46-75). Azu Muguruzaren taldea, hortaz, Europan egiten ari den bide oparoari begira dago, asteazken honetan hitzordua du eta, etxean, CBBSren aurrean. Norgehiagoka ETB4n eta eitb.eus-en izango da ikusgai.
Zure interesekoa izan daiteke
Nate Darling: “Alderdi guztietan lagundu nahi dut, baita defentsa lerroa hobetu ere”
Surne Bilbao Basketek Nate Darlingen aurkezpen ofiziala egin du. Eskolta kanadarrak "taldea jokoan sartzea" gustuko duela adierazi du eta "bere estiloa aldatzen" joango dela aurkaria ezagutu ahala. (Bideoa gazteleraz)
Surne Bilbaok Bastien Vautier aurkeztu du: “Dibertigarria izango da Miribillan jokatzea, atsegina”
Bilboko taldeak, asteartean, 2026-2027 denboraldirako egin dituen fitxaketako bat aurkeztu du. Jokalari frantziarrak adierazi duenez, erraza egin zaio Bilboko klubean bertakotzea.
Gedna Capel: “Defentsan ekarpen handia egin dezaket”
Mirai Euskotrenek Gedna Capel aurkeztu du Donostian. Kataluniako hegal-pibota Azul Marino Mallorcatik dator, urtebeterako. Kataluniarra pozik dago klubak berarengan jarri duen konfiantzarekin eta "defentsan eta erreboteetan ekarpen handia" egin dezakeela adierazi du. (Bideoa gazteleraz)
Araskik Julieta Mungo eta Mireia Sanz aurkeztu ditu
Araskik berebi fitxaketa berriak aurkeztu ditu: Julieta Mungo eta Mireia Sanz. Mungo Ardoitik heldu da Gasteizera eta denboraldi baterako sinatu du. Sanz, bere aldetik, 19 urteko eta etorkizun handiko jokalaria da eta 2028ra arte sinatu du. (Bideoa, gazteleraz)
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Kutxabank Araskik Aleksandra Stanacev eta Kristina Racovic aurkeztu ditu
Kutxabank Araskik bi jokalari aurkeztu ditu: Aleksandra Stanacev joko-antolatzailea eta Kristina Racovic hegal-pibota. Endesa ligan jokatutakoak dira Serbiako eta Montenegroko jokalariak.
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
EITBk Endesa Ligako partidak emango ditu hurrengo bi denboraldietan
Denboraldi bakoitzean, hamar neurketa emango ditu, eta Kosner Baskonia eta Surne Bilbao izango dira protagonista horietan. 2026-2027 denboraldian, gainera, bi euskal taldeek azaroaren 22an jokatuko duten partida ere ikusgai izango da. EITBk telebistako bere kateetan eta kirolakeitb.eus Kiroletako bere atarian emango ditu.
Azu Muguruza: “Identitatea sortzeko unea da, taldearen DNA”
Taldeko zazpi jokalari mantentzen dituzten arren, Mirai Euskotrenek ez du ondo hasi 2026-27 denboraldia. Azu Muguruza entrenatzaileak adierazi duenez, "nortasuna sortzeko unea da". (Bideoa gazteleraz)